سحل و ضرب حتى الموت و تمثيل بجثة مصري في لبنان متهم بجريمة قتل

و الله بجد أنا متنرفز جداااا
أول حاجه المتهم برئ حتى تثبت إدانته هو ده القانون
لو فرضنا إن هو قتلهم يبقى مش الأهالي اللي يقتلوه بالوحشية و الهمجيه و التمثيل بجثته كمان

و اي متخلف عقليا يقول يستاهل عشان قتل يبقى فعلا إنسان معندوش ذرة عقل أو ضمير
ربنا أعطى ولي الأمر حق تطبيق الحدود مش الناس تبقى غابه بقى
و القانون لازم ياخد مجراه
يا عالم ده لو واحد رايح المشنقه و إكتشفوا إن فيه حرز جديد في القضيه تعاد محاكمته تاني
ده لو لبناني في مصر قتل حد هيلمس ليه شعره

الناس اللي قتله دي ناس متخلفه دينيا و عقليا و حضاريا
هو جديد عليهم يعني ما قتلوا في الفلسطينيين قبل كده و في نفسهم في الحرب الأهليه
و كل من تلوثت أيديهم بدماء هذا الشاب المصري ربنا يرحمه و يصبر أهله لهم من الله ما يستحقون

أنا بس عايز اعلق و أقول فين أيام محمد علي فين أيام إبراهيم باشا لما كان الشام ده كله تبع مصر يا جماعه دولا بيسموا الفلوس مصاري عشان كنا بنحكمهم

حسبي الله و نعم الوكيل في كل من له سبب في رخص الإنسان المصري في كل مكان و حتى على ارض الوطن

و الله العظيم لو مصر سكتت على اللي حصل يبقى خلاص على الدنيا السلام
أول حاجه تحقيق شامل يثبت إذا كان المصري ده قام بالجريمه و لا لأ
تاني حاجه الحكومه البنانية تدفع ديته لأهله
ثالث حاجه كل اللي طلعوا معاه في الصور و هما بيموتوه يتحاكموا

فينك يا أبو الغيط يا بتاع هنكسر رجل اللي يعتب حدوننا
و لا هتروح لبنان و يوقلك
تقبرني ما كانو يقصدوا بدهم بس يضربوه راحوا موتوه و سحلوه و مثلوا بيه إيش فيها يعني


حسبي الله و نعم الوكيل

مئات اللبنانيين يضربون مصريا بلبنان حتى الموت ويعلقون جثته بعمود كهرباء لاتهامه بالقتل

لاحول ولا قوة الا بالله
ربنا يستر علينا

عادي هو ده حال المصريين لو كان للمصري كرامه واحترام في بلده خارج بلده كان يلاقي نفس الكلام واللي يقول لمراته يا عوره يلعبوا بيها الكوره انا اسف حال يحزن داخل بلدك وخارج بلدك ربنا ينتقم منهم لما يكون ممثل لحزبك الحاكم يطالب ان الشرطه تضرب المصريين با النار داخل بلدك منتظر ايه خارجها يدلعوهم

وما أن وصلوا إلى المنزل مكان تمثيل الجريمة حتى قام المئات من الأهالي اللبنانيين باعتراض طريقهم وسحبوا المتهم وانهالوا عليه بالضرب حتى الموت.
ولم تتمكن عناصر الأمن اللبنانية من منع الأهالي، إلا أن بعض الشبان استطاعوا تخليص الشاب المصري من بين الناس ونقلوه إلى مستشفى سبلين الحكومي، ولكن تبعهم عدد كبير من الشباب إلى المستشفى وقاموا بسحبه منها وقتلوه، ومزقوا ثيابه ولم يبقوا عليه إلا الثوب الداخلي.
ولم يكتف أهالي القرية اللبنانية بذلك، فقاموا بوضع الشاب المصري على مقدمة إحدى السيارات وساروا به حتى الشارع الرئيسي في قرية "كترمايا" وساحة البلدة وسط حشود كبيرة من مختلف الأعمار، وهم يرددون: "الله اكبر"، و"هذه هي العدالة لكل قاتل ومجرم"، فيما راح البعض يطلق الأعيرة النارية في الهواء.

