الموضوع: تسارع برسونتى (0-100) بالفيديو

المشاركة الأصلية كتبت بواسطة momopersona

السلام عليكم جميعا
طبعا كلنا عارفين ان مواتير كامبرو تتميز بالتسارع من 100-190 ويعيبها قليلا تسارعها البطىء من 0-100
وطبها تسارعها البطىء مش مقصود به انها مابتشدش
لكن مقصود به انه اقل من الفيرنا والالنترا مثلا
وده بردو ليه بعض الاسباب زى وزن العربيه الثقيل 1220 كجم وعرض الكاوتشات 195 وطبيعة الموتور الرياضيه (اقصى عزم عند 4000 لفه وقصى قدره حصانيه عند 6000)

عدد 2 راكب وزنهم حوالى 170 + بعض الاغراض فى الشنطه
ظغط الكاوتشات الاماميه 31 والخلفيه 28
السياره ماشيه حوالى 21000 كم

الفيديو اهو

http://www.youtube.com/watch?v=3f6_bcyQc-w

لاحظو معايا ثقل وزن السياره يظهر فى الحركه على الاول حيث ان عجل السياره جاب50 بالتفحيت والسياره لسه بتجيب السرعه بسبب وزنها
وده عامل مهم جدا لانه بيأخر التسارع حوالى ثانيه مثلا ولو بتشد مع سياره خفيفه مثل الفيرنا تجدها كسبت فى طلعة الاول بحوالى 2 مثر ثم يثبت التسارع بينك وبينها على الثانى بنفس فارق المسافه ثم تقترب منها بين 80-100 بسبب طول نفس التانى عندنا

يا ترى كده تسارع عربيتى كويس ولا قليل ؟؟؟؟
ياريت تشاركونا بفيديوهات مشابهه

السؤال الهام هو عداد ال rpm و العربية على الاول بادئ بكام أو لو العربية ممورة rpm بيكون على كام

و لو كان ال قحة عالى كان على كام و تأثير ده على الطلعة الاولى بيكون ايه ؟؟

قصدك انا حملت على الدبرياج لحد rpm كام وقومت سايب ؟؟؟
ولا هى وهى واقفه بيبئا عند كام؟؟؟
على العموم الrpm بيبئا تحت الواحد بشرطه يعنى 900 لفه وانا واقف
بس لما اجى اطلع
بارفع الrpm ل 4500 واسيب الدبرياج واكبس بنزين للاخر
بتقوم العربيه واصله ل 6500 rpm وسرعة 50 وتعد تفحت لحد ماتوصل للسرعه دى اقوم ناقل التانى وحارق عليه لحد 7000 rpm يعنى سرعة 100
وعلى العموم ان شاء الله هاصوره تانى بالعدادين وانزلهولكو على يوم الاتنين كده

انا عربيتي بيرسونا اوتوماتك ولما استلمتها كان ال rpm عالى شوية يعني لما الفتيس بيكون على D كان rpm اعلى من 10 بشرطة واحدة وكانت العربية بتجيب 60 بسرعة اوي و لمسة بنزين خفيفة جدا