هو كدة دبرياج ولا الموتور خفيف ؟

صباح الفل و الياسمين على احلة رجالة فى الدنيا
امبارح وانا طالع المقطم بوصل واحد صحبى . وانا على المطلع قلت اشوف العربية اية اخبراها فى المطالع .. المهم كنت على الغيار 3 وبعدين قلت اكبس بنزين على الاخر وشوف ايه الى هيحصل . المهم كبست الدواسة للاخر ولاقيت الموتور صوته عالى جامد وrpm وعداد السرعة متحركوش من مكنهم او يمكن يعلى حاجة بسيطة .. يعنى مفيش استجابة نهائى من العربية عند التعجيل فى السرعة ... بس دة طبعا فى المطالع فقط

العربية تمام وانا ماشى عادى من غير مطالع بس صوتها الى حد ما عالى شوية لما اقرص على الغيار ..
يا ترى كدة عادى لان دة مطلع يعنى العربية كدة كويس عليها الواحد يسايسها على المطالع . ولا كدة الدبرياج بيودع ولا الموتور خفيف ولا اية
علما بأن مفيش دخان اسود او ازرق بيطلع من الشكمان .
العربية اكسنت 1500 انجيكشن وعاملة 100.000 ك والدبرياج بتاع الفبريكة لسة ..
واسف على الاطالة وشكرا مقدما
اخوكم محمد

ya man ana wlahe al 3rbya al w7ida alli b7trmha fi modelat al accent bta3tk w dh shi2 3ade lazm sot al motor y3la gamed lma t2ros 3la al 3'iar al 3'iar leh sr3a m7dda lma bygibha bybd2 al sot y3la w al sor3a mtzidsh w nse7a blash ars 3la al na2la 3shan al mwater al korean bttft7 b shola f blash 3shan t3esh aktr


















IBIIIIIIIIIIIIIIIIIIIIIIIIIIIIIIIIIIIIIIIIIIIIIIII IIZZZZZZZZZZZZZZZZZZZAAAAAAAAAAAAAAAAAAAAAAA FOR EVER

لو السرعة كانت ثابتة و مفيش تقطيع ....يبقى الاسطوانة سليمة و دة آخر التالت بتاعها

بس بلاش تعمل الحركة دى تانى لأن دى بتجيب آخر الاسطوانة و بيكون معدل حرقها اسرع كتير ..و انت فى مطلع خدة براحة و ماتحولش تجيب آخر النقلة اللى انت فيها خليك فى نص النقلة او تلات ترباعها بالكتير .

يا راجل حد يطلع طلعه المقطم علي التالت برضه؟؟؟

بص يا معلم انت دور العربية و سخنها كويس و ارفع الهاند بريك و هات الخامس و بعد كدة اطلع بالعربية و اقرص شوية بالبنزين و ارفع رجلك ببطىء عن الدبرياج لو العربية مبطلتش و فضلت دايرة لحد ما تشيل رجلك خالص عن الدبرياج و مستمرة فى الدوران يبقى الاسطوانة كل سنة و انت طيب لو بطلت تبقى تشيل من دماغك حكاية الدبرياج لانه سليم و مش مفوت و خلى العربية تبطل لانه معشق فى الموتور على الخامس و تشوف بقى كهربة موتورك بوجيهاتك
و ابقى قولى الاخبار

دى طريقة برضو لاختبار الدبرياج

لكن اهم مقياس بالنسبه ليك هوه ال Rpm يعنى شوف زمان على سرعة معينه و على غيار معين كان بيبقى كام لى القيمه دى زادت دلوقتى يبقى الدبرياج قرب و فى الحاله دى وطى الدبرياج شويه عشان يقعد معاك اطول فتره ممكنه

و بعدين يل راجل مطلع المقطم صعب ....... انا ساكن هناك ......طبيعى التسارع اقل بكتير و طبيعى الصوت بيعلى لكن اهم حاجه Rpm بيعلى عن الطبيعى و الا لأ

شكرا على الاهتمام
اخى karcoor
اختبار الدبرياج انه عملته ودة الى حصل ..
رفعت الهاند وجبت الخامس ووزنت بين الدبرياج والبنزين لاحد مشيليت رجلى خالص من الدبرياج العربية ديرة ومبطلتش بس فى نفس الوقت متحركتش خطوة واحدة من مكانها .. يعنى ممشييت وبرضة مبطلتش ... جربت على الرابع نفس الكلام ..
ولما نزلت الهاند وجربت تانى على الرابع والخامس العربية مشيت ومبطلتش بس طبعا رجرجت جامد لحد متحركت .. كدة انا مش عارف اية الموضوع

اخى احمد عزت ..
موضوع rpm زى ما هو زمان نفس القيم هى هيها مفيش تغير .. يعنى التانى 40 ك 2.5 rmp
الثالث 60 ك 2.5 rmp الرابع 80 ك 2.5 rpm .
انا طبعا بنقل على 2.5 rpm علشان محرقش جامد على الموتور ..
منتظر رد الاخوة الكرا م وشكرا

اولا ارتفاع صوت الموتور طبيعى جدا لما تقرص علية

ثبات عداد السرعة مع الrpm يعنى ان الاسطوانة مش مفوتة... لو مفوتة كنت لقيت الrpm زاد و عداد السرعة مكانة و شوية و شميت ريحة الاسطوانة

اختبار الهاند بريك بتعملة غلط... حط رابع و الهاند مرفوعة و اطلع اكنك جايب اولانى و حتطلع عادى... متحطش فى دماغك ان دة الرابع و الا حتحاول تحسس على الدبرياج و تخللى العربية متبطلش... اطلع عادى خاااااالص

و حسب اللى انت قولتة العربية شكلها مفيهاش مشاكل

MMamdouh

شكرا محمد باشا وهجرب تانى موضوع اختبار الدبرياج دة ورجعلكو تانى
شكرا لكل من ساهم وربنا يجعلنا ديما احباء فى الله ..
وشكرا

اقتباس:

---

المشاركة الأصلية كتبت بواسطة hazem_khidr

يا راجل حد يطلع طلعه المقطم علي التالت برضه؟؟؟

---

يا حزوم مطالع المقطم بيطلعوا على التالت و الرابع كمان ماعدا المطلع اللى عند مودرن أكاديمى