بعدها قاموا بسحب جثة الشاب على الأرض بعد ربطها بحبل، وثم قاموا بتعليقها على عمود كهربائي مقابل المسجد وسط ساحة البلدة ليراه جميع أهالي القرية.
وبعد ما يقرب من ساعة قاموا بإنزال الجثة عن العمود وجرها بالقرب من مكان الجريمة.
وبعد ساعة تقريبا حضرت سيارتان عسكريتان تابعتان للشرطة العسكرية في الجيش اللبناني، حيث استطاعوا تخليص جثة الشاب من يد الأهالي ووضعها في إحدى السيارات العسكرية ومن ثم غادرت المكان.

قبل ما الناس عندنا تسخن وتبدأ تشتم في لبنان واللبنانيين لازم نقرا الخبر كويس

الراجل ده اغتصب قاصر وقتل عائلة كاملة جد وجدة وحفيدتين اطفال 7 و 9 سنوات واعترف بالقتل والبوليس كان واخده لمسرح الجريمة انما الناس عرفوا وفتكوا به

طبعا انا مش باقول ان اللي عملوه ده صح انما دول قرية من جنوب لبنان وربما يكون عندهم قبلية زي عندنا في الصعيد

اقتباس:

---

المشاركة الأصلية كتبت بواسطة مصراوي جدا

قبل ما الناس عندنا تسخن وتبدأ تشتم في لبنان واللبنانيين لازم نقرا الخبر كويس

الراجل ده اغتصب قاصر وقتل عائلة كاملة جد وجدة وحفيدتين اطفال 7 و 9 سنوات واعترف بالقتل والبوليس كان واخده لمسرح الجريمة انما الناس عرفوا وفتكوا به

طبعا انا مش باقول ان اللي عملوه ده صح انما دول قرية من جنوب لبنان وربما يكون عندهم قبلية زي عندنا في الصعيد

---

لو الكلام ده حقيقي يستاهل الحرق لكن انا مصمم علي ان بلدنا هي اللي باعتنا واهملتنا وخلت المصري بدون وزن او قيمه في مكان وعلي وجه الخصوص عند العرب لكني عربي عربي عربي

اقتباس:

---

المشاركة الأصلية كتبت بواسطة مصراوي جدا

قبل ما الناس عندنا تسخن وتبدأ تشتم في لبنان واللبنانيين لازم نقرا الخبر كويس

الراجل ده اغتصب قاصر وقتل عائلة كاملة جد وجدة وحفيدتين اطفال 7 و 9 سنوات واعترف بالقتل والبوليس كان واخده لمسرح الجريمة انما الناس عرفوا وفتكوا به

طبعا انا مش باقول ان اللي عملوه ده صح انما دول قرية من جنوب لبنان وربما يكون عندهم قبلية زي عندنا في الصعيد

---

+1111111
الموضوع ملوش دعوة بأنه مصري لأن لو حصل نفس القصة في الفلاحين عندنا أو في الصعيد كانوا برضو هيولعوا في الجاني أيا كانت جنسيته بس دا شرعا لا يجوز وإلا نبقى عايشين في غابة وتحكمنا شريعة الغاب بس طبعا إذا تكلمت الغوغاء سكت العقل

اقتباس:

---

المشاركة الأصلية كتبت بواسطة factorialx

و اي متخلف عقليا يقول يستاهل عشان قتل يبقى فعلا إنسان معندوش ذرة عقل أو ضمير
ربنا أعطى ولي الأمر حق تطبيق الحدود مش الناس تبقى غابه بقى
و القانون لازم ياخد مجراه

---

رغم إني متفق معاك في رأيك إن المناط بتنفذ الأحكام أولي الأمر اللي هم الشرطة والقضاء بس اسلوبك دا مرفوض تماما ومينفعش

اقتباس:

---

المشاركة الأصلية كتبت بواسطة مصراوي جدا

قبل ما الناس عندنا تسخن وتبدأ تشتم في لبنان واللبنانيين لازم نقرا الخبر كويس

الراجل ده اغتصب قاصر وقتل عائلة كاملة جد وجدة وحفيدتين اطفال 7 و 9 سنوات واعترف بالقتل والبوليس كان واخده لمسرح الجريمة انما الناس عرفوا وفتكوا به

