سؤال مهم لكل موظف.....هل مديرك مؤذى وسايكو!!؟؟

سؤال يمكن كل موظف بيشوفة ويجاوب علية كل يوم
ودة طبعا لمل يشوف ويسمع كلام مديرة وهو بيأمرة ويديلو شغل اضافى من غير دخل اضافى ولا كلمة شكر حتى
دى طبيعة مديرى مصر سواء القطاع العام او الخاص
انا طبعا مش عارف موضوعى قديم ولا جديد او اية هيكون رد فعلة لكن اعتقد انة مهم
وممكن نبتدى نتفاعل مع الموضوع لما تسأل نفسك سؤال واحد فقط.... اية هو احساسك وانتى صاحى يوم جديد ورايح على الشغل؟؟؟
واذا كان مديرك مؤذى:049: او منفسن:H_angry[1]: او عيان فى دماغة او مش اد المركز بتاعة او اقل كفاءة ودة العادى
ياريت نشارك المواضيع

اساسى سيكو

ونسبة كبيرة منهم بيكونوا متحكمين
وانا مشيت على قاعدة

مديرك على ما تعوده

يعنى لو اتعود انك بتيجى متاخر مرة على مرة مش هيكلمك

انما لو كنت بتجيبى بدرى اوى وفى مرة واحدة اتاخرت هيعلقلك المشنقة

اقتباس:

---

المشاركة الأصلية كتبت بواسطة aboelnagah

اساسى سيكو

ونسبة كبيرة منهم بيكونوا متحكمين
وانا مشيت على قاعدة

مديرك على ما تعوده

يعنى لو اتعود انك بتيجى متاخر مرة على مرة مش هيكلمك

انما لو كنت بتجيبى بدرى اوى وفى مرة واحدة اتاخرت هيعلقلك المشنقة

---

+99999999999:049:

فرى سيكو

ده من كتر ما هو فيه عبر الدنيا الفنيين مسمينه اسم مسخرة بس مينفعش اكتبه هنا

والله فيه وفيه وانا قعدت 9 سنين مع سيكو خالص بس الحمد لله مشى وجه واحد زميلنا هوا اللى مسك بداله وكله تمام

فيين المواقف والحكايات
يا ريت لو فى موقف معين يظهر اد اية المدير بيبقى سخيف ومزودها بس عشان يثبت وجودة ويقول هيية انا مدير...

و ليه المشكله مش فيك انت؟

المدير الشكاك ...والمدير الذي لا يدير ...والمدير بتاع الحبة الزرقة ...والمدير ابو كرش واسع ...والمدير الأتم كاره نفسه والغير ...والمدير الى بيتصدر للتفهه .... للأسف كل دول اشتغلت معاهم

اقولك على موقف من المواقف

انا كنت اشتغلت فترة فى مدرسة (( والحمد لله رجعت عن الجنون ده )) وسبتها

المهم انا كنت بروح مدرسة فى قرى يعنى بهدلة وفى قرية كنت بروحها باخد حوالى ساعه وربع وبصرف 5 جنيه مواصلات المهم

كان معادى فى المدرسة الساعه 8 طبعا غصب عنى كنت بوصل حوالى 9.30

فى مرة قالى المدير يا استاذ منتصر انا حاسس ان انا اللى شغال عندك مش انت اللى شغال عندى فى المدرسة قلتله اعملك ايه انت اللى بعيد

قولهم انا وحش وخليهم يودونى مدرسة تانية

وهكذا مواقف كتير

اقتباس:

---

المشاركة الأصلية كتبت بواسطة abogogo

المدير الشكاك ...والمدير الذي لا يدير ...والمدير بتاع الحبة الزرقة ...والمدير ابو كرش واسع ...والمدير الأتم كاره نفسه والغير ...والمدير الى بيتصدر للتفهه .... للأسف كل دول اشتغلت معاهم

