الحمد لله بعد تفكير كبير ربنا كرمنى وشتريت النترا زيرو من اوتو سمير ريان وأمنت عليها عاوز اعرف بقى الصيانه مواعدها امتى وفين وبتتكلف على مين يعنى اول صيانه تقريبا بعد الف كيلو طيب فين الاماكن الى هعمل فيها الصيانه الدوريه ونا هدفع فيها كام والتوكيل كام بعد ازنكو يا جماعه
الف مبروك .. هل هي خليجي ولا وكيل ؟ لو وكيل هتلاقي جدول الصيانات مع كتيب الضمان
هى وكيل وعاوز اعرف حاجه يعنى ايه مشغلش التكييف غير بعد فتره وكده طيب انا استلمتها ولفيت بيها حبه وشغلت التكيف وجريت لحد 100/ كيلو هو العداد دلوقتى عمل 68 كيلو ويوم الاحد هرخص وركب النمر ياترى الكلام ده مظبوط ولا عادى
الف مبروك والمفروض ان حضرتك فى فتره تلين لحد الف كيلو
مينفعش تشغل التكيف ولا تجرى بيها
فقط التزم بتعليمات الكتالوج السير حتى 88 كم فقط. وعدم زيادة الار بى ام عن 3000. ومفيش مشكلة انك تستخدم التكييف.
اقرأ الكتالوج هيعرفك حاجات جديدة اكيد
السلام عليكم مبروك عليك انا برده لسة شاري النترا 2010 و الكلام الي انت عملتو مفيهوش حاجة و الكتالوج كل الي بيقوله عن فترة التليين و دي الحاجات الي بطول من عمر الماتور
1- النقل يتم ما بين 3-4 ار بي ام
2-لا تسير بسرعات عالية يعني متعديش 100
3-عدم الثبات على سرعة واحدة لفترة طويلة اثناء السير سواء كنت ماشي ببطئ او بسرعة (بسرعة دي برده بتكون اقل من 100 ) و دة عشان يتم تليين العربية على جميع السرعات
و الكتالوج مش كاتب حاجة خالص عن انك تستخدم التكييف او لا في فترة التلين بس يفضل برده انك متفتحوش قبل الالف ممكن بس بتجربه شغال و لا لا عشان لو في حاج لا قدر الله تقلهم عليها في صيانة الالف
و بالنسبة للصيانات بقي فهي بتكون اول صيانه الف و بعد كدة كل خمسة يعني 5000 و بعد كدة 10000 الخخخخخخخ
وانا بصراحة معملتش غير صيانة الالف و دي بيتم فيها تغير الزيت بزيت شل هيلكس 5000 كم او 10000 كم حسب ما تحب مع تغيير الفلتر و اطلب منهم كمان تنظيف الماتور بالفوم و اي ملاحظة شوفتها في العربية قاللهم و هم هيظبطوها هياخد منك لو غيرت زيت 10000 حوالي 250 جنية و تنتظر من ساعة و نص لساعتين
طبعا تكون حاجز قبلها معاد بالتليفون عشان تروح تدخل على طول و يدوك رقم بالتليفون تدخل بيه هناك
طبعا و انت داخل بيديك كيس عشان تشيل اي متعلقات او رفايع ليك في العربية
متشكر جدا بس ليه حضرتك معملتش غير صيانه الالف بس وتانى حاجه لاقيت عند المساحه من قدام عند قايد دراع المساحه طرف متثيبت كويس وطرف مهوى كده شويه من ساعه مجبت العربيه كنت ياترى الحاجات دى بتتعمل ف التوكيل وكده
انت خليجى يا أستاذ حماده ؟
ممكن السعر و الكمليات ؟
لاني ببساطة انا تقريبا دلوقتي عامل 1800 كم بس و موضوع الدراع دة بقي قصدك الدراع كله و لا الكاوتشة كدة بتبقي على طرف المساحة بتغطي على الشاسية الحديد بتاعها لان لو هي الكاوتشة دي فدي بتتشد كدة من الفراغ الي في الشاسية الحديد لحد ما تغطيهاقتباس:
المشاركة الأصلية كتبت بواسطة hamada132
انا لقيتها مساحة كدة و مساحة كدة برده بس ظبطتها لكن لو غير كدة يبقي افضل حاجة قولهم عليها في الصيانة