طبعا انا مش باقول ان اللي عملوه ده صح انما دول قرية من جنوب لبنان وربما يكون عندهم قبلية زي عندنا في الصعيد

---

كلامك مردود عليه من وجهة نظر قانونية و من وجهة نظر الشريعه

يشتبه يشتبه يشتبه فرق كبير لم تثبت الجريمه عليه حرام عليك بجد

إيه عرفنا إنه إتعذب عشان يمضي على الإقرار ده ما الكلام ده بيحصل في بلدنا نفسها
لما ميعرفوش يجيبوا المجرم يلبسوها لأي واحد و اكيييد المصري هيكون مستضعف هناك
مثلا قضية بني مزار مش الشرطه مسكة السفاح و الناس كلها قالت يتعدم و قريته كانوا عايزين يكلوه بمعنى الكلمه إيه اللي حصل لما القضية غتعرضت على القضاء
القضاء برئه و مازالت بني مزار مقيده ضد مجهول

دلوقتي الجثه عمرها ما هتبين آثار تعذيب عمرنا ما هنعرف هل إتعذب و لا لأ إيه ملابسات القضيه عرف يمثل الجريمه صح و لا لأ يعني في قضية بني مزار المتهم معرفش ينط السور راحوا العساكر ساعدوه

من وجهة نظر الشريعه ولي الأمر هو الوحديد اللي ليه تطبيق الحدود حتى لو كان ظالم
( ده عشان الناس بتوع أحسن و يستاهل ده شرع ربنا يقتل القاتل و لو بعد حين )

و حتى لو عما كل الجرايم دي لازم يكون ليه دية عند اللبنانيين لأنه إتقتل و لم يعدم ده قتل دي جريمه في حق مصري و كلنا لازم نقف مع أهله

سؤال بسيط لو المصري ده سعودي كان هيحصل فيه كده ؟؟؟؟؟؟؟؟؟؟

و حسبي الله و نعم الوكيل

بأختصار احنا اللي عملنا في نفسنا كده
كله ماسك في الكرسي بس والهبش وقوانين بس عشان اللي في جيبي وجيبك وجيب الشعب
ربنا يخليك لينا يا ..........

اقتباس:

---

المشاركة الأصلية كتبت بواسطة factorialx

كلامك مردود عليه من وجهة نظر قانونية و من وجهة نظر الشريعه

إيه عرفنا إنه إتعذب عشان يمضي على الإقرار ده ما الكلام ده بيحصل في بلدنا نفسها
لما ميعرفوش يجيبوا المجرم يلبسوها لأي واحد و اكيييد المصري هيكون مستضعف هناك
مثلا قضية بني مزار مش الشرطه مسكة السفاح و الناس كلها قالت يتعدم و قريته كانوا عايزين يكلوه بمعنى الكلمه إيه اللي حصل لما القضية غتعرضت على القضاء
القضاء برئه و مازالت بني مزار مقيده ضد مجهول

دلوقتي الجثه عمرها ما هتبين آثار تعذيب عمرنا ما هنعرف هل إتعذب و لا لأ إيه ملابسات القضيه عرف يمثل الجريمه صح و لا لأ يعني في قضية بني مزار المتهم معرفش ينط السور راحوا العساكر ساعدوه

من وجهة نظر الشريعه ولي الأمر هو الوحديد اللي ليه تطبيق الحدود حتى لو كان ظالم
( ده عشان الناس بتوع أحسن و يستاهل ده شرع ربنا يقتل القاتل و لو بعد حين )

و حتى لو عما كل الجرايم دي لازم يكون ليه دية عند اللبنانيين لأنه إتقتل و لم يعدم ده قتل دي جريمه في حق مصري و كلنا لازم نقف مع أهله