---

و كل مدير شاف الموظف برضه اللى زى مانت كاتب
زياده على كده

الموظف الكسول و الموظف الكداب و الموظف اللى مش بيتعلم و الموظف المبهدل و الموظف المرتشى و الموظف اللعوب و الموظف المنفسن من صحابه
و الموظف اللى بيزو فى صحابه و كل ده

اقتباس:

---

المشاركة الأصلية كتبت بواسطة human12

و ليه المشكله مش فيك انت؟

---

اقتباس:

---

المشاركة الأصلية كتبت بواسطة human12

و كل مدير شاف الموظف برضه اللى زى مانت كاتب
زياده على كده

الموظف الكسول و الموظف الكداب و الموظف اللى مش بيتعلم و الموظف المبهدل و الموظف المرتشى و الموظف اللعوب و الموظف المنفسن من صحابه
و الموظف اللى بيزو فى صحابه و كل ده

---

أكيد فيه موظفين كتير فيهم الصفات الى حضرتك كاتبها بس صفة شخصية المدير بيكون فيه شبه اجماع من الموظفين عليها ............ بس مش عارف ليه حاسس من ردودك انك مدير ...صح :M_yes[1]:

اقتباس:

---

المشاركة الأصلية كتبت بواسطة aboelnagah

كان معادى فى المدرسة الساعه 8 طبعا غصب عنى كنت بوصل حوالى 9.30

فى مرة قالى المدير يا استاذ منتصر انا حاسس ان انا اللى شغال عندك مش انت اللى شغال عندى فى المدرسة قلتله اعملك ايه انت اللى بعيد

---

طيب حضرتك تحب تبقى تروح الساعه كام
ممكن حضرتك تقولهم بتبقى فاضى امتى عشان هما يحطوا الجدول


انا مش فاهم
معادك 8.30 و تروح 9.30 و زعلان انه قالك كده؟!! ده مدير مفترى و منفسن انه يقولك كده على ساعه لا راحت ولا جت

اقتباس:

---

المشاركة الأصلية كتبت بواسطة human12

طيب حضرتك تحب تبقى تروح الساعه كام
ممكن حضرتك تقولهم بتبقى فاضى امتى عشان هما يحطوا الجدول


انا مش فاهم
معادك 8.30 و تروح 9.30 و زعلان انه قالك كده؟!! ده مدير مفترى و منفسن انه يقولك كده على ساعه لا راحت ولا جت

---

مش بقولك شكلك مدير :colsmil: بص ياباشا من واقع خبرتي ان المدير الكويس ما بيستمرش في منصبه طبعا أنا بتكلم من واقع شغلي في الجهاز الاداري الحكومي لأنه بيتحارب لأسباب كلنا عرفنها كويس اشتغلت مع مديرين كويسين نسبة قليله جدا ولفترة صغيرة جدا تكاد لاتذكر

انا شغال فى شركة قطاع عام المدير بتاعى من الاخر ( ليه ناس وناس فى ناس مش شغالة وملهاش لازمة وحططها فوق راسه وفى ناس شغالة وطالعه عينها ومش مرتحلها ولا بيحبها ولو اتاخرت فى يوم من الايام يتكلم معايا وفى ناس كل يوم بتاجى بعد 9 ص ولا يتكلم معاها ) حسبى الله ونعم الوكيل وعند الله تجتمع الخصوم

اقتباس:

---

المشاركة الأصلية كتبت بواسطة qenacity

انا شغال فى شركة قطاع عام المدير بتاعى من الاخر ( ليه ناس وناس فى ناس مش شغالة وملهاش لازمة وحططها فوق راسه وفى ناس شغالة وطالعه عينها ومش مرتحلها ولا بيحبها ولو اتاخرت فى يوم من الايام يتكلم معايا وفى ناس كل يوم بتاجى بعد 9 ص ولا يتكلم معاها ) حسبى الله ونعم الوكيل وعند الله تجتمع الخصوم

