الموضوع: الرادار واللوجان ....هام أرجو الرد

امبارح وانا راجع من القاهرة خلاص فاضل على بوابة اسكندرية 2 كم، مكنتش مركز الصراحة انا ماشي على سرعة كام بس انا متاكد غن كنت معدي ال100 وعلى البوابة لقيت لجنة ......بس استغربت انهم موقفونيش
هل كده الرادار بيصور مواصفات العربية ويبلغ اللجنة ولا بيصور النمر
عشان لو صور النمر انا كده ممكن الاقي مخالفة من 500 ل1500 عالترخيص
فمش عارف بقى ايه النظام؟؟
ولا هو بيبلغ عربية كذا لونها كذا وخلاص وانا كده عديييييييييت
مستني الردود

ممكن تكون مش لجنة رادار و كمان عادتا الرادار بيبتدوا يمسكوا الي اكثر من 110 كم. فلاو موقفوكش يبقي انت في السليم مفبش مشاكل.

المشاركة الأصلية كتبت بواسطة smax

ممكن تكون مش لجنة رادار و كمان عادتا الرادار بيبتدوا يمسكوا الي اكثر من 110 كم. فلاو موقفوكش يبقي انت في السليم مفبش مشاكل.

السؤال هنا هو بيبلغ بنمرة العربية ولا بمواصفات العربية؟؟؟؟؟؟؟
الكلام ده كان 9 بلليل

المشاركة الأصلية كتبت بواسطة alexman007

السؤال هنا هو بيبلغ بنمرة العربية ولا بمواصفات العربية؟؟؟؟؟؟؟
الكلام ده كان 9 بلليل

طالما ماوقفكش يبقى عدت على خير

المشاركة الأصلية كتبت بواسطة meggieboy

يا باشا أنا ممسوك قبل كده 106 تصدق دى بزمتك!!!!

و اللى يغيظ إنى حاطط مثبت سرعة على 100 و أقول للضابط أنا حاطط مثبت سرعة وورتهوله.....طبعا كأنى كائن من الفضاء.

الغريب إن سمك مؤشر عداد الميجان لوحده يغطى خمسة كيلو....

أقوله يا باشا هو فى مصر الرادارات متطورة كده و بتجيب دقة 6 كيلو فوق الميه....قالى بص أنا هكلم مهندس حسام اللى فى عربية الرادار علشان حضرتك تتأكد.

الضابط: أيوه يا باشمهندس العربية الميجان السوداء كان ماشى كام.

الأسطى حسام: أيوه يا باشا 106

الضابط: شفت حضرتك....


طبعا أتأكدت :c_laugh[1]: و إتحرق دمى و مشيت من غير و لا كلمه .

معنى كده ياباشا أنهم بيبلغوا بمواصفات العربية يعني بتتصور من الجنب ولا بيجيبوا النمر؟؟؟

المشاركة الأصلية كتبت بواسطة smax

ممكن تكون مش لجنة رادار و كمان عادتا الرادار بيبتدوا يمسكوا الي اكثر من 110 كم. فلاو موقفوكش يبقي انت في السليم مفبش مشاكل.

بص ياباش من حوال 15 يوم كان فى لجنه على طريق السويس عند مدخل الشروق وفيها :
رخصك اركن رادار انتا ماشى على 108 ليه 150 تصالح فورى او 300 فى المرور بعد ما نسحب الرخصه

الردار كان موجود فعلا قبل البوابة عند اسكندرية الساعة 9 مساءا وكان بيوقف قبل البوابة انت مريت الساعة كام