انا شايف ان حضرتك فهمت الدكتور بحري غلط
هو قصده اللي عايز يلعب مفيش مشاكل بس يلعب في ساحة مقفولة بعيد عن السيارات و المشاة
بحيث ما يعرضش غيره للخطر ...... .
عرض للطباعة
هو ده الكلام الي حسيت منه خلط الأوراق والكره للبايكرز.......هو الي عاجبه الفيديو عاجبه المهارات للبايكر وعندك حق اني خفت عليه وقولت المفروض يلبس سيفتي ومجاش في بالنا نقول ان الكلام مش المفروض يتعمل في وسط الناس خوفا عليهم .......بس ماكنش ليه لزمة باقي الكلام (سياسة-ويولع)....كان ربنا يهديه او ماشابه تكفي بالغرض تماما....وحصل خير احمد باشا
طبعا الاختلاف في الرأى لا يفسد للود قضية لكن واضح فعلا إن حضرتك مفهمتنيش زي الباشمهندس أحمد كمال ما بيقول
إحنا مش مختلفين أصلا والجزء اللي اتكلمت فيه عن فعل راكب الدراجة هو الجزء اللي حضرتك اقتبسته ووافقت عليه وأيدته
وباقي الكلام أنا بحاول أؤكد جزئية خطورة هذا الفعل واستشهدت بحادثة الشاب القطري اللي كانت من فترة وازاي الفضائيات والصحف والجرايد عملت مناحة على الشاب المصري الذي قتل برغم إن هو نفسه كان واقف يتفرج على ما أذكر
يعني برضه الناس اللي معجبة بأفعال الشاب وواقفة تصوره على الكورنيش لو حد منهم أو حد يخصه خبطه الشاب ده لو الموتوسيكل فرك منه حيكون إيه الوضع ساعتها..مأساة طبعا
وأنا غير متحامل على راكبي الدراجات النارية لا بصورة مبالغ فيها ولا بأي صورة أصلا ولا يوجد في كلامي ما يشير إلى ذلك..بالعكس أنا أرى أن هذه الدراجات حل لا بأس به لمشاكل الزحام وارتفاع أسعار الوقود ومش عاوز أقول كمان موضوع الاحتباس الحراري أحسن حد يقول ده بيتفزلك
وكلامي الجاي ده هو اللي ممكن يتفهم منه التحامل...هههههههه
أنا لا أستطيع أن أنكر أن الكثير من الشباب ممن يركبون مثل هذه الدراجات لهم سلوكيات غير منضبطة..فالتقييم المتوازن مطلوب...الوسيلة جيدة ولكن كثيرا ممن يستخدمونها لا يستفيدون منها كما ينبغي وإنما غاية همهم مجرد الاستعراض وفقط بعيدا عن كونها أداة غاية في العملية والإنجاز
تقبل تحياتي يا أستاذ otefa
وعلى فكرة أنا معجب بخبرتك في الموضوع وطريقة تفكيرك العملية
باشا
هو بيقول
"ولو حصل حاجة لا قدر الله كنا ساعتها حنسمع الكلام المعتاد عن العرب واللي بيعملوه في مصر "
قصده ان الناس هي اللي هتخلط الاوراق و تعمم
و يولع دي من غيظه من ان الراجل بيعمل stunts خطيرة جدا جدا جدا في شوارع عامة يعني لو قلشت منه مش هيضر نفسه لوحده هيضر غيره ...... كل واحد حر يضر نفسه مادام ما بيتعداش على غيره زي المدخن ..... انما اللي يدخن في وسط اتوبيس نقل عام مزدحم بالركاب برضه هتلاقي الناس بتقول عليه يروح يولع لوحده ...... او حتى لو بيلعب كرة قدم و عمال يكسر قزاز العربيات ...... الخ
و نفس الكلام يتقال على قائد السيارة اللي بيخمس ويغرز و يفحط و يعمل دريفتات و حركات مالهاش لزمة في الطريق العام ......
جزاكم الله خيرا وعندك حق فعلا كان الأولى أن أدعو له بالهداية ولكن في الحقيقة أنا أكون في غاية الانفعال من مثل هذه التصرفات وفعلا لا أكاد أملك أعصابي وأنا أتخيل طفلا صغيرا مثلا يتم دهسه بسبب استهتار مثل هذا الشاب والذي لم يكن ليفعل ذلك وسط الناس إلا لأنه متأكد أنه يلفت انتباههم ويثير إعجابهم
أما بالنسبة للسياسة فما دفعني للإشارة إليها هو جنسية الشاب وتطابق المقارنة مع الشاب القطري..في النهاية من يصفقون إعجابا بمثل هذه التصرفات هم أول المسارعين في تأجيج نار الفتنة بين المسلمين والعرب بسبب مبارة كرة قدم أو مقتل مغنية أو ما شابه
أحسن الله إليك با باشمهندس وجزاكم الله خيرا على التوضيح
كده الصورة وضحت للكل الحمد لله ......:w6266d:satelite:
تحياتي دكتور بحري.......تحياتي مهندس احمد كمال
والموضوع بسيط ومافيش احسن من النقاش وتصفية النفوس.......ولايصح الا الصحيح
وأخبار الأدرينالين ايه يا أحمد باشا:ma:
والله انتم ناس زى العسل, أخلاق وعقل وحسن تفاهم والله, ما شاء الله, أحمد باشا بالمناسبه انا عندى نفس مشكلتك بالظبط, حتى عندى 30 سنة زيك و شغال فى الit زيك, ومتجوز بقالى سنتين و معشتش حياتى برده زيك, المشكله مش فيا, المشكله بقى فى مراتى اللى برده مصممة انه مفيش موتوسيكلات نهائى ,سبحان الله برده زيك