الموضوع: عربيتى اتبهدلت على ايدك يا مصر , منك لله يا مصر

المشاركة الأصلية كتبت بواسطة ahmed_nubira

معلش حاول تتعايش وخليك حذر وانت سايق دايما..ولا تنسى دعاء الركوب

ادينا متعايشين والله اهه ما نشوف اخرتها ايه , والحمد لله على كل حال

المشاركة الأصلية كتبت بواسطة a.saad

الحمد لله على سلامتك الاول
تانى حاجة
يا ريت تبعت شكوى على مكتب الوزير نفسه

الله يسلمك ويبارك فيك يا استاذ احمد , بس خلينا واقعيين تفتكر شكوتى هتعمل حاجه !!

هيقولك سلاح المهندسين فرقه 16 الجناح التصميمى للمطبات اكد ان المسافه ما بين رؤيه المطب ودعسه الفرامل كافيه لتوقيف عربيه 127 ضاربه مستر عمومى وانت الغلطان

المشاركة الأصلية كتبت بواسطة sarawe511

الحمد للة انك بخير و حسبنا اللة و نعم الوكيل في كل مهمل

الله يكرمك يا فندم , وحسبنا الله ونعم الوكيل

المشاركة الأصلية كتبت بواسطة karim_monir

لا حول ولا قوة الا بالله
قدر الله وما شاء فعل
عارف الشارع ده كان فيه نفس الطب زمان قبل الفندق والحوارت دي
كنت انا في جامعة الازهر كلية تربية المبنى اللي على الناصية في وش قاعة المؤتمرات ده
وكل مانروح نصلي في الجامع نسمع طااااخ تش من المطب
ويوم سمعنا زي انفجار
طلعنا نجري
لقينا عربية نازلة الشارع بسرعتها ومشافتوش
كانت عندي الصور لوقت قريب هابقي اصورها رغم انه من 10 سنين
128 موديل 72 ام فانوس مودر مقسومة نصين
اه والله نصين يا احمد من عنف المطب
احمد ربنا
وماتنساش تقول
حسبنا الله ونعم الوكيل

والله يا استاذ كريم انا امبارح اساسا كل الناس اللى كانت ورايا وقفوا من المنظر ومتوقعين انى حصلى حاجه جوا العربيه , وكل اللى جاى ورايا فرمل جامد لأن محدش فعلا كان شايف المطب وانا كنت ضحيه الاستكشاف

يعنى اكيد اكيد من بعدى وقبلى ناس كتير هتروح ضحيه للمطب الفتاك ده

انا امبارح لو كنت راكب 128 كان وارد جدا انها تتقسم نصين زى اللى حضرتك بتقول عليها دى , الحمد لله

وحسبنا الله ونعم الوكيل

الا انت صحيح خريج ازهر ؟؟ , اول مره اعرف , زميل يعنى :)

المشاركة الأصلية كتبت بواسطة karim_mohy

مش عارف اقولك ايه بصراحة

حسبي الله ونعم الوكيل.........وحمدا لله علي سلامتك

الله يسلمك يا استاذ كريم , وحسبنا الله ونعم الوكيل

المشاركة الأصلية كتبت بواسطة د.محمود صلاح

سياسة المرور المخفية >>> السير بسرعة 40 فقط في أي مكان في القاهرة أو على الزراعي بدليل المطبات

واللى مش هيلتزم هيكون ليه عقوبه بحد ادنى انزلاق غضروفى وبحد اقصى ربنا يتولاه

المشاركة الأصلية كتبت بواسطة بحري

حسبنا الله ونعم الوكيل..ربنا يخلف عليك بالخير يا أحمد
أنا كنت لسه من كام يوم شاري أربع جنوط وأربع فرد كاوتش وطالع مبسوط إن العربية اتظبطت بدل المراجيح اللي كنت راكبها روحت واكل بالوعة مفتوحة ومستخبية في ملف...هوووب دلوقتي أنا باتمرجح تاني والجنط والفردة عاوزين يتغيروا بعد استخدام دقائق