سؤال بسيط لو المصري ده سعودي كان هيحصل فيه كده ؟؟؟؟؟؟؟؟؟؟

و حسبي الله و نعم الوكيل

---

ولا كان حد قدر يلمسه ومش بعيد كانو جابو له واحد محامي محترم زي فريج الديب وقعوه في فندق خمس نجوم لحد التحقيق ما يخلص وفي الاخر يقدموا له جواب اعتذار علي العطله والوقت الضايع العرب في مصر يقتلو المصريين ويدوسوهم بسيارتهم فاكرين طبعا الهامر بتاعت وسط البلد لما فتت الشاهين التاكسي ولا والولد القطري اللي داس علي الناس في طريق المطار وفي الا خر المسؤ لين بشويه فلوس يخرجوهم من صاله كبار الزوار مصحوبين بل سلامه ومتمنين ليهم التوفيق والمزيد من اهدار دم المصريين مثال اتخانق مع واحد عربي في مصر وروحو القسم وانت كمان ليك حق يعني انت المظلوم وشوف هو ها يتعامل ازاي وانت ها تتعامل ازاي في النهايه لا كرامه للمصري داخل بلده او خارجها ربنا ينتقم منهم

اقتباس:

---

رغم إني متفق معاك في رأيك إن المناط بتنفذ الأحكام أولي الأمر اللي هم الشرطة والقضاء بس اسلوبك دا مرفوض تماما ومينفعش

---

و اللي يشمت في ميت لم تنصفه العدالة و لم يلق نصيبه من الدفاع
يبقى غيه اللي يقول يستاهل يبقى إيه

و يا جماعه الراجل الميت مشتبه فيه و لم تثبت جريمة القتل يبقى محدش يقول عليه قاتل

ربنا يرحمه و يغفر له

اقتباس:

---

وعلق رئيس بلدية كترمايا على تصريحات وزير العدل اللبناني بأنه سيتم القبض على من شاركوا في قتل الشاب المصري قائلا: "ليس هناك من مطلوبين للعدالة في كترمايا، وأبناؤنا ليسوا خارجين عن القانون، وبالتالي لن نسكت إذا ألقي القبض على أحد منهم".

---

ليس هناك مطلوبين للعداله
دا أبنائهم هما المجرمين الجبنا اللي يعملوا في واحد أعزل و يمثلوا بيه

و الله لو مصر سكت و محدش إتحاكم من اللي طلعوا في الصور يبقى خلاص كرامتنا بقت في التراب

حتى لبنان بتتشطر علينا

آه يا زمن

اقتباس:

---

المشاركة الأصلية كتبت بواسطة مصراوي جدا

قبل ما الناس عندنا تسخن وتبدأ تشتم في لبنان واللبنانيين لازم نقرا الخبر كويس

الراجل ده اغتصب قاصر وقتل عائلة كاملة جد وجدة وحفيدتين اطفال 7 و 9 سنوات واعترف بالقتل والبوليس كان واخده لمسرح الجريمة انما الناس عرفوا وفتكوا به

طبعا انا مش باقول ان اللي عملوه ده صح انما دول قرية من جنوب لبنان وربما يكون عندهم قبلية زي عندنا في الصعيد

---

متفق معاك فى الراى ممكن يكونوا قبيلة او قري ة صغيرة زي مصر او الصعيد مثلا كانوا هيقولوا دة تار وهيقتلوة

اقتباس:

---

المشاركة الأصلية كتبت بواسطة factorialx

ليس هناك مطلوبين للعداله
دا أبنائهم هما المجرمين الجبنا اللي يعملوا في واحد أعزل و يمثلوا بيه

و الله لو مصر سكت و محدش إتحاكم من اللي طلعوا في الصور يبقى خلاص كرامتنا بقت في التراب

حتى لبنان بتتشطر علينا

آه يا زمن

---

هو لسة كرامتنا مش فى التراب:beatdeadhorse5::beatdeadhorse5:

وبعدين انت عايز مصر ام الدنيا تزعل علشان واحد اتقتل؟؟؟؟؟
طاب كانت زعلت على الى بيحصل للمصرين فى السعودية وليبيا
او الى حصل للمشجعين المصرين:120146b

لا حول ولا قوه الا بالله حسبى الله ونعم الوكيل

انا مش عارف اقول ايه؟؟؟؟؟ بس لا تعلييق !!!!!!!!

ولسسسسسسسسسسسسسسسسسسسسسسس ه

دا لو واحد اسرائيلى عمل كدة كانت الدنيا قامت

ولو نفرض انة اغتصب مش فى حكومة وفى قانون فى البلد ..

فعلا هى حكومتنا الذكية السبب فى اهانة المصرى فى كل مكان ..

يا ترى مين الى هيرجعلنا كرامتنا تانى ..

