حدثة للانوس ومحتاج نصحيتكم

**Nader_Mohamed** · 01-05-2010 01:25 AM

السلام عليكم

انا عضو جديد هنا ويمكن محدش يعرفنى بس بجد حبيت المنتدى علشان روح التعاون الى هنا. ودة حببنى فى عربيتى اللانوس جداا الى كنت جيبها من حوالى 5 شهور.

المهم النهاردة عملت حددثة بس الحمد لله كانت كبيرة شوية.

وانا واقف فى اشارة البطل احمد اول واحد والاشارة قلبت احمر فجاة جة ميكروباص جمعية الكبير ودخل فى شنة العربية وبنحديد فى الجنب اليمين وحدفنى لمسافة حولى 80 متر بسرعة رهيبة لدرجة ان الفرامل موقفتش العربية. طبعا هو كان جى من ورا بسعرة رهيبة وكان سرحان وضرب فرامل قبل ما يخبط فيا علطول وحاول يفدينى بس هو لبس فى الجنب اليمين للشنظة.

التلفيات مبدئيا كلام السمكرى الى جة شافها :

قلى العربية عايزة ربع كامل خلفى بشنطة باقصدام علشان الخبطة سمعت فى الشاسية من ورا جديد بس انا حاسس ان الموضع اكبر من كدة لان العربية البابين الى على اليمين مبقوش بيفتحو والشمال الخلفى وبقا فى فرق بين الباب الخلفى والشنطة ملحوظ اوى والناحية التانية مضموم تحس ان العربية اتعوجت من ورا.

انا طبعا يعتبر جديد فى موضع العربيات ودى اول عربية ليا وبجد مش عارف اتصرف ازى.

هل لو اتصلحت وجبتها ربع زى ما السمكرى قال ممكن ترجع زى الاول وكان شئ لم يكن وفى الحالة دى ححتفظ بالعربية بس معرفش حكون مستريح ليها نفسيا ولا لا.

ياريت تفدونى خصوصا ان العربية انا كنت شريها غالية علشان كانت فبريكة برة وعداد قليل ولا كدة العربية عمرها ما حترجع زى الاول بمعنى انها مش حتكون مظبوطة فى المشى والجرى وكدة علشان اكيد طبعا حتترش برة وكمان دواخل. بس الى اقصدو كأسسيات.

اسف انى طولت عليكم بس بجد مش عارف اعمل اية.

شكرا

**محمد الشامي** · 01-05-2010 01:42 AM

قدر الله وما شاء فعل وقول الحمد لله

طالما انك بخير في داهيه اي حاجه تانيه بجد

اولا حضرتك استهدا بالله وفكر بالراحه ومتشيلش هم حاجه , بس نصيحه مني لازم السمكري اللي يشتغل فيها يكون راجل فاهم ونضيف اوي في شغله وبإذن الله هترجع تاني

من كلامك هي محتاجه استعدال للضهر بالكامل , والمفروض الكلام ده يتعمل بـ زرجينه كبيره بطريقه معينه , وهتلاقي العربيه رجعت تاني بنسبه 95%

ياريت لو حضرتك كنت صورت العربيه ورفعتلنا الصور عشان نقدر نستوعب الموضوع اكتر ونقدر نقدم الحلول

لكن اهم شئ بأكد عليك فيه ان مش اي سمكري يحط ايده فيها , لازم يكون حد فناااان سمكره , مش مجرد صنايعي

وحمد لله على سلامتك وبإذن الله كل حاجه تتظبط زي الاول واحسن كمان

**Nader_Mohamed** · 01-05-2010 02:11 AM

دى الصورة الى ختها طبعا مش واضحة علشان بليل بس ححاول اصورها الصبح وارفع الصور.

**Nader_Mohamed** · 01-05-2010 02:17 AM

المشاركة الأصلية كتبت بواسطة محمد الشامي

قدر الله وما شاء فعل وقول الحمد لله

طالما انك بخير في داهيه اي حاجه تانيه بجد

اولا حضرتك استهدا بالله وفكر بالراحه ومتشيلش هم حاجه , بس نصيحه مني لازم السمكري اللي يشتغل فيها يكون راجل فاهم ونضيف اوي في شغله وبإذن الله هترجع تاني

من كلامك هي محتاجه استعدال للضهر بالكامل , والمفروض الكلام ده يتعمل بـ زرجينه كبيره بطريقه معينه , وهتلاقي العربيه رجعت تاني بنسبه 95%

ياريت لو حضرتك كنت صورت العربيه ورفعتلنا الصور عشان نقدر نستوعب الموضوع اكتر ونقدر نقدم الحلول

لكن اهم شئ بأكد عليك فيه ان مش اي سمكري يحط ايده فيها , لازم يكون حد فناااان سمكره , مش مجرد صنايعي

وحمد لله على سلامتك وبإذن الله كل حاجه تتظبط زي الاول واحسن كمان

الحمد لله طبعا على كل شئ

المشكلة كلها فى السمكرى فعلا وانا مش عارف مين اقدر اثق فية ربنا يقدم الى فية الخير ان شاء الله

انا ححاول اصور تانى وحوريها لكام سمكرى بس المشكلة انها بتتحرك بصعوبة علشان الصاج قافش على العجل ورا اى حمل بيدخل على العجل.

