عايز اشترى اللوجان بس محتاج مساعده

**Galilioz** · 30-04-2010 02:47 PM

السلام عليكم ورحمة الله وبركاته
انا كنت مدمن ساجا بصراحه وكنت ناوى على الساجا لا مش كنت ناوى لا خلاص روحت عشان اشتريها فعلا
بس اول ما روحت توكيل عز العرب وشوفت العربيه على الطبيعه وقعدت فيها
الصراحه غيرت راى خالص
لانى بصراحه حسيت انى دخلت عربيه موديل 2000 تقريبا شكل التبلوه بالعدادات تعبان جدا وضيقه شويه غير ان شكلها الخارجى طلع تقريبا اصغر من الصور وكمان شكلها من الخلف مش الجبار زى ما فى الصور ونفسيا كده مرتاحتش وانا فيها واهم حاجه فى العربيه ان الواحد يكون مرتاح نفسيا فيها فيها
المهم انا قرارت أجيب اللوجان فول اوبشن
بس بصراحه مش عارف اجيبها منين عايز ارخص مكان
انا فى حاجه مش فاهمها الناس بتحجز فى التوكيل وبتستلم بعد شهر وله اتنين بسعرها الرسمى يعنى تقريبا 68 الف فى حين ان المعارض عارضه استلام فورى بسعر اقل من كده يعنى 67 الف ياريت حد يفهمنى وله التوكيل بيبعها بسعر اقل من كده بيعمل تخفيض يعنى
وانا كمان سمعت ان الفول اوبشن بتعمل 65500 فى بعض المعارض
ياريت اللوجانويه الابطار يفيدونى
عايز ابقى لوجاناوى :b4_611: بس عايز ارخص مكان

**frhateg** · 30-04-2010 02:57 PM

الناس اللي في القاهرة معظمهم بيزكوا محمد زكي في القطامية و بيقولوا معاملته في منتهي الأحترام و كذلك اسعاره . اللي انا اعرفه ان الفول اوبشنس ب 68000 الا ان محمد زكي ما زال بيبيع بالسعر القديم اللي هو 67000 بس الوان معينه و دي الدفعة القديمة . اما 65550 فدي اول مرة اسمع فيها عن السعر ده . فان كنت ناوي توكل علي الله و عليك و علي محمد زكي . و 1000 مبروك عليك مقدما .

**Galilioz** · 30-04-2010 03:42 PM

المشاركة الأصلية كتبت بواسطة frhateg

الناس اللي في القاهرة معظمهم بيزكوا محمد زكي في القطامية و بيقولوا معاملته في منتهي الأحترام و كذلك اسعاره . اللي انا اعرفه ان الفول اوبشنس ب 68000 الا ان محمد زكي ما زال بيبيع بالسعر القديم اللي هو 67000 بس الوان معينه و دي الدفعة القديمة . اما 65550 فدي اول مرة اسمع فيها عن السعر ده . فان كنت ناوي توكل علي الله و عليك و علي محمد زكي . و 1000 مبروك عليك مقدما .:10d5c8w1107:

طيب ايه ميزه التوكيل يعنى بشوف الناس بتقدم وتنتظر شهر وشهرين ايه الميزه هو التوكيل بيعمل خصم كبير وله ايه ؟؟؟

**zkralla** · 30-04-2010 04:19 PM

الاسعار القليله الى بتنزل فى الجرايد ديه جر رجل وقله ادب لأنك لما بتروح بتلاقى سعر تانى مش هيقل ابدا عن سعر التوكيل
الخلاصه أنت عندك ثلاته اختيارات
يا اما التوكيل (بيع بالسع الرسمى واستلام بعد شهرين او اكتر )
أو موزع معتمد (بيع بالسعر الرسمى واستلام فى مده غالبا اقل )
أو معارض (بيع بسعر اعلى من السعر الرسمى واستلام فورى )

لو من القاهره أو ممكن تيجى بسهوله خليك فى محمد ذكى (موزع معتمد )
أما حكايه الخصم ديه فانسى مفيش اى حد بيعمل خصم لا التوكيل ولا الموزعين المعتمدين ولا المعارض

التوكيل ومحمد ذكى بيبعوا بالسعر الرسمى بس التوكيل الاستلام بعد شهرين وممكن اكتر أما محمد ذكى فالتسليم بعد اسبوع يمكن اقل او اكتر شويه حسب الظروف (هو ده الفرق الوحيد بين التوكيل ومحمد ذكى ) وأنا بافضل الحل ده خصوصا أنه ممكن يكون حتى الان بيبيع بالسعر القديم واتصل أتاكد على الرقم ده
19420 رقم لكل الفروع
23589033 فرع المعادى
0121721413 ده رقم أ /هانى مدير الفروع
عاوز تستلم وانت واقف يبقى معارض وهتزود من أول الفين جنيه وفى معارض تانيه الف وفيه واحد صاحبى دفع 500 بس ولو عاوز اجيبلك نمره المعرض الى بيأخذ 500 اجيبهالك منه لانى ما اعرفش المعرض ده

