انا معاى افيو 2007 الشكل الجديد و مش عارف الناس ظالماها هنا ليه
بصراحه انا العربيه ى من الزيرو و دلوقتى 44000 حتى الأن مغيرتش غير تيل فرامل و فلتر هواء و الزيت و فلترالزيت . اللى مستغربله ليه الناس متحامله جدا على الأفيو و على التوكيل رغم انه حصل معاى تجربه فى اول سنه فى العربيه كان صوت التكييف عالى شويه فرحت للتوكيل و قالى هو مش عيب فى التكييف لكن لو الصوت مضايقك ممكن نغيرلك Compressor
و فعلا غيروه فى الضمان فى نفس اليوم و من غير اى مشاكل او حورات و لا دفعت و لا مليم.
و اخر مره عملت صيانه ال40,000 كم دفعت 470 جنيه بس رغم انى كنت متوقع اكتر من كده
. على فكره انا حاليا معاى النترا 2008 لكن الأفيو مبعتهاش هى لسه مع مراتى و زى الفل .
تكييفها حلو سحبها كويس و مالهاش مشاكل حتى الأن الحمدالله.
انابس حسيت بفرق لما ركبت الأنترا لأن الفتيس و الباور بتاع الأنترا انعم طبعا. بس ده مايعيبش الأفيو لان الفئه مختلفه و ماينفعش نقارن دى بدى. المفروض تتقارن بالأوبتراز
اخيرا للأمانه العلميه عاوز اقول ان الأفيو اللى معاى كورى مش تجميع مصرى .انا مجربتش التجميع المصرى مشاكله ايه.علشان كده نصيحتى لو ملقتش افيو كورى ممكن تجيب نيو اكسنت كورى انا بسمع انها حلوه برضه.