رقم العضوية : 19
تاريخ التسجيل : 17Apr2007
المشاركات : 1,097
الاقامة : Madinet Nasr
الحالة :
الحكايات منقولة وممكن تكملوا عليها عشان الكل يستفيد
=====================
1-
انا فى الحادث الوحيد اللى عملته فى حياتى رغم انى بجرى كتير كان بعربية والدى مرسيدس 200 موديل 87 وسبحان الله وانا ماشى على التانى فى فرح واحد صاحبى اتلهيت فى الكاسيت وانا بعوم العربية ( قال يعنى الواد فت فى الزفة ) ومش عايز حد يعدينى لقيتنى سامع صوت كاوتش بتيتزحلق والعربية ماشية بجنبها ولا كأنى بدرفت وفجأة لقيت العربية بتعدى الرصيف اللى فى النص ده وعلى الإتجاه المقابل رشق وعلشان السرعة بطيئة وقفت على طول والحمد لله مكانش فيه حد جاى فى المقابل بس بعيد عنكوا العربة اتعدمت لأن الرصيف كان عالى جدا ومحدش عارف هى عدت ازاى اساسا ...
اللى كانوا ماشيين ورايا قالولى احنا شفنا فيلم اجنبى العربية يمين فى شمال وراحت معدية ولفت لفة ووقفت ... رغم انى بجرى عادة لكن جت على ابطأ سرعة
ومن يومها ممشيتش فى أى زفة نهائى
لكن الحادثة اللى كنت هعملها وأنا سايق تريللا من بتوعنا ..
التريللا محملة تانك ميمه وانا نازل آخر منزل قبل شرم الشيخ ولأن المكان ده كان عندنا تريللا اتقلبت فيه قبل كده ومات فيها واحد فكنت محرص جدا جدا وفجأة لأن العربية محملة لقيت التريللا بدأت تزق نفسها وتنزل وانا مش قادر أتحكم فيها وفجأة لقيت فى آخر المنزل قدامى كمين شرطة واقف وانا مش قادر أوقف العربية نهائى وزاد الطين بلة ان فيه واحد ابن ... ولا بلاش المهم راكب عربية ربع نقل بيعدينى من اليمين اللى كنت عايز انزل عجلة على التراب علشان تقلل سرعة العربية شوية الا ببص فى المراية لقيت ده تحت الدوبل بتاع المقطورة على طول ... اتشاهدت على روحى واستنيت للآخر لغاية مالواد ده عدى وعلى آخر لحظة رحت منزل العربية فى التراب ووقفت وهى والمقطورة عكس بعض .... لكن لحسن الحظ الظبط اتلهى فى تطليع العربية علشان الطريق ومسألنيش على الرخص .. لأن اخوكوا مكانش معاه حت ى رخصة خاصة وقتها .. لكن من يومها توبة انى أحمل ميه على العربية نهائى وفعلا كانت آخر مرة ونزلت التنك من عليها تانى يوم ... هو العمر بعزقة
=====================
2-
اول حادثة عملتها فى حياتى كانت اول مرة اسوق العربية وكانت حادثة تهلك من الضحك
كنت بخرج العربية من الجراج بتاعنا تخيلوا ايه اللى حصل
ركبت العربية ودورت وعشقت الفتيس ورجعت لورا بسهولة جدا
ومرة واحدة لقيت حاجة مطلعة صوت عالى ( طااااااااخخخخخخخخخخخخخخخ )
اتارى انى مقفلتش الباب بتاعى هههههههههههههههههه وخبط فى الحيطة وانا خارج
ههههههههههههههههههههههههه
الحادثة التانية برده كنت فى طور التعليم ( مكنتش طلعت رخصة لسة )
وكنت راجع من عند الميكانيكى كنت بظبط الكهرباء والتاكيهات والكاربيراتير ( تظبيط شامل للماتور يعنى ) وقولت اجربها
وكنت على طريق اتجاهين ضيق جدا بس فاضى شوية وجانبى على الشمال ارض زراعية واليمين مصرف
