الموضوع: تغيير يايات لادا

ارجو المساعده بالرأى أفادكم الله وجزاكم عنى خيرا
سيارتى اللادا عندما اكون مركب الاسره بالمقعد الخلفى بسمع بوضوح صوت احتكاك من ناحية اليمين بالخلف
والميكانيكى اخبرنى ان اليايات ( السوست الحزونيه ) عايزين يتغيروا وان العربيه واطيه ورا بسببهم وقال لى ممكن انه يركب جلد علايات او نغيرهم وممكن بجديد او مستعمل نضيف

فارجو المساعده عن انواع اليايات لعربيه اللادا انواعهم واسعارهم الجديده ؟؟؟
والنصيحه ايه اشترى جديد ولا مستعمل
واركب بمعرفه الميكانيكى اللى بتعامل معاه ولا عند عفشجى
كمان ارجو معرفة هل توجد انواع اخرى من اليايات خاصه بعربيات اخرى تركب على الادا
وفى هذه الحالة ممكن تكون احسن ولا لا
على فكره انا سالت عى سوست او اليايات بتاعه اللادا لقيتهم روسي ب 180
والمحل اللى سالت فيه قالوا لى انهم بينزلوا روسي فقط
معلشي طولت
وارجو الرد

لم يرد اى واحد الى الان ؟؟؟
يا تري علشان السؤال عن الادا
ولا السؤال صعب
ولا مافيش اجابه
ولا انا كتبت السؤال غلط


عموما هزود كمان سؤال
وعشمى فى الاخوه فى المنتدى كبير

السؤال لو هتتغير اليايا او السوت ( لست ادرى ايهما الاصح مسمي )
هل اغير الاتنين اللى ورا بس ولا لازم اغير معاهم الاتنين اللى فى الامام
؟؟؟؟؟؟؟؟؟ظ

بص حضرتك
هو أنا عندنا لادا بس لادا اليكو فمش عارف الأنواع عندكم ايه

بس أنا حقول لحضرتك من الأحسن إنك تشتري اليايات جديدة أحسن عشان تريح دماغك
وبالنسبة لليركبهم شوف عفشجى كويس لو ملقتش
خليه عند ميكانيكى بس برده يكون كويس وبيفهم فى العفشة
وعلى فكرة الحاجات الروسى من جهة نظرى حتبقى أحسن بكتير لإن اللادا روسى أساسآ
وحكاية انك تركب أنواع تانية مكانهم منصحكش بيها
لإنك كد كدة حاجتها متوفرة ومش غالية قوى كمان
فخليك فى المضمون
أرجو إنى أكون أفدت حضرتك
ومن وجهة نظرى برده ان اللى ورا ملهمش دعوة بالأمام ممكن تغير اللى ورا بس
والله أعلم
وممكن حد من الأعضاء يفيدك أكتر منى برده
أعتذر على الإطالة

المشاركة الأصلية كتبت بواسطة eldosoqe

بص حضرتك
هو أنا عندنا لادا بس لادا اليكو فمش عارف الأنواع عندكم ايه

بس أنا حقول لحضرتك من الأحسن إنك تشتري اليايات جديدة أحسن عشان تريح دماغك
وبالنسبة لليركبهم شوف عفشجى كويس لو ملقتش
خليه عند ميكانيكى بس برده يكون كويس وبيفهم فى العفشة
وعلى فكرة الحاجات الروسى من جهة نظرى حتبقى أحسن بكتير لإن اللادا روسى أساسآ
وحكاية انك تركب أنواع تانية مكانهم منصحكش بيها
لإنك كد كدة حاجتها متوفرة ومش غالية قوى كمان
فخليك فى المضمون
أرجو إنى أكون أفدت حضرتك
ومن وجهة نظرى برده ان اللى ورا ملهمش دعوة بالأمام ممكن تغير اللى ورا بس
والله أعلم
وممكن حد من الأعضاء يفيدك أكتر منى برده
أعتذر على الإطالة

