يا جماعة هو انا لو حبيت اشترى بطارية اصلية لموبايل نوكيا n95 8g اجيبها منين و سعرها يكون تقريبا فى حدود قد ايه
و ممكن اعرف تقريبا البطارية بتعته المفروض تقعد قد ايه مع اسنحدام تقريبا 4 ساغات مكالمات فى اليوم
عرض للطباعة
يا جماعة هو انا لو حبيت اشترى بطارية اصلية لموبايل نوكيا n95 8g اجيبها منين و سعرها يكون تقريبا فى حدود قد ايه
و ممكن اعرف تقريبا البطارية بتعته المفروض تقعد قد ايه مع اسنحدام تقريبا 4 ساغات مكالمات فى اليوم
مش عارف أماكن الحقيقة
بس أنت ممكن تسأل في i2 أو موبايل شوب وتقريبا سعرها بيبقي ب 250 جنيه أصليه اللي هي 6f بس مش متأكد من التمن الحقيقة
هي سعرها عالي عن العادي
هي بتقعد معايا 3 أيام وبشغل أغاني كتيييير وبتكلم كتييير ولو ماتكلمتش ومسمعتش بتقعد 5 أيام
نصحية ابقي اعمل ابديت لاخر فيرم وير لانه بيطول عمر البطارية
حاجة غريبة !!!!!!اقتباس:
كريم باشا انا نزلت اخر update من موقع نوكيا و كان v 35.0.001 بتاريخ 11-11-09 و نفس المشكلة البطارية مش بتقعد اكتر من نص يوم بالعافية مع انى شارى التليفون فى شهر 10-09 يعنى ما كملش سنة
انا موبايلي بقاله سنة ونص
وحاليا زي ما خدته بالظبط
مفيهوش خدش ولا البطارية بتفضي بسرعة
ولسة حاطت ال update من حوالي أسبوع
كدة في حاجة عندك مش مظبوطة
لازم تشوف فيها ايه
أعتقد طريقة استخدام
يعني الموبايل مش بيلقط شبكة بسهولة ( عيب في نوع الخط أو مكان سكنك )
بتشغل ال gps كتير
يعني حاجات من ده
اه صحيح انا البطارية بتاعتي ياباني
بتاعتك ايه؟
طاب قبل ما تجيب البطارية الجديدةاقتباس:
انا البطارية برضه يابانى استخدامى معظمه كلام ومنزل برنامج للشات بكون مشغله يعنى تقريبا عامل كونكت على الgprs طول اليوم لكن مش بشغل اغانى كتير ولا كاميرا
و شغلته على خط فودافون و اتصالات نفس مدة البطارية حوالى نص يوم و ساعات اقل
جرب تبقي مشغل الموبايل stand by وشف هيقعد قد أيه وبلاش يكون في أي برنامج مفتوح نهائيا
هتدوس علي زرار الmenu شوية وأي برنامج مفتوح أقفله
مايبقاش غير علامة standby
وخلي المدة بتاعة ان النور بتاع الشاشة يبقي منور خليها 30 ثانية
وشوف كدة
اه نسيت أقولك
أهم حاجة للحفاظ علي البطارية هي
ماتشحنهاش الا لما تفضي وتفصل
وتشحنها بالشاحن بتاعها ( اللي بتلت رجول )
انا تقريبا من ساعة ما جبته وبعمل كدة وأعتقد ده هو اللي محافظ عليها
شوف بقي انت كنت بتشحنها بأنهي شاحن وكنت بتستني لما يخلص ولا كل ما يقل شوية كنت بتشحنه ؟