---

the same is here

فى حكمة بتقول انك عشان تعرف المعدن الحقيقى لانسان و القيم المهمة عنده اديله سلطة و شوف هيعامل الناس ازاى..... و لو فكرنا بالمنطق ده هنعرف الناس دى بتعمل اللى هى بتعمله ليه :36_1_1[1]:

طيب.. انا بقة قابلت نوع تانى من المديرين تانى خالص.. اللى هية الستات.. والمديرة بتاعتى كانت مجنونة بالموضة.. بس الموضة بتاعتها غريبة حبتين.. يعنى فى مرة لقيتها لابسة بالطو وعليه مرايات.. اى والله مرايات وداخلة على السكرتارية بتقولهم.. ها ايه رأيكم .. دا انا اللىعملاه بنفسى.. وطبعآ لإنهم ميقدروش ينطقوا بكلمة.. قاموا قايلين سووووو واو تحفة وشيك والكلام الفاضى دا.. قمت انا ضحكت ومشيت.. وبعديها بكام شهر مشتنيى من الشغل علشان مبقولهاش كل يوم صباح الخير.. والله الكلام دا حصل

اقتباس:

---

المشاركة الأصلية كتبت بواسطة human12

و ليه المشكله مش فيك انت؟

---

فعلا ممكن يكون معاك حق لاكن لو كان الموضوع فى شخص واحد فقط, دة مفيش حد يا راجل اتعامل معاة لحد دلوقتى وقال علية كلمة حلوة ابدا
وبعدين انا بقولك مؤذى ودى شخصيتة وبتبقى مرض والعياذ بالله وصفات مكتسبة من الصغر او كان ابوة او امة بتضربة فعملولو كلكيع فى دماغة
وفى كمان حاجة لفتت انتباهى: انك بتقولى لية المشكلة مش فيك! طيب هل انت شوفت انت كاتب اية فى التوقيع بتاعك؟.... قهر وبتبيع مصريتك بالكامل
ممكن يكون هزار اوكلام وخلاص لكن الاخر ان كل راعى مسؤل عن رعيتة وسوف يسأل عنها يوم القيامة

ابن الناس حيفضل ابن ناس والواطي حيفضل عنده عقدة نقص ويفضل واطي واطي واطيييييييي مهما علا
وكل واحد حيعامل الناس بما نشأ وتربي عليه أخلاقيا ودينيا
مش مظهر كداب عامل نفسه شيخ ويسيء للناس بتعامل ناقص (الدين المعاملة)
والناس معادن فيه دهب والماظ وفيه صفيح ولا يسوي ومن اقل حاجة يصدي ويدوب ويتغير
والناس مواقف بيبان معدنها عند تعارض المصالح
وفيه ناس شهوتها في اذية الناس اللي تحت منها منصبا وسلطة
وفيه ناس حقودة ومؤذية عينها وحشة تتمني زوال النعمة عن غيرها حتي ولو كانو اقل منها
والعين متكرهش غير اللي أحسن منها
والفلوس بتغير نفوس
حكمة
يختبرالرجال بالنساء وتختبر النساء بالذهب ويختبر الذهب بالنار
ربنا مابيديش لاي حد كل حاجة علشان الناس تحتاج لبعضها
والابتلاء بيكون بالغني -بالفقر -بالنفوذ - بالصحة -بالمرض وغيره كتير (ورقة الامتحان بتاعة كل واحد)من ساعة ما يبلغ لحد ما يموت
نسأل الله حسن الخاتمة
والجنة بدون سابقة حساب أو عذاب
آمين يارب العالمين

اقتباس:

---

المشاركة الأصلية كتبت بواسطة human12

طيب حضرتك تحب تبقى تروح الساعه كام
ممكن حضرتك تقولهم بتبقى فاضى امتى عشان هما يحطوا الجدول


انا مش فاهم
معادك 8.30 و تروح 9.30 و زعلان انه قالك كده؟!! ده مدير مفترى و منفسن انه يقولك كده على ساعه لا راحت ولا جت

