مشكلتين بايخين فى كورلا 2005 1300

انا معايا كورولا 2005 1300 سى سى فيها مشكلتين فى غاية الغرابة مخليانى مش مبسوط منها
المشكلة الأولى والأهم : هى ان العربية لما مؤشر الحرارة يصل الى النصف وانا اعلم ان هذا طبيعى لكن المشكلة تتمثل فى انى لما اهدى عند اى مطب اسمع صوت صفارة خفيف مع العلم انى اول مابدور العربية وامشى لااسمع صوت الصفارة.

المشكلة الثانية:وهى ظهرت مؤخرا وهى ان المفروض انى لما ادور العربية بسمع صوت صوت صفارة حزام الأمان وبعد ان تنتهى بدور العربية فى الحقيقة لاحظت ان لما الصفارة بتبطل وابدأ ادور العربية الاقى مؤشرات التابلوة نزلت لتحت وصفارة الحزام عادت من جديد وكأنى بحط المفتاح من اول وجديد

يارب حد يفيدنى واكون شاكر جدا.

مشكلتين اغرب من بعض
الاولى ممكن يكون صوت المروحه وانت مش واخد بالك
التانيه لازم تكشف على العربيه لان دا حاجه غريبه ممكن تاثرلك على كمبيوتر العربييه

انا مش عارف افيدك بس لازم تعرضها على حد
ياريت لو تقولنا اخبار العربيه ايه معاك من يوم ماجبتها واخبار السحب فى 1300 ايه واستهلاك البنزين كام ولو فيها تقل الفرق بين 1300 و1600 فى الكورولا عشان عاوز اجيب واحده مستعمله

بالنسبة للأخ midomagde ان شاكر جدا على الأهتمام ولكنى اعتقد انها ليست مروحة لأن المروحة مش شغالة على طول دى بتستغل وبتفصل اما الصوت فهو موجود دائما مع كل ماهدى
ام المشكلة الثانية فانا فى الحقيقة اول مرة اعرف ان العربية فيها كمبيوتر
وعموما انا لاحظت حاجة غريبة انى لما بمشى بالعربية شوية بتاع نصف ساعة او اكثر وبعدين لو حصل انى بطلت ورجعت ادور لاتحدث هذة المشكلة وشكرا جزيلا لك

اما بالنسبة للأخ seadaelbeda احب ان اعرفك ان استهلاك البنزين ممتاز بالنسبة ل 1300 ام 1600 لااستطيع ان افيدك ولكن بالمنطق سيكون اعلى حاجة بسيطة

المشكلة التانية ان حضرتك لما بتدور العربية بتفصل كل الكهربا عشان توجهها للبطارية وبالتالي كإنك حطيت المفتاح من الاول وجديد .. الحل انك تدخل وتركب الحزام وبعدين تحط المفتاح وتدور

ممكن نعرف العربيه عامله كام الف؟ وأخر مره غيرت السيور كام امتى؟

حاول لما تسمع الصوت ده تقف وتفتح الكبوت وتحاول تحدد المصدر (سير الدينامو, المروحه, الموتور نفسه؟...الخ)

هي العربيه اوتوماتك ولا مانيوال
لو مانيوال ممكن يكون رومامبيل الفتيس او دسك واسطوانه

ياباشا روح التوكيل وريح دماغك

العربية اتوماتيك وعاملة 55000 كيلو احب ان اعرف حضارتكم بأن بالنسبة للمشكلة الثانية فأنا شاكك فى البطارية لأنى كسفت عليها وقالولى أنها ضعيفة جدا ولابد من تغييرها اما بالنسبة للمشكلة الأولى فالصوت مش بسمعة والعربية واقفه ولكن بسمعة لما اهدى العربية او بمعنى اخر لمابدوس على الفرامل واشيل رجلية مع العلم طول مانا دايس على الفرامل لاأسمع الصوت وانا شاكر جدا على الرد والأهتمام وارجو الأفادة ان توصل احد لشئ وعموما لما اغير البطارية اقولكم ان كانت المشكلة الثانية اتحلت ولا للأ ويارب تتحل

التيل الامامى خلصان

المشكلة الاولي :
التيل الامامي إما خلصان او عايز يتفك ويتغسل وهتلاقي عليه حاجة بيضة زي البودرة ده في حالة انه مش خلصان

عموما التيل الأمامى انا لسة مغيرة فى التوكيل عن صيانة ال5000 ولكن لايوجد مايمنع انى اكشف علية مع العلم ان المشكلة دى كانت موجودة مع التيل القديم


وشكرا لأهتمامكم

اسف اقصد ال 50000 وليس ال5000

على فكرة ياجماعة انا اكتشفت ان الصوت الخاص بالمشكلة الأولى جاى من عند الموتور وليس لة علاقة بتيل الفرامل لكن مقدرتش احدد بالضبط منين فى الموتور ولكن اعتقد انة ليس من الناحية التى بها السيور ارجو الأفادة ان توصل احد لشئ



وشكرا لكم

انا بقى اعتقد انها سيور طالما صفاااره

طب لو سيور مش الصوت يبقى موجود حتى لو كانت السيارة باردة او ماعلاقة ذلك بأن الصوت لايظهر الا اذا كانت السيارة ساخنة

ياجماعة انا حبيت بس اعرفكوا عشان لو حد قابلتة نفس المشكلة يعرف حلها وه ان المشكلة الثانية حلها كان تغيير البطارية

اما المشكلة الأولى فلم يتم حلها حتى الأن ولكنى تأكد من ان مصدر الصوت فى الموتور


وشكرا على مشاركتكم مع ولو حد عرف حل المشكة الأولى ياريت يفيدنى

اية ياجماعة مفيش حد يفكر معايا فى حل المشكلة الأولى عموما انا عايز اخليكو تشاركونى فى افكارى وتساعدونى

عموما انا بتسائل هل مع السخونة الشديدة ممكن جزء معين فى مكان ما يتمدد مع الحرارة العالية فيؤدى الى مثل هذة الحكة
هل ممكن يكون الصوت من سير الكاتينة خصوصا وانا حاسس ان صوت من الموتور وهل سير الكاتينة فى التويوتا حديد ولا جلد

ياريت حد يساعدنى مع العلم انى رحت التوكيل ومخدش منهم لاحق ولاباطل
وشكككككككككككككرررررررررر ررررررررررررراااااااااااا اااا

مفيش حد عايز يفكر معايا لية