تركيب المساعدين واليايات اى ميكانيى او عفشجى كويس يركبهم بكل سهوله
و مش هياخد مصنعيه كتير
يعنى انا سألت على مصنعيه تغيير المساعدين واليايات و جلب المقصات و كاوتش الميزان وتربيط العفشه
قالى هياخد 80 جنيه من غير اما افاصل معاه
اكشف على العفشه وشوف اللى عاوز يتغير يعنى لو اللى قدام سلام يبقى مفيش داعى للتغيير

الفكره فى انك تشترى حاجات غير الروسى ان فيه روسى كتير مضروب و ممكن متلاقيش حاجات كتير روسى او ان فيه حاجات تانيه افضل من الروسى
و ملحوظه كمان متسمعش كلام العفشجى و تركب علايات لانها بتأثر على اتزان و ثبات العربيه جااامد جدا

شكرا للرد
بس السؤال هل فى انواع
زى المساعدين
.فى مثلا المانى وايطالى واسبانى ...الخ
فهل السوست واليايات نفس الشئ وفى الحاله ايه الاحسن معايا

المشاركة الأصلية كتبت بواسطة blazer

تركيب المساعدين واليايات اى ميكانيى او عفشجى كويس يركبهم بكل سهوله
و مش هياخد مصنعيه كتير
يعنى انا سألت على مصنعيه تغيير المساعدين واليايات و جلب المقصات و كاوتش الميزان وتربيط العفشه
قالى هياخد 80 جنيه من غير اما افاصل معاه
اكشف على العفشه وشوف اللى عاوز يتغير يعنى لو اللى قدام سلام يبقى مفيش داعى للتغيير

الفكره فى انك تشترى حاجات غير الروسى ان فيه روسى كتير مضروب و ممكن متلاقيش حاجات كتير روسى او ان فيه حاجات تانيه افضل من الروسى
و ملحوظه كمان متسمعش كلام العفشجى و تركب علايات لانها بتأثر على اتزان و ثبات العربيه جااامد جدا

تمام بلاش تخليه يعملك علايات أحسن
ننتمنى نكون وضحنالك الصورة وأفدناك

شكرا للردود
واتمنى المزيد
عموما انا مش مقتنع بالمره بالعلايات
ثانيا نفس الشيئ بالنسبه لى الاستعمال او الاستيراد رغم رخصه لكن مش مضمون
وخصوصا ان السوسيت مش بتتركب كل يوم اقصد اول باول لالالا دى مفروض انها تستمر سنين مع واحد زيي
ثالثا انا بافضل ان يكون فى صناعه ارقى شويه من الروسي فى السوست
على سبيل المثال انا ركبت بيض المثص نوع بولندى وكان اغلى من الروسي وقالوا لى انه احسن
وكان فى المنتدى انه فى نوع كويس بلغارى وسالت عليه ولم اجده فاخذت الاقرب له
علشان كده انا منتظر النصح لانى ان شاء الله هستفيد
مع كل التقدير للناصح
فهل من ناصح

سؤال بس هل حضرتك متاكد ان الصوت دة من العفشة
وهل تاكدت من بلى العجل الخلفى واكيد الصوت ناتج من العفشة
لو بالفعل الصوت ناتج من العفشة يفضل استبدال اليايات عند اخصائى عفشة عشان بتكون عندة العدد والادوات اللازمة وفاهم شغلة وبالنسبة للعليات ممكن تجيب استيراد حاجة نضيفة او جديد اضمن

بس اتاكد من سبب الصوت عند اكتر من ميكانيكى او بتاع عفشة عشان كتير منهم بيفكو يركبو وخلاص واتاكد من سبب العطل والصوت ناتج منين قبل اى شئ

الصوت مش موجود بالكامل الا فى حالة وجود اوزان بالعربيه بالكرسي الخلفى
فده بياكد ان التحميل ورا هوه سببب الصوت
وانا كنت بقول مساعدين او سوست
والميكانيكى قالى سوست هى اللى تعمل احتكاك وصوت لكن المساعدين تخلى العربيه طريه فى المطبات ده كلامه

انا سالت على الاسعار هنا فى الغردقه كما يلى
سوست روسي=180
المانى=290
ايطالى=220
انجليزى وبرازيلى فى حدود 230