لماذا يتعامل معنا توكيل كيا على اننا متخلفين عقلياّّ
اتصلت اليوم بتوكيل كيا (eit) على رقم 19542 لكي أسأل عن سعر معشوقتي السول و بعد معرفه السعر اللي محصلش (125000) سألت لو دفعت كاش استلم امتى قاللي الباشا : لأ احنا معندناش استلام فوري حضرتك حتدفع 20 ألف دفعه حجز وتستلم بعد 3 الى 4 شهور قولتلو جميل حنكتب عقد ملزم للطرفين ان لو جه ميعاد التسليم و انا مدفعتش باقي المبلغ يروح عليا دفعه الحجز و لو جيه ميعاد التسليم و انتو مسلمتوش يتخصم ال 20 ألف من ثمن العربيه ضحك الباشا و قاللي : لأ طبعا متنفعش قولتلو بسيطه انا حاعتبر ال 20 ألف دول وديعه و نحسب فوائدها عن فتره ال 3-4 شهور و نخصمهم من ثمن الصيانه ضحك بصوت أعلى و قاللي : حضرتك دمك خفيف قوي قولتلو لأ انا بس محبش حد يديني على ........ انت عايز تضمن ال 20 ألف اللي بتكسبهم من كل عربيه الأول و بعدين تسلم لما يجيلك مزاج بعد متكون دورتهم في السوق أو دفعت قسط قرض البنك صح؟ البيه سكت و معرفش يرد انتهزتها فرصه و فتحت عالرابع و قولتلو مش معقول التجار الصغيرين اللي زي جابر عبدالشهيد أو أسامه عبدالنبي عندهم بضاعه فوري وانتو التوكيل الجبار معندوش بضاعه حاضره زي ما بيقولو لكن الحمد لله وصلت لقناعه ان التوكيل ده بيديرو مجموعه هواه