اية همجية اللبنانين دى ؟ فى فيديوهات صعبة بال

**أحمد كمال** · 01-05-2010 04:24 PM

المشاركة الأصلية كتبت بواسطة horas3000

ط³ظژط.ظ„ ظ…ط´طھط¨ظ‡ ظپظٹظ‡ ظˆط§ظ„طھظ†ظƒظٹظ„ ط¨ط¬ط«ظ‘طھظ‡ | ط¬ط±ظٹط¯ط© ط§ظ„ط£ط®ط¨ط§ط±

دي وجهة النظر من احد الصحف اللبنانية

بصراحة قمة في الاحترام

ز.....
و الله يا جماعة انا شايف انه تصرف فردي لقلة مندسة جاهلة موتورة ..... و الشعب و الحكومة هناك مش عاجبهم الحال..... و الصحافة و القنوات الفضائية اللبنانية بتهاجم اللي حصل ..... و صديق لبناني بيقول لي ان الناس متضايقة جدا من اللي حصل و من الهمجية

غير ان الشرطة ضربت نار بس عددهم كان قليل ..... و خلصوه ودوه المستشفى و برضه الناس راحت خطفته من هناك

بلاش نقلبها مصري و لبناني .....

**factorialx** · 01-05-2010 04:47 PM

المشاركة الأصلية كتبت بواسطة أحمد كمال

ز.....
و الله يا جماعة انا شايف انه تصرف فردي لقلة مندسة جاهلة موتورة ..... و الشعب و الحكومة هناك مش عاجبهم الحال..... و الصحافة و القنوات الفضائية اللبنانية بتهاجم اللي حصل ..... و صديق لبناني بيقول لي ان الناس متضايقة جدا من اللي حصل و من الهمجية

غير ان الشرطة ضربت نار بس عددهم كان قليل ..... و خلصوه ودوه المستشفى و برضه الناس راحت خطفته من هناك

بلاش نقلبها مصري و لبناني .....

أنا مش فاهم إنت قالبها مصري لبناني ليه

إيه عقدة الشعور الإضطهاد دي
أنا معندي مشكله مع الشعب البناني خالص و عارف إنهم مصدومين لأن ده في حد ذاته يضع حد لحلم الدولة المدنية دولة القانون اللي بيحلموا بيه

المشكله هنا إنه مصري إتعرض لظلم كبير جدااااااا و قهر لا يوصف و جريمة قتل وحشية بطريقه لا يمكن تخيلها

عشان هو مصري لم يتم تأمينه كفاية لم يتم أخذ الإجرائات القانونية الصحيحه معاه لم يتم حتى التأكد من الجريمة حتى ده رايحيين بيه يمثل الجريمة بعد أقل من 24 ساعه من القبض عليه
بيوقلك دولا لقوا دم على التي شيرت و سكينه عليها دم و هو شغال جزار

ده حتى قانونا إعتراف المتهم بجريمة كبيره زي القتل لا يعتبر إثبات لازم يكون فيه تحقيقات و إثبات الدافع و غثبات الأدوات و التحليلات

لأنه مصري تم تجريده من كامل حقوقه

المصري اللي اتقتل في لبنان اتقتل عشان البلوة اللي عملها

ممكن تنتظر القضاء لما يقول كلمته لا ترم أحد بجرم دون ان تتاكد
يا جماعه الراجل حتى الآن مشتبه فيه قانونا و لم تثبت الجريمة و لم تثبت اركانها بل إنك قتله الوحشي سيضع علامة إستفهام كبيره حول الجريمة و سيضع العداله مهب الريح

مش ممكن يكون ليه شركا ( لو هو اللي عملها ) مش ممكن يكون إتعرض للتعذيب عشان يمضي الإقرار

**aliabutaleb** · 01-05-2010 04:50 PM

المشاركة الأصلية كتبت بواسطة factorialx

ممكن تنتظر القضاء لما يقول كلمته لا ترمي أحد بجرم دون ان تتاكد
يا جماعه الراجل حتى الآن مشتبه فيه قانونا و لم تثبت الجريمة و لم تثبت اركانها بل إنك قتله الوحشي سيضع علامة إستفهام كبيره حول الجريمة و سيضع العداله مهب الريح

مش ممكن يكون ليه شركا ( لو هو اللي عملها ) مش ممكن يكون إتعرض للتعذيب عشان يمضي الإقرار

انا باتفق معاك
انا لا أثق في أي جهاز أمني عربي

**Terrible_DaRsH** · 01-05-2010 04:57 PM

و ادى اول خطوة من اللى الناس عايزاه مش الفتنة طبعا .