ورحت كابس للعربية ( مهى اتظبطت بقى ) 60 على الأول 100 على التانى 130 على التالت ولسة بكبس على الرابع 140 تقريبا ولقيت كارو طلع قدامى مرة واحده رحت حادف شمال بغباء لقيت نص نقل فى وشى . رحت راجع يمين تانى بغباء برده ( لسة بتعلم بقى ) وبعدها عينك ماتشوفش اللى انا شوفته . العربية بقت بتمشى على عجلتين وانا عمال اعدل فيها مفيش فايده لغايت ما العجلة اللى قدام على الشمال من كتر الإحتكاك بالارض والعربية بتعوم . الكاوتش خرج من الجنت وطار فى الهواء والعربية قعدت تلف زى النحلة . بس الحمد لله انها متقلبتش
بس طلعت بخبطة فظيعة فى العتب اليمين والبابين اليمين
الحادثة التالتة بقى برده كانت على طريق رايح جاى برده
وكالعادة بجرى بسرعة عالية
وبعدى عربية قدامى وبعد ما عديت ودخلت قدامة لقيت مطب رحت كابس فرامل طبعا اللى ورايا الظاهر كان نايم مخدش بالة انى وقفت ومرة واحده مسك فرامل على الأخر انا ببص فى المراية لقيت حاجة جاية عليا زى الصاروخ طبعا انا كنت وقفت تماما رحت سايب الفرامل علشان الخبطة متأثرش قوى وبعدين لقيت نفسى طاير من على المطب
طبعا نزلت عملت الواجب معاه
مش هو اللى خابط من ورا يبقى هو اللى غلطان ههههههههههههههههههههههههه
الحادثة الرابعة بقى كانت بسبب تحدى العظماء
كنت رايح انا واصحابى نسهر فى 6اكتوبر وكنا ماشيين على المحور قبل ما يتظبط ( لما كانت الفواصل بتاعت الكبارى بايظة ) اكيد فى كتير عارف الطريق كان زى الزفت ازاى قبل كده
المهم لقينا غول ماشى قدامنا ( هامر ) كان فيها شوية ( موزز ) صحابى قالولى حصلهم علشان نشوفهم سخنت معايا وكبست بنزين . بتاع الهامر لقانى جاى وراه زى الصاروخ قام دايس هو كمان
الطريق كان زحمة فضل ياخد غرز وانا وراه ( تقريبا كان بينى وبين اكصدام عربيتة 2 متر ) وصحابى يقولولى اهدا وانا مفيش فايده سخنت فى دماغى ولازم احصلة ومرة واحده خد غرزة اقصى اليمين وانا وراه
ومرة واحده لقيت العربية عشقت فى الأرض واللى جنبى لزق فى الإزاز واللى ورا طلعوا قدام
اتارى العربيى بتاعتى خيشت فى فاصل من بتاع الكوبرى كان عالى عن الطريق
ساعتها طبعا العربية بطلت وانتم طبعا عارفين ليه
وعملت عمرة بعدها علطول
الحادثة الخامسة بقى اتسببت فيها لواحد بس اترديتلى بعدها بشهر
كنت على طريق اسكندرية القاهرة الزراعى . كنت جاى من اسكندرية وعند دمنهور تقريبا . طبعا كالعادة واخد الطريق بسرعة 20 غرزة فى الدقيقة
ولقيت عربية اسوزو دى ماكس اتنين كبينة 2007 سخن ولقيتة بيجرى ورايا
( الدى ميكس ده اللى ميعرفهاش ده عربية فيها مكنة ديزل تربو 2800 سى سى سرعتها 220 ) عربية جبارة جدا فيه عربيات ملاكى مبتعرفش تعمل معاها حاجة
المهم فضل يجرى ورايا كتير وانا اخد غرز مميتة وهو برده ورايا
فعلا الواد السواق عجبنى كان زى حالتى متهور ههههههههههههههه
المهم خدت غرزة كنت هضيع فيها
كنت ماشى تقريبا على 130 ولقيت عربية نقل تقيل قدامى وجنبى شروكى عديت من ورا النقل باعجوبة ودخلت قدام الشروكى وبتاع الديمكس جاى زى الصاروخ ورايا على ما جه يعدى كان بتاع الشروكى قفل الغرزة قام واخدها من قاصرها ودخل تحت النقل
بعدها بشهر حصلتلى الحادثة الشنيعة اللى انا حاطتها فى القسم هنا اللى كانت على الدائرى
وده الحوادث اللى انا فاكرها
==================
3-
الحادثة الوحيدة ليا كانت مع عربية فيورا سايقها واحدة
