اسكت ياعم علشان فيه اجانب هنا
وكفايه انا طلعت دليل علي الهمجيه
فعلشان متبقاش انت كمان
عرض للطباعة
الواحد فينا لو خبط واحد بعربية بيلاقي أمم عليه اللي بيضربه واللي بيكسر عربيته وممكن يموت فيها رغم أنه أوقف سيارته ويحاول اسعافه
وتلومونهم لأنهم قتلوه بهذه الطريقة ونسيتم جرمه
ربما هذا الأسلوب غاضب زيادة عن اللزوم لكن ما فعله هذا الرجل يستحق به هذا العقاب بغض النظر عن ما هي جنسيته
الله يغفر لنا وله
هو فعلا يستاهل القتل لكن التمثيل بالجثه منهي عنه بس الغل والغيظ يعمل اكتر من كده
صورتنا اتشوهة في كل حتي الدول العربيه والاوربيه وفي العالم كله
حضرتك مش فاهم وجهة نظرنا نهائيا على فكرة
احنا مش بنقول اللي عملوه صح
و لا بندافع عنهم
بس احنا مش عايزين الموضوع يتحول لمصري ضد لبناني
احنا ببساطة بنقول لو الموضوع ده حصل في مصر من مصري او لبناني او موزمبيقي كانت الناس هتطحنه
و لو كان الفاعل في لبنان لبناني برضه كانت الناس هتطحنه
يعني الموضوع مالوش علاقة بالجنسية .......
فهمتنا؟
لأ حضرتك اللى مش فاهمنى خالص على فكرة ..
انا لما رديت فى الموضوع ده مكنتش اسعى انى احدث فتنة من اى نوع مابين المصريين واللبنانيين ..
لكن بقول انا ده تصرف عادى جدا جدا جدا
وبيحصل كل يوم فى البلاد العربية واولهم مصر ..
زى ماحضرتك تفضلت وقلت موضوع الثأر ..
واللى بدل ما يقضوا عليه .. بقت العملية دلوقتى اللى ياخد بتاره يبأه بطل ..
وزى ماتفضل الاخ اللى قال لما حد بيخبط حد بعربيته ..
كل الناس بتتلم عليه ويبهدلوه دون ماحد يتعب ويبذل اى مجهود انه يشغل عقله اللى الصدا كله ..
ويعرف ظروف الحادثة وان اللى اتخبط ده فيه احتمال 1على 1000 انه يكون هو اللى غلطان ..
لكن الحدث ده بعد ماتم بثه على الفضائيات والانترنت ..
فده بيأكد الصورة البشعة اللى لينا ادام العالم ..
وده من ضمن الاسباب اللى مأخرانا 1000 سنة ورا ..
اننا مبنحترمش القانون .. فمننتظرش ان القانون والعالم يحترمنا ..
بس
اقتباس:
طالبت الخارجية المصرية السلطات اللبنانية بإجراء تحقيقات عاجلة في حادث مقتل شاب مصري والتمثيل بجثته وسرعة ضبط المتورطين في الحادث.وأدانت السفارة المصرية في لبنان، في بيان لها يوم الجمعة، التمثيل بجثة المتهم والذي بثته وسائل الإعلام المرئية والمقروءة في مشهد يتنافى مع الوجه الحضاري للشعب اللبناني، وأدانت في الوقت ذاته الجريمة البشعة التي ارتكبت بحق الابرياء اللبنانيين الأربعة.
وأبدت سفارة مصر الثقة في الدولة اللبنانية وفي سلطاتها وقيامها بإجراءات تستلزمها هذه القضية لإحقاق العدالة وتطبيق قواعد القانون.
ومن جانبه أدان ميشال سليمان الرئيس اللبنانى قتل شاب مصري متهم بقتل 4 أشخاص من أسرة واحدة على يد مئات اللبنانيين في قرية "كترمايا"، والتمثيل بجثته في ساحة القرية.
و دعا الرئيس اللبناني وزيري الداخلية زياد بارود والعدل ابراهيم نجار بملاحقة الأشخاص الذين قتلوا المتهم، وإنزال العقوبات الصارمة بحق المقصرين.
وأكد الرئيس سليمان، في تصريح أذاعه مكتب الرئاسة الإعلامي يوم الجمعة، انه رغم بشاعة الجريمة التي نفذها المتهم فان التصرف الذي حدث بحقه يسيء إلى صورة لبنان، خصوصا أن الدولة لم تقصر في كشف الفاعل.
وذكرت مصادر أمنية لبنانية أن الشاب المصري "محمد مسلم" يشتبه بارتكابه (38 عاما) جريمة قتل طفلتين إحداهما في السابعة من عمرها والثانية في والتاسعة، إضافة إلى جديهما، وقد عثر على جثث الضحايا الأربع في المنزل يوم الأربعاء الماضي.
وقالت المصادر إن المئات من سكان قرية "كترمايا" جنوب شرق العاصمة بيروت، هاجموا الشاب وأخرجوه بالقوة من سيارة الشرطة التي كانت تقتاده إلى مكان الجريمة لإعادة تمثيلها، وانهالوا عليه بالضرب وأصابوه إصابات بالغة.
ونقلت قوات الأمن الشاب إلى إحدى المستشفيات للعلاج، إلا أن الأهالي لحقوا به وهاجموه في المستشفى، وأجهزوا عليه،وقاموا بربط جثته بسيارة، وتوجهوا بها إلى بلدتهم بعد تجريده من ملابسه باستثناء سرواله الداخلي ، وقام الحشد بتعليق جثته على عمود كهرباء في ساحة البلدة، بحضور رجال الشرطة الذين وقفوا عاجزين.
وبثت محطات التليفزيون محلية لقطات فيديو للحادث، أظهرت لقطات للحشد وهو يقوم بتعليق جثة الشاب المصري، التي كانت تنزف على عمود للكهرباء بحبل وقضيب حديدي، لمدة حوالي نصف الساعة وسط هتاف وزغاريد النساء.
و قال إبراهيم نجار وزير العدل اللبناني إن هذا الحادث "يجب ألا يمر مرور الكرام، ودولة المؤسسات لا يمكن أن تقبل بذلك"، مؤكدا أن السلطات القضائية تمتلك أسماء عشرة أشخاص من الذين قاموا بهذه الجريمة البشعة، وثمة إجماع على ضرورة الملاحقة وان يقوم القضاء بواجباته.
كل وسائل الإعلام اللبنانية بتتكلم عن القتيل على إنه "مشتبه فيه" وإحنا فيه مننا اللي شايف إنه يستاهل اللي يجراله.
مينفعش الناس تعمل نفسها قاضي وجلاد في نفس الوقت وتنفذ فيه حكم الإعدام حتى لو كان مذنب لأنه ببساطة لو مذنب من بشاعة الجريمة الجزاء مش هايقل عن الإعدام وساعتها يستحق هذا الجزاء.
حاجة تانية لفتت نظري
إن هناك الأمن زي عندنا كدة عنده حاجات كتير بتشغله عن حفظ الأمن في الشوارع لدرجة إن اللي قتلوه خطفوه من أيدي الشرطة
وفي الآخر الجيش هو اللي خلّص "الجثة" من أيدي المعتدين قبل ما تتعرض لمزيد من التمثيل بها
يظهر إننا فعلاً "كلنا في الهَم عرب"
بالمناسبة
وزارة الخارجية المصرية استيقظت وطلبت منذ ساعات قليلة السلطات اللبنانية بسرعة ضبط المتورطين الـ عشر تلاف في الحادث