---

ده إنت بجد شكلك مدير وحاسس إن فيه ناس مبتحبكش

بس بيني وبينك الموظف لما يكون وحش فتأثيره مش قوي غير المدير اللي بيأثر في كل اللي حواليه

المدام تظبطه فى البيت
ويجى الشغل فاكر نفسه عز الرجال
وهو بياخد بالتييييييييييييييييييييي يييت


عارف ليه علشان الناس ده اصلاً مش فاهمة ادارة وعلى العكس فى ناس محترمة جداً
ارجع واقول الرك على التربية

انا عندى وجهه نظر تانيه

اولا احنا اتعودنا ننقد الناس و نطلع فيهم القطط الفطسا و خلافه لقد هل حد فينا قرر ينقد نفسه ؟؟؟

ثانيا هل حد فكر ان المدير بتاعه فيه حاجات بتبقى مفروضه عليه و مكتفاه

ثالثا ودى الأهم لازم تعود نفسك تتعامل مع جميع الشخصيات و تكسب ثقه جميع الناس

كل واحد فينا عامل لنفسه كومفورت زوون و مش عايز يخرج منها و كده مش هيتعلم حاجه جديده خالص

يعنى لو انت شغال مع مدير انت شايف كويس و 100% و مديك حقك يعنى الحياه بييس خالص يعنى ولا فى احلام صدقنى فى خبرات مش هتتعلمها غير لو انت شغال مع مدير انت شايفه خالى بالك من انت شايفه دى علشان ده رأى شخصى يعنى ممكن يكون غلط 100% المهم انت شايفه وحش يبقى لازم تشوف طريقه علشان تكسب ثقته و تتعلم منه و صدقنى مفيش حد هيعدى عليك الا لما هتتعلم منه حاجه

المهم انا عندى كذا نصيحه للناس اللى مدايقه من مديرينها :

1- متحكمش على حد من الوهله الأولى اديله فرصته لمده 6 شهور بدون اى احكام مسبقه عليه

2- حاول توسع دايره الكومفورت زوون بتاعتك علشان تتعلم حاجات جديده


و قبل ما حد يسأل ايه الكومفورت زوون دى :

دى الدايره اللى فيها الحاجات اللى انتا بتحبها و الأشخاص اللى بتحب تتعامل معاهم يعنى بإختصار كل حاجه بتريحك فى حياتك حسب معتقداتك

مثلا يعنى كل واحد فينا ليه مكان معين بيحب يقعد فيه قدام التليفزيون و يأنتخ كده و يمسك الريموت و يقعد يحول القنوات و يزعل قوى لو حد قعد مكانه (على فكره انا كده برضه ههههههههه و اى حد كان بيحاول يقعد مكانى كنت ..... ولا بلاش) المهم عمرك فكرت تغيير المكان اللى انت فاكر انك بتستريح فيه ده ؟؟؟؟ طب لو غيرته ايه اللى هيحصل هموت يعنى ؟؟ بالعكس هتشوف حاجات جديده عمرك ما شفتها قبل كده علشان زاويه الرؤيه عندك اختلفت و لو فضلت على مكانك القديم عمرك ما كنت هتشوفها .... قيس على كده بقى حاجات كتير فى حياتك ... صدقنى الموضوع ده فرق معايا كتير قوى ... احسبه للأفضل ان شاء الله و فيه كتب كتير ممكن تساعدك على فهم الموضوع ده اكتر

انا مديري الحالي زي العسل بجد
محترم جداً و دمه خفيف جداً و بيعتبرنا كلنا زي ولاده او بمعنى اصح أصحابه و بنخرج سوى و لو في اي ظروف يقف جنبك و لو مدايق و لا حاجة يخليك تاخد اجازة زي ما انت عايز بس ترجع تشتغل بجد

انما الي في الشركة الي قبل دي ( كان حسبي الله و نعم الوكيل ) كان بيحب ازية الناس بشكل مبالغ فيه و اول مرة اشوف واحد الناس كلها اجتمعت انه مكروه حتى الموردين و العملاء الي هو مش بيتعامل معاهم مباشر

