سوال قانونى هام ومستعجل

**egyptawy2010** · 30-04-2010 11:37 PM

سلام عليكم ياجماعة

دلوقتى انا من سنة ونص اشتريت شقة من واحد هو كان شاريها من شركة دفعتله اكتر من 80 % من فلوسه والباقى كتبت بيه وصل امانة له غير الاقساط الا هاكملها انا مع الشركة

وكان المفروض الاستلام بعديها ب 3 شهور

دلوقتى عدى اكتر من سنة على ميعاد الاستلام ولسة ما استلمتش وجه ميعاد دفع وصل الامانة وبيهددنى انه يقدموا للمحكمة

انا كده كده هاديله فلوسه لانى الحمد لله ما اقبلش الحرام لكن انا ما اقدرش ادفع الفلوس وكان المفروض استلم الشقة من سنة
ولغاية دلوقتى لسة ما استلمتهاش

دلوقتى اعمل ايه ؟ وياترى لو قدم الايصال ايه الا ممكن يعملوا
وازاى اثبت حقى

شكرا

**أحمد كمال** · 01-05-2010 01:12 AM

بص مبدئيا من الناحية القانونية وصل الامانة اقوى من الكمبيالة و الشيك و فيه حبس من اول جلسة و مالوش علاقة بالظروف و الملابسات بتاعة التوقيع عليه (الا لو كان بالاجبار تحت التهديد او ما شابه ذلك)

من الناحية الشرعية ..... اللي باع لك هو السبب في التاخير و لا لأ (الشركة)؟

هل كان بيكذب عليك و لا لأ؟ (حضرتك سالت وقتها في الشركة و لا لأ)

هل كان فيه اتفاق صريح بينكم انك تاخر الباقي لحد ما تستلم؟؟؟؟

لو الاجابة بلا يبقى هو مالوش ذنب و لا ليه دعوة و حقه عليك ياخد فلوسه ...... و الاجراء الصح تتخذه مع الشركة مش معاه هو .....

**A.Saad** · 01-05-2010 06:29 AM

انا مش عارف انت ما استلمتش لبيه
مماطلة منه ولا من الشركة

لو منه
هات بلطجية ودخلوا الشقة بس من غير ما تكسر الباب بالحيلة يعنى

النقطة التانية
العقد مكتوب فيه استلامك امتى
وايه اثر عدم الاستلام فيه
وكمان هل له حق البيع من الشركة ولا لسه
وغير كدة الشقى فاضية ولا حد ساكن فيها