عايز اعرف كل العيوب اللي كل الشعب المصري بيشتكي منها في السيراتو ناس تقول فيها عيب فتيس و ناس تقول عفشه و واحد قالي العربية ولعت بصاحبة لوحدها و ناس بتقول انها خفيفة اوي و في ناس بتقول عربية زبالة انا عايز اعرف اية موضوعها
عرض للطباعة
عايز اعرف كل العيوب اللي كل الشعب المصري بيشتكي منها في السيراتو ناس تقول فيها عيب فتيس و ناس تقول عفشه و واحد قالي العربية ولعت بصاحبة لوحدها و ناس بتقول انها خفيفة اوي و في ناس بتقول عربية زبالة انا عايز اعرف اية موضوعها
عيب العربية دي ...انها مزعلة ناس كتير بس
فيها عيوب طبعا
لكنها لاترقى للذكر الحقيقة أمام المزايا
و بعدين دي كوري على فكرة
انت حاطط الموضوع في الياباني العام ليه ...بتجر شكل هههههههههه
لا بس عايز اعرف راي الناس في اليباني اية علشان انا معايا مازدا3 2009 و مش عجباني و عايز ابعها و اجيب السيراتو
لا توجد عيوب .... بس حضرتك اختار الجنط بعناية
طيب ما تقول ايه اللي مش عاجبك فيها وانت محتاج ايه من العربيه علشان نقدر نفيدك:11:اقتباس:
المشاركة الأصلية كتبت بواسطة sika_2009
السلام عليكم و رحمة الله و بركاته ...............
العيوب كاتتاتى :
1 بدون ضمان الوكيل .
2 الجنط ال 17 .
3 عفشة ناشفة نسبيا تلين مع الأستعمال .
4 مزعلة ناس كتير لأنها ناجحة جدا و كيداهم ( منقول عن حبيبى فالله دكتور أحمد سامى ) .
أما بالنسبة للفتيس و العربية إللى ولعت و الزبالة و كل الكلام ده ما هو من وجهة نظرى المتواضعة إلا حالات فردية أو عيوب تصنيع أو وجهات نظر تحتمل الصواب أو الخطأ
عيب في الفتيس ؟ الكلام دا بجد ولا حقيقي
من الاخر الخليجى و اخص السعودى ثم الكويتى فرز اول الحكومات دية صارمة جداااااااا معندهاش الاستهبال بتعنا هنا فى نظااااااام فى اماااااااانة
بالعقل كدة مين الى بيحترم شعبة اكتر من التانى الخليج ولا حكومتنا اكيد الخليج فاكيد كل حاجتهم احسن ميت مرة من المصرى الى دايما مظلوم دة اقل حاجة التكييف لان البلد عندهم بتكون نار اكتر من هنا ميت مرة انا شايف ان الخليجى افضل فى كل حاجة والى يقول غير كدة يبقى.... مبيفهمش حاجة....
______________
العضو المحترم ....