المدير ده مرة اتصل بيا الساعة 9 بالليل و قالي بكرة الصبح تكون في فرع قنا
أقوله ازاي ده انا علشان اوصل الساعة 9 لازم اركب قطر 11 بالليل و انا مش حاجز
قالي اتصرف ماليش دعوة لازم يتعمل جرد مفاجئ علشان شاكين في عجز في الخزنة و المخزن
انا قولت اعمل الي عليا و نزلت محطة القطر و لقيت تذاكر و لحقت القطر
المهم القطر كان كل شوية يعطل و عطل بيا في سوهاج بتاع ساعة و نص
اتصل بيا الساعة 8 قالي انت فين قولتله في سوهاج القطر عطلان
قالي انت بتهرج انت كدة مش هتعرف تعمل اي حاجة
قولتله اعملك ايه يعني انزل من القطر و اخدها جري
المهم السفرية دي كانت منيلة بستين نيلة و قعت 3 ايام صاحي و رجعت من قنا مواصلات علشان مافيش حجز في القطر و كانت اخر سفرية ليا في الشركة

الغريب بقى اني مشيت من الشركة دي من سنتين و أقسم بالله تقرير الجرد ده لسة معايا و لا حد منهم سألني عليه اصلاً لما رجعت !!!!!! ؟؟؟؟؟؟؟؟؟؟؟؟؟؟؟

اتسحبت من لسانى
والله بضرب نفسى بال............... علشان خاطر ضميرى وجعنى وقولت كلمه حق

المديره بتاعتى ست ذوق جدا وتسمع للناس ولما تكلمها ماتحسش ان فى حاجز بينك وبينها رغم فارق السن ومافيش طلب اجازه او اذن بيترفض بصراحه

اما عن العيوب فلو احمد قالها ان مصطفى وحش يبقا مصطفى وحش ولو محسن قالها كريم بيشتغل يبقا كريم بيشتغل ,,,,,,,,,وهكذا

انا بقا اتسحبت من لسانى وقولتلها انا عاوز اتعلم حاجه جديده ياعنى مش معقوله هافضل سنتين فى نفس القسم انا معنديش مشكله افضل زى ما انا وانقل كل اللى اتعلمته للى جاى جديد بس عاوز اتعلم اللى مش عارفه

ده اللى انا قولته

فوجئت بقا بتحويل شغل ماليش اى علاقه بيه ولا افقه فيه شىء وكله شكل ادارى وباقيت عضو فى لجان وليله بقا واشرب يا معلم

طيب انا اساسا شغلى دعم فنى وهيلب ديسك مالى ومال اللجان .......... اعمل ايه ياربى بس هو انا هاقضى بقيت حياتى فى الشغل انا يادوب باشتغل وانام

اقتباس:

---

المشاركة الأصلية كتبت بواسطة mohamed.fawzy

انا عندى وجهه نظر تانيه

اولا احنا اتعودنا ننقد الناس و نطلع فيهم القطط الفطسا و خلافه لقد هل حد فينا قرر ينقد نفسه ؟؟؟

ثانيا هل حد فكر ان المدير بتاعه فيه حاجات بتبقى مفروضه عليه و مكتفاه

ثالثا ودى الأهم لازم تعود نفسك تتعامل مع جميع الشخصيات و تكسب ثقه جميع الناس

كل واحد فينا عامل لنفسه كومفورت زوون و مش عايز يخرج منها و كده مش هيتعلم حاجه جديده خالص

يعنى لو انت شغال مع مدير انت شايف كويس و 100% و مديك حقك يعنى الحياه بييس خالص يعنى ولا فى احلام صدقنى فى خبرات مش هتتعلمها غير لو انت شغال مع مدير انت شايفه خالى بالك من انت شايفه دى علشان ده رأى شخصى يعنى ممكن يكون غلط 100% المهم انت شايفه وحش يبقى لازم تشوف طريقه علشان تكسب ثقته و تتعلم منه و صدقنى مفيش حد هيعدى عليك الا لما هتتعلم منه حاجه