تقدم عضو مجلس الشعب مصطفى بكرى بطلب إحاطة عاجل لأحمد أبو الغيط وزير الخارجية حول واقعة قتل المواطن المصرى بلبنان والتمثيل بجثته وتعليقه على عمود إنارة بقرية كترمايا بإقليم الخروب بلبنان.

وقال بكري في طلب الإحاطة إن عددا من المواطنين اللبنانين من سكان القرية قاموا باختطاف المواطن المصرى محمد سليم محمد مسلم المتهم بقتل أسرة لبنانية من يد قوات الشرطة أثناء إعادة تمثيل جريمته فى موقع الحادث حيث تم الاعتداء عليه وقتله طعنا بالأسلحة البيضاء وسحله فى الشوارع والتمثيل بجثته ثم تعليقه على أحد أعمدة الإنارة عاريا والدماء تنزف منه في مشهد لا يمت للإنسانية بصلة بل هى جريمة مكتملة الأركان وإساءة للعلاقات التي تربط بين الشعبين المصر واللبناني.
وأضاف إن ما حدث يمثل اعتداءا سافرا على القانون بغض النظر عن إدانة المتهم أو براءته حيث انه كان مازال يخضع للتحقيقات وإن ما جرى يمثل إهانة لكل المصريين.

وتساءل بكري في طلب الإحاطة عن الإجراءات التي اتخذتها الخارجية منذ القبض على المواطن ونتائج الاتصالات التي أجرتها مع الحكومة اللبنانية حول القصور الأمني ومحاسبة الجناة والمتسببين في الجريمة.

**amir** · 01-05-2010 05:15 PM

المشاركة الأصلية كتبت بواسطة amir

انا قريت الردود كلها رد رد
و ملاحظ وجود 3 فئات من الناس

الفئه الاولي:
بتحاول تبرر جريمه اهالي القريه
و ده ناتج من ان الفئه دي مقتنعه بالتهمه المنسوبه للمواطن المصري
و من القناعه دي فالفئه دي بتبرر القصاص من المصري و ان اختلفو علي الاسلوب
و بالنسبه للفئه دي احب اقولها ان
اولا: الراجل كان متهم
ثانيا: قيامه بمحاوله اعتداء علي الطفله من شهرين كلام مرسل, يعني هل تم الحكم و الادانه؟!!
مظنش لأنه كان المفروض يكون مسجون
ثالثا: حد خد باله انه بيشتغل في الجزاره؟!!
يعني ببساطه ممكن الهدوم اللي عليها دم دي تكون دماء خروف او جاموسه مش شرط بني ادم
رابعا: شهرين و هو مقيم بجوار نفس البيت, و واضح من كلام قريب الاطفال و هو بيتكلم عن المواطن المصري انه شايف انه بقالو شهراو اتنين بيدبر للجريمه!!
هو ممكن بس لو انت فعلا حاولت اغتصاب طفله و انت غريب في بلدها و فشلت هل هتفضل قاعد في البلد؟!! انا مش قادر اتصور ده
خامسا: لما الرجل اتقبض عليه و بيقولو اعترف
هل الادله الجنائيه ظهرت؟!
و ايه مبرر الكلام المتناقض من انه كانو واخدينه هناك علشان يمثل الجريمه او لايضاح حاجه غامضه؟؟
ازاي يعني الكلام متضارب
و يمثل الجريمه قبل ما الطب الشرعي يثبت ان الدم من دماء الضحايا؟!!
ولا فين سلاح الجريمه و البصمات عليه و البصمات جوا البيت
ولا ادعاء انه اخر واحد شوهد في المكان قبل اكتشاف الجريمه بقي سبب ادانه؟!!
سادسا: و بصراحه ده تواطؤ من الشرطه اللبنانيه و واضح جدا
محدش بيودي متهم لمكان الجريمه تاني يوم لسبب غير واضح في ظروف زي دي و تحت حراسه لو شويه عيال من ثانويه عامه من غير ما يدخلو شرطه ولا جيش حتي كانو حسبوها صح و فكرو و امنو حراسه كافيه و بعدين برضو تمثيل انهي جريمه قبل تقرير الطب الشرعي
و طبعا اسلوب القتل خلي من المستحيل معرفه هل تم تعذيبه ولا لأ
اه مستحيل المعرفه دلوقتي
لأنه ممكن يكون اتعذب في القسم و تاني يوم اضرب حتي الموت
و ممكن يكون الحركه دي فعلا من عميد ولا عقيد الشرطه مأمور القسم لأثبات تفوقه و نبوغه الامني!!!