وانا كنت راكب باسات موديل 77 عربية كده جبارة اصلا
المهم هيا على شمالى وبينى وبينها ميكروباص يعنى انا مش شايفها
ومرة واحدة الاخت كسرت يمين من قدام الميكروباص وانا ساعتها كنت بعدى المكروباص من يمنه
لقيتها فأجاة بتكسر عليا انا كمان دوست فرامل على الاخر لكن طبعا كسرتهاعليا كانت اسرع من فرامل العربية
فدخلت في الباب اللى ورا عندها
الباب طبعا اتدمر والازاز اتكسر والفرش الداخلى طار
والدبابة اللى انا راكبها ولا شىء يذكرالحمد لله
دى الحادثة الوحيدة اللى عملتها الحمد لله
مع ان الواحد بيجرى شوية برده
بس ربنا بيستر
===============================
4-
الحادثة الاولى كانت في شارع الهرم كانت عربية واحد صاحبي 131 وكان ابوة مسافر الحج واحنا كنا سارقين العربية انا ساكن في حلوان وكنا في معهد صاحبي الي هو درسات متطورة وكان هو في امتحان عملى وانا بلعب بالعربية برة وكنت بجرى في شارع الهرم بقي وباخد غرز وال اية مقطع الطريق
المهم منتطولش عليكوم كان فية راجل غلبان كدة معاه 128 ماشي قدامى وانا جى من وراه في اليمين وباخد غرزة شمال عشان اعدية لاقيتو مرة واحده مك فرامل والعربية بتاعتى مكنتش عديت لسة
قمت لابس فيية من وراه
انا قلت يا نهار اسوووووووووووووود ولاقيت الشارع هيبتدى يتلم بس سبحان الله بتاع 128 لما مسك فرامل سابها تانى يعنى لما خبطتة اتحرك لقدام و 131 كانت لسة دايرة وعملت زى ما بيقولو ( الجرى كل الجدعنه ) وطبعا قمت مدى الاول ويا فكيك والحمد لله عرفت اخبي العربية لغايت لما الدنيا هديت وكنت مرعوب من الخوف لانى مش معايا رخص ولا صاحبي موجود الي هو صاحب العربية وهو بردو مكنش معاه رخص يعنى كان احسن حل الجرررررررررررررررررررررر ررى
اما الحادثة التانية كانت فظيعه مووووت كنت لسة مشترى النترا 2005 اول ما طلعت ومصدقت رخصتها ولينتها وقلت افتح موتورها بقي عشان السراعه المهم اتفقت مع 3 صحابي نطلع اسكندرية
واحنا ع الطريق كانت العربيه اخرها 175 وانا مكنتش عاوز كدة المهم عملت غيار عكسي من الخامس ل التالت وحرقت ع التالت بتاع ربع ساعه وقمت مديها الرابع في حدود 25 دقيقة ولما اديتها الخامس جابت ال210 وكنت ابتديت انبسط علي الاخر كانت اول مرة اجيب السسرعه دى بصراحه
وكنت واخد طريق مصر اسكندرية الصحراوى دا في 1.15 وقلت انا اية هحطم رقم قياسي
المهم وانا ماشي كان لسة الفجر بيطلع كان في عربيتين واحدة علي اليمين واحدة في النص قلت طبيعي هاخد انا الشمال عقبال ما قربت ليهم كان في كلب عدى الطريق اول ما شفته عدى قلت بقي ادوس وادخل الحارة بتاعتى طبيعي مع فرق السرعه بيني وبين العربيتين التانين الكلب لما جية عندهم واحده فيهم زمرتلة ام راجع تانى بسرعه كنت انا خلاص داخل
لاقيت الكلب بيني وبينه 3.5 متر والله يا جماعه الكلب وقف متحركش وانا مترجمتش اعمل ايه غير انى قلت ربنا يسامحنى علي الكلب دا وعينكو ما تشوف الا النور الكلب دخل في العربية من تحت ولفت بينا حوالي 6 او 7لفات وكنا في كل لفة بنموت 1000 مرة من الخوف وكلة مستني مصيرة لما العربية تقف هل هتقف سليمة ولا هتقلب بينا ولا هندخل في المعاكس
الحمد لله العربية وقفت في نفس الطريق بتاعنا عند النوبارية ..
