الموضوع: ما هي عيوب ومميزات الاوكتافيا a4

ايه ده السؤال صعب

المشاركة الأصلية كتبت بواسطة mr_sameh

ايه ده السؤال صعب

انا كانت معايه 2003 بس الصراحه دوختني جدا قعدت معايه 5 شهور غيرت فتيس اتوماتيك وظهر فيها اعطال كتير وكانت عاوز تغير فارغه المتوتور ظبتها وبعتها بس بسبب اني مكنتش عامله فحص كويس مع ناس نعتدهاش ضمير وبعتها وبخساره والحمد لله بس ناوي اشتريها موديل عالي شويه بس بعض الفحض الجيد الغلطه فيها بتكلفك مبالغ كبيره

المشاركة الأصلية كتبت بواسطة inspiron

أولا مفيش تحيز طبعا.والحق يقال هي عربية فوق الممتازة.

ثانيا..مين بقي اللي قال لحضرتك إن في سخونية ومشكلة في الكبالن..العربية لو ماشية في درجة حرارة 100 درجة مئوية حرارتها هي متتزحزحش عن الـ 90..وموضوع الكبالن ده غريب جدا لأن هي حقيقة مفيهاش أي مشاكل.بالعكس تماما.

نيجي للمواصفات:
-------------
1- موتور 1600 سي سي 102 حصان عند 148 نيوتن و تسارعه من 0-100 في 10.5 ثواني.
2- عفشة خدمة شاقة(قوية جدا).
3- سنتر مركزي,زجاج كهرباء ( أمامي و خلفي ), مرايات كهرباء مزودة بسخانات.
4- وحدات رفع للأربع أبواب ( الموديل المزود بفتحة السقف بها وحدة رفع أيضا)
5- فوانيس ضباب مدمجة مع فوانيس السيارة الأمامية ( عدسات ) و الخلفية.
6- إيراباج للسائق( في بعض الموديلات بتنزل بـ 2 )
7- كمبيوتر يعرض متوسط السرعة وإستهلاك البنزين لكل 100 كم ( حوالي 4.9 لتر) وبيان الرحلات.
8- مقابض نيكل للأبواب من الداخل.
9- تكييف ( مستفز جدا ).بمعني أن درجة برودته قوية جدا بشكل رهيب.
10- طي الكنبة الخلفية لتوفير مساحة زيادة ( مش هتحتاجها لأن الشنطة ممكن أفرش وأنام فيها).
11- كاسيت سي دي مزود بعدد 6 سماعات مع إيريال رياضي.

* معلومات تهمك :-
--------------
1- وزن السيارة 1580 كجم بالتقريب (فارغة.. والموتور ما شاء الله كفاءة عليها ).
2- السيارة مزودة بمبخر بنزين ووظيفته الإستفادة بكل كمية البنزين الداخلة لغرف الإحتراق.
3- ممكن تسمع صوت تكتكة بسيييييط أوي من ناحية اليمين ( تكتكتكتكتك ) ده حاجة عادية جدا في الأوكتافيا و ده صوت مبخر البنزين وهو شغال.والصوت ده موجود في الجولف والبورا والباسات.
4- السرعة القصوي للعربية 215كم/س و من غير ما تاخد بالك لو علي طريق مفتوح تلاقي نفسك جايبهم من غير ما تحس ( لأن عزل العربية قوي من وجهة نظري و صوت الموتور هادي مش ملحوظ علي السرعات العالية ).
5- ثبات العربية دي منقطع النظير و ده يخليك متحسش إنك ماشي علي 200 مثلا.

6- ودي أهم نقطة إن العربية دي إتظلمت من شعبنا اللذيذ بعد نزول الـ a5 و كل من هب و دب يقلل من قدرها.والحقيقة عكس ذلك تماما, الـ a4 والـ a5 وجهان لعملة واحدة في الأداء و الثبات.تفوق الـ a5 يأتي في فخامة المنظر والكماليات فقط.

- لو إحتجت حاجة أنا تحت أمرك,,, بالنسبة للعضو الكريم اللي عربيته دوختوا وجابلها فتيس وهي 2003..أنا آسف لو قولت لحضرتك غلطان من البداية لأن كان ينبغي تعمل الفحص قبل الشراء و متاخدش بالمظهر.لأن طبعا يا عالم صاحبها كان طبيعة إستعماله إيه.وفي النهاية هي عربية زي أي عربية..زيها زي الفئة السابعة زي المرسيدس s-class.بمعني.طبيعة الإستعمال هي الفيصل.أي عربية إستعمالها مهمل هتكون سيئة جدا مهما كانت هي إيه..أرجو إني أكون أفدت في ردي علي الموضوع و شكرا.

معلش يا باشا بس اسفسار صغير انت متأكد ان وزنها 1580 كج !!!!!! ولا قصدك 1380
أصل لو 1580 دي تبقى اتقل عربيه 1600 في العالم !!

معلومات قيمه بس اسعار العربيه ايه وكمان اسعار قطع الغيار ايه وكمان عارف انك الوحيد اللي هترد عليا لانك من انشط الناس في قسم اسكودا

هوا في منها 1300

الموضوع ده هتلاقي الرجاله متكلمين عنها ومحدش قصر ومن خلال تجاربهم
http://www.nilemotors.net/Nile/51161-a4-13.html

شكرا جزيلا