**محمد الشامي** · 01-05-2010 02:36 AM

طيب هو حضرتك ساكن فين ؟؟ على اساس لو حد من الزملاء الكرام هنا يعرف طريق سمكري محترم يقولك عليه

**محمد الشامي** · 01-05-2010 02:51 AM

http://www.nilemotors.net/Nile/118993-a.html

**abo_lamar** · 01-05-2010 07:27 AM

الحمد لله يا راجل انك بخير والله يحرق سواقين الميكروباصات بجاز بجد عالم متخلفة عقلياً واغلبهم أصحاب سوابق ... بالنسبة للسمكري انا أعرف واحد في حلمية الزيتون بس والله نظيف جدا بس يعني غالي شوية بس بالمقابل حيديك شغل نظيف ... شوف حضرتك ساكن فين ورد عليا على الخاص .

**samirayad** · 01-05-2010 08:07 AM

لاحول ولا قوة الا بالله

وقدر الله وماشاء فعل

ولعله خيرا بإذن الله

_________________

ونصيحه منى
لاتتعجل فى سماع كلام سمكرى واحد

وشوف رأى أكتر من واحد

وأسأل برضه ناس تانيه جيرانك أو أصدقائك

من مالكى السيارات

علشان يوجهوك صح

ومحدش يقدر يعمل عليك فيلم بهدف أبتزازك ماديا

**Nader_Mohamed** · 01-05-2010 10:49 AM

المشاركة الأصلية كتبت بواسطة محمد الشامي

طيب هو حضرتك ساكن فين ؟؟ على اساس لو حد من الزملاء الكرام هنا يعرف طريق سمكري محترم يقولك عليه

ياريت لو فى الجيزة عموما هرم فيصل

المشاركة الأصلية كتبت بواسطة elakawy

الحمد لله يا راجل انك بخير والله يحرق سواقين الميكروباصات بجاز بجد عالم متخلفة عقلياً واغلبهم أصحاب سوابق ... بالنسبة للسمكري انا أعرف واحد في حلمية الزيتون بس والله نظيف جدا بس يعني غالي شوية بس بالمقابل حيديك شغل نظيف ... شوف حضرتك ساكن فين ورد عليا على الخاص .

حلمية الزيتون انا عرفها لو هو فعلا كويس ممكن تقلى هو مين واحاول ارحلو.

المشاركة الأصلية كتبت بواسطة samirayad

لاحول ولا قوة الا بالله

وقدر الله وماشاء فعل

ولعله خيرا بإذن الله

_________________

ونصيحه منى
لاتتعجل فى سماع كلام سمكرى واحد

وشوف رأى أكتر من واحد

وأسأل برضه ناس تانيه جيرانك أو أصدقائك

من مالكى السيارات

علشان يوجهوك صح

ومحدش يقدر يعمل عليك فيلم بهدف أبتزازك ماديا

اشكرك يا بشمهندس سمير

انا محتاج احدد التلفيات الاول كويس علشان اكون فاهم وانا بتكلم مع الناس ودة انا معرفش حعملو ازى العربية من ورا مدمرة و3 ابواب مبيفتحوش وتقريبا مبتمشيش وهى دى المشكلة.

**samirayad** · 01-05-2010 11:05 AM

انا محتاج احدد التلفيات الاول كويس علشان اكون فاهم وانا بتكلم مع الناس ودة انا معرفش حعملو ازى العربية من ورا مدمرة و3 ابواب مبيفتحوش وتقريبا مبتمشيش وهى دى المشكلة.

تريحة الأبواب علشان تفتح وتقفل سهله
والسمكريه بيعملوها بزرجينه أو شداد لتظبيط الأبواب

والشغل اللى وراء ممكن يترد على البارد لو البويه سليمه ومقشرتش

ولو فيه تقشير زى ما أنا شايف طشاش على الشنطه من ورا
مفيش مشاكل

ممكن ترش الشنطه فقط بعد رد الصاج ( سواء ساخن أو بارد )

بعد مايتتحل الأكسدام الخلفى ويتعالج وهو بره

وخللى بالك كويس أوى

ممكن يكون الموضوع بسيط فعلا

ويتلم بسهوله

بس هى عاوزه واحد عنده ضمير فعلا
وميكبرلكش الموضوع

طالما مش مستاهل التكبير

علشان كده أنا بأقولك

خد رأى حد معاه عربيه جارك أو صاحبك وتكون بتثق فى رأيه
وهو حيفكر معاك للصالح ليك

الموضوع: حدثة للانوس ومحتاج نصحيتكم

LinkBack

أدوات الموضوع

عرض

حدثة للانوس ومحتاج نصحيتكم - انشر الموضوع فى :

-

-

-

-

-

-

المواضيع المتشابهه

عايز أشترى مازدا 3 ومحتاج شوية معلومات عنها ومحتاج مساعدة الوحوش

محتاج مساعدتكم و نصحيتكم

عملت حدثة

عملت حدثة

حصلت لك حدثة قبل كده ؟؟!!!!

الكلمات الدلالية لهذا الموضوع

المفضلات

المفضلات

ضوابط المشاركة