المهم انا عندى كذا نصيحه للناس اللى مدايقه من مديرينها :

1- متحكمش على حد من الوهله الأولى اديله فرصته لمده 6 شهور بدون اى احكام مسبقه عليه

2- حاول توسع دايره الكومفورت زوون بتاعتك علشان تتعلم حاجات جديده


و قبل ما حد يسأل ايه الكومفورت زوون دى :

دى الدايره اللى فيها الحاجات اللى انتا بتحبها و الأشخاص اللى بتحب تتعامل معاهم يعنى بإختصار كل حاجه بتريحك فى حياتك حسب معتقداتك

مثلا يعنى كل واحد فينا ليه مكان معين بيحب يقعد فيه قدام التليفزيون و يأنتخ كده و يمسك الريموت و يقعد يحول القنوات و يزعل قوى لو حد قعد مكانه (على فكره انا كده برضه ههههههههه و اى حد كان بيحاول يقعد مكانى كنت ..... ولا بلاش) المهم عمرك فكرت تغيير المكان اللى انت فاكر انك بتستريح فيه ده ؟؟؟؟ طب لو غيرته ايه اللى هيحصل هموت يعنى ؟؟ بالعكس هتشوف حاجات جديده عمرك ما شفتها قبل كده علشان زاويه الرؤيه عندك اختلفت و لو فضلت على مكانك القديم عمرك ما كنت هتشوفها .... قيس على كده بقى حاجات كتير فى حياتك ... صدقنى الموضوع ده فرق معايا كتير قوى ... احسبه للأفضل ان شاء الله و فيه كتب كتير ممكن تساعدك على فهم الموضوع ده اكتر

---

طيب تصدق باية
احنا كلنا جربناة اكتر من سنة
وكل يوم من ايام السنة اسود من اليوم اللى قبلة
وياويل اللى بيكون معاة فى شفت واحد.... يا راجل دا حتى الامور الانسانية العادية او حتى الطارئة لا يفهم منها شيأ
يعنى مثلا والدى كان محتاج عملية طارئة قسطرة للقلب وجلتة فى الرئة ربنا ما يوعد اى حد ويشفى كل مريض يا رب اقوم ابعتلة رسالة اقولة انا مش جاى النهاردة ودى من حقى قانونا ان فى عدد 6 ايام للطوارىء عشان الظروف اللى انا قلتها دى
تخيلوا بقا الرد بتاعة كان اية!!!!!
يوم الطوارىء بتاعك مرفوض وما عنديش حد يحل محلك رغم انة حتى معملش اى اتصال لاى حد ولا حتى بيشتغل اصلا
حسبى اللة ونعم الوكيل فى كل الانواع السيئة دى اللتى لا ترحم
ومن لا يرحم.......لا يرحم

اقتباس:

---

المشاركة الأصلية كتبت بواسطة أبو إياد

اتسحبت من لسانى
والله بضرب نفسى بال............... علشان خاطر ضميرى وجعنى وقولت كلمه حق

المديره بتاعتى ست ذوق جدا وتسمع للناس ولما تكلمها ماتحسش ان فى حاجز بينك وبينها رغم فارق السن ومافيش طلب اجازه او اذن بيترفض بصراحه

اما عن العيوب فلو احمد قالها ان مصطفى وحش يبقا مصطفى وحش ولو محسن قالها كريم بيشتغل يبقا كريم بيشتغل ,,,,,,,,,وهكذا

انا بقا اتسحبت من لسانى وقولتلها انا عاوز اتعلم حاجه جديده ياعنى مش معقوله هافضل سنتين فى نفس القسم انا معنديش مشكله افضل زى ما انا وانقل كل اللى اتعلمته للى جاى جديد بس عاوز اتعلم اللى مش عارفه