أنت عارف إيه المشكلة..إن زي ما إنت قلت إن العربية لو تحطمت تماما أو إنك لا قدر الله حصلك حاجة محدش حيحس بيك في البلد دي ولا حد حتتم محاسبته...شعور مؤلم جدا جدا إننا نكون كمالة عدد في البلد وماشي محدش من اللي مسؤلين عنك حاسس بيك

الله يكرمك يا دكتور , انا نفس الموضوع عندى الاربع فرد كاوتش يادوب اهى لسه ماشيه 15 ألف بس وواحد منهم هيخرج من الخدمه والجنط العاده اتعوج

وفعلا اكتر احساس تاعبنى ان اللى قاعد جوا فى مكتبه وأمر بالمطب وبيسمع الخبط كل شويه مش فى دماغه ولا حتى هيكلف نفسه يشوف مين مات برا ولو حصل هيقول عليا يستاهل , حسبنا الله ونعم الوكيل

المشاركة الأصلية كتبت بواسطة tlrsiap

حسبنا الله و نعم الوكيل
كلنا بنشوف من ده كل يوم
الواحد مش عارف اصلا ممكن يتعمل ايه ولا ايه

ربنا يصلح الحال ويصبرنا على البلد دى , لحسن الواحد هاين عليه ياخد الشقه على كتفه ويروح يقعد فى اى بلد تانيه

المشاركة الأصلية كتبت بواسطة mhmdalsaadany

حسبنا الله ونعم الوكيل

حسبنا الله ونعم الوكيل

المشاركة الأصلية كتبت بواسطة zakiali

المطبات في مصر بقت جزء من تاريخ مصر الحديث بقت ثروة قومية يجب المحافظه عليها وتنميتها دايما

طبعا طبعا , وكمان الواجب على المواطنين امثالنا اختبارها كل فتره والتأكد من سلامه البنيه التحتيه للمطبات والمطالبه بتكبير واعاده بناء التالف منها

المشاركة الأصلية كتبت بواسطة mohamed gamal

الشارع ده في طريقي كل يوم وشفت الكوبري اللي عملينه فعلا (المطب الجديد)
بس هما حطين يافطتين وداهنين المطب أصفر في أبيض

ايووووووووووه الله ينور عليك , هو كوبرى مش مطب

انا بصراحه لا شوفت يافطات ولا اصفر فى ابيض , يمكن يكون مدهون بس علشان الدهان زيت عادى والدنيا ضلمه فالمفروض على الاقل يا يتنور يا يبقى الدهان عاكس

بس تقول لمين بقا , عاده التجارب تؤكد ان حجم المطب يتناسب عكسيا مع حجم عقل اللى عمل المطب فمن الكوبرى ده نتوقع بنتعامل مع مين

المشاركة الأصلية كتبت بواسطة amah_totala

قدر الله وما شاء فعل
أهم حاجة سلامتك وكله بعد كده يهون

الله يسلمك يا فندم , والحمد لله على كل حال

المشاركة الأصلية كتبت بواسطة ahmedhilmy

حمد لله علي سلامتك و حسبنا الله و نعم الوكيل في اللي بيحصل فينا

الله يسلمك يا استاذ احمد , وحسبنا الله ونعم الوكيل

المشاركة الأصلية كتبت بواسطة ghamrawy

النهارده الجمعة يا جماعة
ادعوا على الناس المسئولة عن الطرق و الشوارع و ان شاء الله ربنا يستجيب
حسبى الله و نعم الوكيل

انا طول الليل اساسا منمتش من المنظر كل ما افتكره وعمال ادعى عليهم , حسبنا الله ونعم الوكيل

المشاركة الأصلية كتبت بواسطة human12

مصر مش عارفه ان احنا موجودين و مصر ماتعرفش ان احنا تعبانين
مصر باعتنا يا احمد


بس انا عايز يبقى عندك ثقه فى البرنامج
شكرا للبلاعه و شكرا سيدى البرنامج

مصر اتجوزت عيل قد عيالها يا باشا وعايشه حياتها معاه ونسيت عيالها , ياريتها كانت باعتنا على الاقل الشارى كان اهتم بحالنا