لا يمكنك نعت من يخالفك الرأي بعدم الفهم
هذا تنبيه بدون عقوبة
برجاء الالتزام بقواعد المنتدى
مشرف عام .3
يا سيدى الفاضل المازدا عربيه محترمه جدا ليه عايز تجيب السيراتو
السلام عليكم يا جماعه اللى يقول معلومه يبقى متاكد منها و يكملها للاخر عشان الناس متفهمش غلط
1-السيراتو اوتوماتيك 4 نقلات فقط الناس بتسمى ده عيب بس هو كمان ميزه لانه بيفرق فى السحب جامد بتعدى من اى عربيه كورى او بعض اليبانى لكن الالمانى لا طبعا لو بتشدوا مع بى ام او مرسيدس متقاوحش
2- مواصفات الخليجى احسن من الوكيل بكتير و اقل فى السعر كمان
3-الوكيل ليه ضمان 5 سنين و دى ميزه جمده جدا مع انى شفت ناس عربياتهم وكيل بيعملوا صيانتهم الدوريه بعضها بره التوكيل و قالولى عشات بنضيع يوم كامل و و فلوس اكتر و مشوار قلتلهم طب و الضمان قالولى احنا مظبطين ناس اصحابنا شغالين هناك مفيش قلق انما اللى مش مظبط بيخرج برا الضمان
4- السيراتو عديت بيها من المازدا 3 2009 و انا 200كم\ساعه و هو تقريبا كان 180 و ده كان اخر متوره على ما اظن لان احنا كنا بنشد طول الطريق لحد قبل الكارته
5- العربيه جميله و فخمه و شيك و متور قوى و فرامل الحمد لله انقزتنى من الموت مرات كتير شديده قوى
6- العربيه نشفه فى الجنط 17 ال 15 لا ممكن تتغلب عليه بالنيتروجين ضغط 30 بس هتفرق جامد جدا و كمان بعد 5000 كم بتطرى كمان اكتر و هتحس بيها
7- هتجيب خليجى يبقى لازم تشترى ضمان من اى شركه ضمان خليجى زى* * * * *اللى فى * * * * عند بردجستون بتاع الزوايا
8- لازم تفلى العربيه الخليجى كويس و انت بتشتريها و لازم تستلم بالنهار عشان ممكن تلاقى فيها عيوب صناعه بعد كده و تندم لان انا لاقت عيب تقفيل بسيط فى الفرش الجلد و رحت المعرض اللى انا شارى منه و قالى حاضر دى سمعتنا و بعتنا نستورد القطعه من كوريا و قالى بعد 20 يوم و لسه لحد دلوقتى مجتش و عدى شهر بش انا وراهم و بردو واحد تانى استلم و بعد كده لقى المرايا مش مربوطه كويس
9- انزل المعارض و اتفرج وخد وقتك و متتسرعش و صلى صلاة استخاره و ان شاء الله ربنا هيكرمك باحسن حاجه
10-التوكيل حباله طويله استلام بعد 3:4 شهور او اكتر كمان و الخليجى بضاعه حاضره و الوان كمان متوفره فى جميع الفئات
11- قطع غيار السيراتو متوفره و موجوده عند الجندى اللى فى شارع دمشق اصلى بتاعة الوكيل و بنصف التمن و ارخص من المازدا3 بكتير مع قريبى و برده عايز يبعها و يجيب السيراتو الكوبيه.
تم حجب اسماء و عناوين الشركات
تطيبقا لسياسة المنتدى الإعلانية
مشرف عام.3
انا عايز اغير المازدا علشان انا اتنفخت قطع غيار بطريقة فظيعه هيا معايا بقالها سنه و نص يعني ايه تبعت تجيب فلتر تكييف من بره تغيير تيل ب 800 جنية و تغير طنبير ب 2500 جنية كتير اوي
انت كمان غيرت طنابير .....!!!!اقتباس:
المشاركة الأصلية كتبت بواسطة sika_2009
لو كده يبقى توكل على الله السيراتو هاتريحك في النقطة دي جامد
بس برضه جربها الأول علشان تقتنع قعدة المازدا أفخم من السيراتو الا لو هاتجيب الهاي لاين مش هاتحس بفرق
السلام عليكم
انت بعتزر انى كتبت اسم شركه الضمان بتاع الخليجى بس انا و الله كان اصدى اساعد و اوفر مجهود على اغضاء المنتدى لان انا لفيت و سالت على كل حاجه تقريبا و حبيت يكون كلامى شامل عشان الناس تستفيد زى انا استفدت كتير من المنتدى و الله
و شكرا على المتابعه من المشرف العام 3
و السلام ختام
المازدا 3 عربية محترمة جدا تتميز بالاتى :
موتور قوى جدا سريع الاستجابة
ثبات قريب من السيارات الالمانى
سكاترا دقيقة جدا
انا ركبتها لمدة سنة فى دبى و انصحك بلاش تغيرها
و هى افضل جدا من السيراتو
+1111111111111111
انا معاك لمازدا جامده جدا و كل حاجة بس قطع الغيار تعبتني اوي اسعارها دي و انا حاطط في دماغي موضوع الفرق بين ركوبة المازدا و السيراتو بس انا هجيب الهاي لين في السيراتو عارف انت احساس انو انت تخاف اوي انو عربيتك يحصلها حاجه علشان ممكن ماتلقيش القطعه اللي باظط في مصر