انت اكيد مش عارف انت فين
عرض للطباعة
العدد الفعلي لمن قامو بقرائة الموضوع حتى الان
7 الالالاف عضو
باي عقل ومنطق واحساس يكون المتبرعون ثلاثون فقط
حسبنا الله ونعم الوكيل
اعجزنا ان نساعد زميل لنا في مكان واحد واكتفينا بالمشاهدة والتحسر لحاله ومتابعة الانتباه للفيلم الذي نشاهدة او الموضوع الذ نقرأه
لا حول ولا قوة الا بالله
ديه إجابه سؤال كان بيدور فى ذهنى من زمان ومش لاقيله اجابه
كنت بسأل ربنا كتير يا رب نفسى اعرف ليه مصر- مع أن معظم شعبها بيوحدك وبيعبدك - حالها كرب وضيق رزق والناس فى هوان وكرب ؟ وشعوب كافره عايشه فى رفاهيه وتطور
موضوع محمد خلانى اعرف الإجابه عشان مسلمين معنهومش اخلاق اسلام
سلبيه وتخاذل
ده امبارح وأنا بجيب صفائح لمحمد من بنك الدم كنت مش عامل حسابى ونازل بالمترو ومفيش تاكسى عاوز يقف اتحيلت على سواق التاكسى وقالوا معلش واحد بينزف وعاوز الحقه يقولى معلش اصل ديه عربيه اكل عيش وما وفقش غير لما قلته يا عم خد الى أنت عاوزه وحتى فى الرجوع مرديش يخش بيا عند المشتشفى عشان هيلف
بسم الله الرحمن الرحيم "وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَبَعْدَ ذَلِكَ فَأُوْلَئِكَ هُمُ الْفَاسِقُونَ ""
هى ديه الاجابه
لو اصلحنا انفسنا سوف يصلح الله حالنا
أنا منفعش اتبرع -رفضوا فى البنك - هأخذ مراتى دلوقتى وعيالى عشان مفيش حد يقعد بيهم وانزل اوديها تتبرع وخلى الرجاله تنام وتستريح
أ/ كريم .. الأخ العزيز جدا على كل من يعرفونك هنا فى المنتدى أو لا يعرفونك
أرجو أن تساعدنى غدا إن شاء الله فى مقابله الأسكندريه عند فتح موضوع أخونا محمد جمعه للتواصل مع الأخوة الأعضاء الحضور لصيغه أو مقترح أو طريقه لمساعدة أى زميل هنا فى المنتدى قد يواجه نفس ظروف محمد أوما شابه حتى لا نصل لهذا الموقف وهذة النتيجه، وكذلك تفعيل دورنا الاجتماعى تجاة الغير لأن كلا منا معرض لأى ظرف طارئ وأعلم تماما مدى حرصك على فعل الخير لكن الموضوع بالفعل خطير ويحتاج لتضافر كل الجهود وبخاصه الان حاله أخونا محمد .
تقبل تحياتى وشكرا جزيلا
علاء الشناوى
لن أضيف على كلام حضرتك أى جديد ولكن بالفعل وعلى قدر سعادتى على إستجابه أناس فى غايه الذوق والإحترام والشهامه والإيثار .
أجدنى فى غايه الحزن لحال الكثير ممن إكتفى بالأسى على حال محمد وكأن الأمر لا يعنيه وكأن كل واحد منا ضمن لنفسه الصحه .
أخى الكريم لا تلتفت للاخرين وافعل ما يمليه عليك ضميرك وتأكد كل واحد منا سوف يؤتى ثمار عمله .
لأن الله عز وجل لا يظلم أبدا وثق بأنه وحدة قادر على أن يوقذ القلوب النائمه .
وبارك الله فى كل من ساعد واهتم وشغل نفسه بأخ له لا يعرفه مثلما هو حال معظمنا ولكن كان التحرك لوجه الله تعالى وابتغاء مرضاة الله عز وجل .
اول ما اتفتح الموضوع دة والناس لقيتها مهتمة وبتروح فرحت جدا وحسيت ان الدنيا فيها خير خصوصا وانا فى موقف عايش فية دالوقتى مححسنى ان الدنيا مبقاش فيها خير بس لما قريت الاحصائيات اليتعملت حسيت بحالة مش كويسة
والله انا رأيى اننا نعمل موضوع مقفول على الناس اللى بتتحرك و تنبه فى اوله ممنوع حد يخش يدعى ولا يتعاطف ولا يشفق عليه
عشان المشاركات متزدش و تبقى توهة زى المواضيع اللى فاتت و منبقاش عارفين فين و مين و ليه و كدة
مشاركاتنا تبقى مسلسلة و خاصة باستاذ محمد شفاه الله و مرتبة خطوة بخطوة و نتكلم احنا بس عن تحركاتنا و هنعمل ايه و عملنا ايه وكدة
و نسيب المواضيع التانية للدعاء و الشفقة و الكلام اللى ميفيدش ده
والله ده افضل و اللى يخش معانا يبقى هيعمل حاجة مش كلام بس لو كلام يخش المواضيع التانية يدعيله دعوتين ياخدله حسنة و شكرا ليه و كل واحد يعمل اللى فى قدر مستطاعه
احنا نقدر نعمل حاجة نتكلم فى الموضوع ده
ناس مقدرتها كلام بس يبقوا فى الموضوع التانى
عشان حتى لو متابعين بس يفتحوا الموضوع ده يشوفونا وصلنا فين و عملنا ايه من غير مشاركات عشان ميلخبطوناش بس و ارجو التنبيه على ده تحديداً