بالنسبه لميزه التوكيل عن الموزع المعتمد فالاجابه ...مفيش أى ميزه ولا أى اختلاف نهائيا

بالتوفيق

**yahiazakaria** · 30-04-2010 05:52 PM

محمد زكي انا مجربه وسعره زي التوكيل ولو الون الي عايزه موجود هتستلم بسرعه جدا انا استلمت في 5 ايام العربيه كانت موجوده بس البنك والتقسيط هما الي عطلوني يومين

**nomercy22** · 30-04-2010 07:08 PM

محمد زكي ومبروك عليك مقدما

**Galilioz** · 30-04-2010 07:13 PM

المشاركة الأصلية كتبت بواسطة zkralla

الاسعار القليله الى بتنزل فى الجرايد ديه جر رجل وقله ادب لأنك لما بتروح بتلاقى سعر تانى مش هيقل ابدا عن سعر التوكيل
الخلاصه أنت عندك ثلاته اختيارات
يا اما التوكيل (بيع بالسع الرسمى واستلام بعد شهرين او اكتر )
أو موزع معتمد (بيع بالسعر الرسمى واستلام فى مده غالبا اقل )
أو معارض (بيع بسعر اعلى من السعر الرسمى واستلام فورى )

لو من القاهره أو ممكن تيجى بسهوله خليك فى محمد ذكى (موزع معتمد )
أما حكايه الخصم ديه فانسى مفيش اى حد بيعمل خصم لا التوكيل ولا الموزعين المعتمدين ولا المعارض

التوكيل ومحمد ذكى بيبعوا بالسعر الرسمى بس التوكيل الاستلام بعد شهرين وممكن اكتر أما محمد ذكى فالتسليم بعد اسبوع يمكن اقل او اكتر شويه حسب الظروف (هو ده الفرق الوحيد بين التوكيل ومحمد ذكى ) وأنا بافضل الحل ده خصوصا أنه ممكن يكون حتى الان بيبيع بالسعر القديم واتصل أتاكد على الرقم ده
19420 رقم لكل الفروع
23589033 فرع المعادى
0121721413 ده رقم أ /هانى مدير الفروع
عاوز تستلم وانت واقف يبقى معارض وهتزود من أول الفين جنيه وفى معارض تانيه الف وفيه واحد صاحبى دفع 500 بس ولو عاوز اجيبلك نمره المعرض الى بيأخذ 500 اجيبهالك منه لانى ما اعرفش المعرض ده

بالنسبه لميزه التوكيل عن الموزع المعتمد فالاجابه ...مفيش أى ميزه ولا أى اختلاف نهائيا

بالتوفيق

انا كلمت دلوقتى مدير الفروع استاذ هانى وقالى ان سعرها 68 الف
وانه فيه اربع عربيات هتجيله يوم الاحد

**DOCTORBADRAN** · 30-04-2010 08:27 PM

السبع موتورز معاملته في منتهي الأحترام و كذلك اسعاره استلام فورى انا مجربه و يسعدك فى الترخيص و موزع معتمد

**ahmedbakr50** · 01-05-2010 05:47 AM

أنا جبتها من محمد زكى من حوالى 45 يوم ولحقتها ب67 للبترولى إلى أنا جبته والرصاصى ودول إلى كانو متبقييت من السعر القديم
متهيألى دلوقتى خلص العربيات إلى كانت بالسعر القديم وعنده دلوقتى بـ 68

**aimangorg** · 01-05-2010 08:26 AM

انا جبتها من محمد ذكى من 10 ايام من الستاذ هانى مدير الفروع بفرع المعادى معاملتهم فى منتهى الاحترام ب 68000 وبرده بساعدوك فى التراخيص
الميزه الى انا شايفها فى محمد ذكى انه موزع معتمد تانى حاجه انهم بينقلوا عربياتهم على تريلات مش يجبوها سواقه لان فى معارض مثلا بيجيبوا العربيات سايقنها من الاسكندريه فانتا بتستلم العربه عامله 200 وحاجه كيلو العيب فى الموضوع ده ان العربيه ممكن تتجرح منهم فابالتالى بيرشوها وانت نش بتبقى طبعا عارف الموضوع ده انا سمعتوا على كذه معرض اولهم المصريه
على فكره انا استلمت عربيتى كانت عامله 13 كيلو
والف مبرووووووووووووووك مقدما