الموضوع: مشكلة فى الفرامل

يعني ايه صوت تعتيل ده
يعني تكتكه مثلا

حضرتك تقصد زي تزييئ او عضه في الفرامل ؟؟؟؟؟

المشاركة الأصلية كتبت بواسطة amigo77

اول شىء متشكر على الاهتمام و الرد
هو الصوت عبارة عن تزييء جامد و خصوصا بيزيد لو فى منزل جراج مثلا او كوبرى و الوقفة طالت شوية

بص يا استاذي

حضرتك المشكله كلها ان الطنابير عندك عملت شفه بسيطه نتيجه التأاكل

والحل كالأتي :-

الحل الأسهل والأرخص , هو انك تاخد الطنابير وتروح بيها لخراط ويكحت الشفه دي بـ 10 او 15 جنيه , وتركبهم تاني وهتلاقيهم زي الفل بعدها , لكن للأسف بعدها ممكن الحكايه ترجع تاني مع الوقت والاستخدام القوي للفرامل

الحل الأفضل على الإطلاق ولكن تكاليفه اعلى من الحل اللي فات , هو انك تعمل تعديل فرامل أماميه بالكامل , وده لينك التعديل
http://www.nilemotors.net/Nile/15264-a.html

نصيحه : لو الامكانيات تسمح بالتعديل , اعمله بدون تردد

المشاركة الأصلية كتبت بواسطة amigo77

متشكر على الرد يا استاذ محمد
اعتقد انى حبتدى بالحل الاولانى لأن الحل التانى غير تكلفته مشوار طويل اوى ممكن اعمله بعدين لو الحل الاولانى ما جبش نتيجة كويسة
اصلى لسه شارى العربية جديد الواضح ان اللى كانت معاه كان مهمل حبتين لغاية ما ساب الطنابير تتاكل شوية من تأخيره فى تغيير التيل
مليون شكر على الاهتمام و الرد

تحت امرك يا استاذي , لكن متخافش بإذن الله الحل الأول وهو انك تظبط الطنابير عند خراط هيديك نتيجه لا بأس بها

لكن خلي بالك من الخراط وهو بيركب الطنابير على المكنه عنده , لازم يكون فاهم لانه لو غشيم وركب الطنابير غلط ممكن تطق منه وهتبوظ تماماً

وكمان متخليهوش يقلل جامد من سمك الطنابير , لان كده كفاءه الفرامل هتقل

يعني يدوب خليه يكحت الشفه دي على خفيف

ونصيحه كمان , لو لقيت الطنابير عامله عالى و واطي لما تمشي ايدك على سطح الطنبوره يبقه تغييرها احسن , لانها هتتعبك جدااااااااااااااا

الطنابير البريمبو الألماني تمنها 185 جنيه تقريبا
الطنابير الـ sk الألماني 175 جنيه تقريبا

وهات عليهم طقم تيل جولد بـ 45 جنيه , وهتلاقي الدنيا بقت احسن

لكن بصراحه لو هتكلف طنابير وتيل جديد يبقه استنى شويه واعمل التعديل افضل