ده اللى انا قولته

فوجئت بقا بتحويل شغل ماليش اى علاقه بيه ولا افقه فيه شىء وكله شكل ادارى وباقيت عضو فى لجان وليله بقا واشرب يا معلم

طيب انا اساسا شغلى دعم فنى وهيلب ديسك مالى ومال اللجان .......... اعمل ايه ياربى بس هو انا هاقضى بقيت حياتى فى الشغل انا يادوب باشتغل وانام

---

يا باشا ادى ضميرك اجازة شوية من الناحية دى ممكن بعض المديرين لو كبير فى السن و معلش يعنى فى الكلمة من المدرسة القديمة صدقنى هو يغار منك فى قرارة نفسة علشان انت واد متعلم حلو و بتاع كمبيوتر فراعى الحتة دى و اذا كان الكلام من فضة فالسكوت من ذهب اشترى دماغك و خليك سلبى مش ايجابى و لما تبقى انت الدير طور الكلام دة كلة و الرمية البحر بس علشان تأكل عيش فى التجلف الى احن فية يا باشا و كبر الجمجمة معلش كلام مش مظبوط بس دى الحقيقة المرة

طول عمرى شغال مع مديرين رجاله فى شركات مالتى ناشيونال وكانوا زى الفل
روحت بقى لشركه مديرتها ست قولت اكيد هتبقى كويسه لقتها بتتصدر فى التفهه وربنا على المفترى:T_thum1[1]:

اقتباس:

---

المشاركة الأصلية كتبت بواسطة gade2

طول عمرى شغال مع مديرين رجاله فى شركات مالتى ناشيونال وكانوا زى الفل
روحت بقى لشركه مديرتها ست قولت اكيد هتبقى كويسه لقتها بتتصدر فى التفهه وربنا على المفترى:t_thum1[1]:

---

يا باشا الشركات المالتى انترناشيونال الوضع بها مختلف احسن بكتير علشان الناس مستوى تعليمهم عالى و من شريحة متميزة و رفاهية افضل بس لو شركة عادية هتلاقى المدير عندة تخلف عقلى و جمود فكرى و شعور مضاد ضد اى تقدم او تحديث و لو اتكلمت يبقى بقى انت جاى تعدل علينا ونت الى حا تعدل الماية و يهاجموك بضراوة

اقتباس:

---

المشاركة الأصلية كتبت بواسطة waelfarid

ابن الناس حيفضل ابن ناس والواطي حيفضل واطي واطي واطيييييييي مهما علا - والعين متكرهش غير اللي أحسن منها
والفلوس بتغير نفوس

---

10000000000000000000000
10 على 10

اقتباس:

---

المشاركة الأصلية كتبت بواسطة أبو إياد

اتسحبت من لسانى
والله بضرب نفسى بال............... علشان خاطر ضميرى وجعنى وقولت كلمه حق

انا بقا اتسحبت من لسانى وقولتلها انا عاوز اتعلم حاجه جديده ياعنى مش معقوله هافضل سنتين فى نفس القسم انا معنديش مشكله افضل زى ما انا وانقل كل اللى اتعلمته للى جاى جديد بس عاوز اتعلم اللى مش عارفه

---

أعتقد أن هذا الطلب له علاقة بالرغبة في التطوير وزيادة الخبرات أكتر منه عملية ضمير، يعني - في رأيي - أنك أصلا كنت بتفكر في نفسك ..... ولأ أنا غلطان .... والله أعلم

اقتباس:

---

المشاركة الأصلية كتبت بواسطة osoliman88

أعتقد أن هذا الطلب له علاقة بالرغبة في التطوير وزيادة الخبرات أكتر منه عملية ضمير، يعني - في رأيي - أنك أصلا كنت بتفكر في نفسك ..... ولأ أنا غلطان .... والله أعلم

---

والله هى مساله نوايا ممكن فعلا يكون ده معناها وممكن حاجه تانيه بتختلف من الطالب للطالب ومن المستمع لمستمع اخر حسب الشخصيات والواقعه وظروف العمل