طبعا الحكومة هى اللى ضيعت كرامة المصريين

يعنى لو كان ايام ما المصريين اتبهدلو من كلاب الجزائر فى السودان

لو كانت الحكومة طلعت بيان مفاده ان الجيش المصرى مستعد للتدخل القوى والسريع فى اى مكان لحماية كرامة مصر و المصريين

مجرد التهديد

ماكونوش كلاب العرب يتنططوا عالمصريين

غير كده احنا بندعم لبنان سنويا بمعونات زى توصيل الكهرباء وغيره لابد من قطعها فورا طالما احنا مكروهين هناك كده

و لابد ايضا من مقاضاة وزارة الداخلية اللبنانية لانها المسئولة

يعنى ايه كلاب القرية خدو الولد من وسط الظباط دول لو كانوا ضربوا طلقتين فالهوا كانوا كل الكلاب دول جروا

او حتى لو ضربوا فالمليان عادى

يا ريت بدل ما نستمر فى تبادل التهم والاتهمات و الاسباب .....

ندعو للشهيد المقتول نهارا جهارا بأن يغفر الله لة و يرحمة و يدخلة فسيح جناتة ....

و هو فى نظرى شهيد تماما لانة لم تثبتة علية اى تهمة من التهم المزعومة اللى لفقت له لتبرير الجرمية البربرية دى من اهل القرية ..و اى راى اخر غير كدة ياريت يجبلنا ادلة تثبت ادانتة فى ما نسب الية ..

و الحادث دة فكرنى باحدى علامات الساعة اللى ذكرها الرسول الكريم و هى
كثرة الهرج (القتل) حتى أنه لايدري القاتل لما قتل والمقتول فيما قتل ..

و هو تمام ما حدث بالضبط و زيادة..ربنا يستر علينا و يرحمنا لاننا دخلين على زمن صعب .

لو اللي عمله صح .. يستاهل
صحيح اللي عملوه غلط برضه
لكن لو لبناني عمل كده في الصعيد كانو بعد ما قتلوه و سحلوة .. عملوه سندوتشات همبرجر

حسبي الله و نعم الوكيل

اقتباس:

---

المشاركة الأصلية كتبت بواسطة hegazio

لو اللي عمله صح .. يستاهل
صحيح اللي عملوه غلط برضه
لكن لو لبناني عمل كده في الصعيد كانو بعد ما قتلوه و سحلوة .. عملوه سندوتشات همبرجر

---

يستاهل إزاي إنت بتشمت في ميت إنت بدافع عن فعل الغوغاء و الهمج
إنت بتدعو للجاهليه و شريعة الغاب
إنت بتكتب كلام إنت مش عامل حسابه
إنت بتكتب كلام حرام
ده لو شارون نفسه حرام نعمل فيه كده

بطلوا إستفزاز بقى يا عالم الراجل مات موتة بشعه

اقتباس:

---

المشاركة الأصلية كتبت بواسطة factorialx

يستاهل إزاي إنت بتشمت في ميت إنت بدافع عن فعل الغوغاء و الهمج
إنت بتدعو للجاهليه و شريعة الغاب
إنت بتكتب كلام إنت مش عامل حسابه
إنت بتكتب كلام حرام
ده لو شارون نفسه حرام نعمل فيه كده

بطلوا إستفزاز بقى يا عالم الراجل مات موتة بشعه

---

+1111111111111
يا جماعة انتوا شايفين المنظر عامل ازاي تخيل اي حد (مشتيه فيه) من معارفك بيتعمل معاه كدا هتعمل ايه..؟؟؟؟ هتقول اصله يستاهل.؟؟؟؟؟ حتى لو يستاهل الموت ياترى هيستاهل التمثيل بجثته مثلما حدث..؟؟؟؟؟؟؟
حسبنا الله ونعم الوكيل

اقتباس:

---

المشاركة الأصلية كتبت بواسطة elassar2010

متفق معاك فى الراى ممكن يكونوا قبيلة او قري ة صغيرة زي مصر او الصعيد مثلا كانوا هيقولوا دة تار وهيقتلوة

---

حتى لو في الصعيد هيقتلوا وهيطلعوا............ بس مادام مات عمرهم ما هيمثلوا بجثة كدا.؟؟؟؟؟