وانا معاك , نموت ويعيش البرنامج وكلنا ورا البرنامج

شكرا ليك يا فندم ونتقابل بعد البرنامج

المشاركة الأصلية كتبت بواسطة gebreel

حسبي الله و نعم الوكيل

بجد لازم تاخد موقف ايجابي من المطب ده علشان ده اسمو هبل لأن الفندق ده المفروض 5 نجوم و الطبيعي اننا عمرنا ماشفنا فندق 5 نجوم عامل كدة بدون اي يفط ولا نور ولا عواكس و ابقى طمنا عملت ايه

والله يا استاذ جبريل مكدبش عليك انا مش ناوى اعمل حاجه , مش سلبيه ابدا ولا تنازل عن حقى

بس انا علشان مش اول ولا اخر واحد يركب مطب وعلشان قبل ما المطب يتعمل بالمنظر ده اللى عمله كان عارف اللى هيحصل كويس وعلشان ملاقيش نفسى اكلت مطب فى ملكيه الفندق ومطالب بمخالفه يبقى استنى حقى بقا يوم الحساب افضل

المشاركة الأصلية كتبت بواسطة powerpassion

حمد لله علي سلامتك و حسبنا الله و نعم الوكيل في الناس اللي معندهاش دم


مصر ضاعت ..

ومعظم العرب سبقونااااااااااااااااااا بسنين في شبكات الطرق

الله يسلمك يا فندم , بس هى ايه شبكه الطرق دى ؟

كل الشبكات اللى فى مصر يا موبايل يا مجارى يا كوره يا محرمات , انما طرق دى الشبكه الوحيده اللى مدخلتش مصر

المشاركة الأصلية كتبت بواسطة beeboo2005

سياسة البلد دلوقتى أن كل واحد عيز مطب يعمله. تلاقى المطبات بتظهر فى كام ساعة و اللى أنت معدى عليه الصبح طريق عادى تلاقى مطب بالليل، و اللى يحصل يحصل --- العربية تبوظ --- تستحق ما أنت غنى و لازم تتعاقب أنك عندك عربية. تموت --- فى ستين ألف !!!! ما أنت كمالة عدد. لا أحد يهتم بخسارة الأرواح أو الممتلكات.
آآآآآآه يا بلد.

بالظبط , انا الشارع ده بمشى منه كل يوم , يوم واحد بس مروحتش الشغل وروحت تانى يوم على الحظ بليل وحصل اللى حصل , الواحد دلوقتى ميحطش ثقه فى طريق يحفظه ابدا

المشاركة الأصلية كتبت بواسطة ganash

لا حول ولا قوه الا بالله الحمد لله انك بخير قدر الله وما شاء فعل

الحمد لله على كل حال

المشاركة الأصلية كتبت بواسطة seiffoz

قدر الله ما شاء فعل ... خد بالك بقى

والله يا سيف الواحد مبقاش عارف ياخد باله من ايه ولا من ايه

قدر الله و ما شاء فعل و الحمد لله انك بخير

حمد لله على سلامتك, و ان شاء الله تكون حاجه بسيطه فى العربيه.
طب بقى على الاوتوستراد عند مدخل شق التعبان الاتجاه الى جاى من حلوان للمعادى كان فيه علامات تحذيريه و يفط و اشارات ان فيه مطب, بس المشكله ان مافيش مطب, و فضلت فتره طويله كده اليفط موجوده و المطب مش موجود لحد مالناس اخدت على ان مافيش مطب و كلهم بيجرو عادى, لغايه لما عملوا المطب و طبعا بردو الناس فضلت تخيش عنده لحد ما اتعرف, ياعنى و لا فالحين كده ولا كده مش عارفين ننظم اي حاجه.

حسبي الله و نعم الوكيل .. الف سلامة عليك يا ابو حميد