الفئه التانيه:
ناس بتستهجن اسلوب القصاص و الهمجيه و اللا انسانيه اللي حصلت و معاهم حق

الفئه التالته:
بيشكو في ارتكاب المصري للجريمه
==============================
بس عموما في تقصير بشع من السفاره هناك
كان لازم حد يروح و محامي كمان يتابع التحقيقات
احنا مش غنم ولا خرفان علشان لما واحد فينا يقع في الغلط نسيبه يداس كده
و الاخوه اللي بيقولو الصعيد و التار
يعني احنا اللي عندنا بني ادمين اصلا؟!!
بلا قرف من عصبيه و جاهليه و تصرفات خارجه عن الدين في دوله بتدين بالاسلام
و المسيحيه مظنش انها بتشجع علي التار
======================
و ياريت بس الايام الجايه تثبت حقيقه ما جري
مش زي بني مزار و غيرها و غيرها من جرايم الاعلام بيولعها لغايه ما وقود المتابعه و الشغف من طرف الناس يتحرق كله و تصبح قضيه يطويها النسيان
ولا حول ولا قوه الا بالله العلي العظيم

عايز اضيف نقطه مهمه
الشرطه اللبنانيه ودت المتهم المصري يمثل الجريمه قبل دفن الضحايا؟!!!!
مش شايفين برضو معايا انه كانو موديينه هديه لعائله الضحايا
يدبحوه و يمثلو بيه قبل ما يتم دفن ضحاياه؟!!
الموضوع واضح وضوح الشمس
و ده مش دفاع عن المتهم المصري
لسه التحقيق مخلصش و لسه نتيجه الطب الشرعي لو عندهم اصلا طب شرعي و قضاء نزيه!!
لازم الموضوع يتصعد تصعيد كافي
مش هقول بقي لو دوله تانيه كانت قامت حرب!
لازم كل من صور و هو بيمد ايده علي المواطن المصري ده يحاكم بتهمه الاعتداء علي السلطات و القتل العمد مع سبق الاصرار و الترصد
ده لو حتي هو كان ارتكب الجريمه لازم ده يتعمل
مين عارف هل تم دس ادله تدينه في منزله قبل او بعد القبض عليه؟
للاسف
القريه كلها بقت مجرمه جرم اشد و اقذر من التهمه الموجهه الي المواطن المصري
كانو فاكرين ايه سياده العميد معرفش ايه و بقيه البلاوي اللي ماسكين الشرطه هناك؟!!
كانو فاكرين حتته مصري يدبح و خلاص؟!!
المصيبه انه لم تثبت عليه التهمه و كونه حاول الاعتداء علي طفله كما ذكر كلام غريب قوي مع واقعه اتهامه و القبض عليه و قتله
هل معقول يا ناس احاول اغتصاب طفله و افضل حر طليق؟
مش كان زمانه مقبوض عليه برضو؟
لازم رد فعل عنيف
كفايه بقي ذل و مهانه
لازم ناخد حقنا ولو مره
السعوديه و اتهانا فيها
الجزائر السودان و دلوقتي لبنان؟!!!
ايه
مفيش دم خالص؟

**amir** · 01-05-2010 05:32 PM

[QUOTE=smaalos;3872610781]

المشاركة الأصلية كتبت بواسطة Dr Zezo

و ليست لدي عن نفسي اي ضغينة او حساسية تجاه اللبنانين او الحكومة اللبنانية

انا بقي مش مأيد النقطه دي
انا عندي كده ضغائن كتيييير من الحكومه اللبنانيه و الشعب اللبناني
هما بيسترجلو و يستقوو علي واحد؟!!!
نسيو قوام اسرائيل مسحت بكرامتهم الارض ازاي؟
ولا نسيو العهر و الفجر اللي بينشروه للمجتمع العربي سواء علي فضائيتهم او عن طريق ما يسمو بالمطربين اللبنانيين سواء اناث او حتي الذكور او بالاصح الجنس التالت اللي كل شويه يجيبهم في الفضائيات؟!!
مين لبنان دي؟
ايه لبنان دي؟
مرتع للفجر و العهر