المهم انا لما العربية وقفت طبعا كانت مبطله كنت متخيل بقي ان لما ادور هتدور تانى ؟؟؟ حاولت ادور طبعا مش بتقول اى حاجة خالص المهم نزلت تحت العربية اشوف في اية
اول ما فتحت الكبود صعقت من الي شفته
الكلب اتفرم جوه ودمر الريدياتير والسلبنتينة بتاعه التكيف والقنطرة الامامية وقميص مراوح الردياتير والكمبيوتر بتاع العربية
والحمد لله اتكلفت في التوكيل 12000 جنية
هما دول الحادثتين الي عملتهوم وربنا يستر عشان حاسس ان حادثة الهرم دى هتحصل فيا بس امتى الله اعلم
=================================
رقم العضوية : 19
تاريخ التسجيل : 17Apr2007
المشاركات : 1,097
الاقامة : Madinet Nasr
الحالة :
رقم العضوية : 19
تاريخ التسجيل : 17Apr2007
المشاركات : 1,097
الاقامة : Madinet Nasr
الحالة :
رقم العضوية : 1703
تاريخ التسجيل : 11Aug2007
المشاركات : 362
النوع : ذكر
الاقامة : فيصل
السيارة: bmw m40 1989
السيارة[2]: 128 1991
الحالة :
الحوادث دى كلها اللى سايق هو الغلطان
BBS Rims lover
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
لن أقول سوى حسبي الله و نعم الوكيل
في اللي بيجروا بسرعة و يعملو غرز
اللهم ضع الخوف في قلوبهم كما يفعلون بنا
اللهم لا تسامحعم على ما يفعلون بحقنا
اللهم أعطهم مثل ما يفعلون
اللهم جازي من يسمح لهم بذلك و لا يعاقبهم في الدنيا ............. فعاقبهم أنت ياربي في الآخرة
و حسبي الله و نعم الوكيل
---------------------------------------------
أنا الحمد لله عمري في حياتي ما عملت حادثة نهائي و الحمد لله على ذلك
في التـــــآني الســــــــــــــــــــلا مة
و في العجـــــــــــــــلة النـــــــــــدامة
و العجلة من الشيـــــــــــــــــــــ ــــــــــــــطان
[img2]http://i59.tinypic.com/2vxpukz.jpg[/img2]
رقم العضوية : 209
تاريخ التسجيل : 25Apr2007
المشاركات : 137
النوع : ذكر
الاقامة : Cairo
السيارة: ---
السيارة[2]: Toyota Corolla 2005
دراجة بخارية: NO
الحالة :
متهيألي إن الأفضل إننا نحكي عن حوادث حدثت أو كادت أن تحدت بسبب سوء في الطريق مش عيب في القيادة أعتقد ده هيفيد ناس كتيرة انها تاخد بالها خاصة لو كانت أول مرة تمشي في الطريق ده.
مثلا على الدائري و انت متجه إلي كورنيش المعادي بعد ما تسيب كارفور عند منزل الأوتوستراد. و انت نازل المنزل ده فجأة تلاقي فيه رصيف في النص بدون اي علامات لقيت فيه عربية مرسيدس خدته في النص و مشيت حولي 8 متر والعحل كله فتح لبرة. اكيد طبعا العفشة اتدمرت
انا جبيت اقولهاكم عشان انا كان ممكن البس فيها برضه بالرغم اني مابجريش لولا ستر ربنا
_______________
رقم العضوية : 1150
تاريخ التسجيل : 24Jun2007
المشاركات : 919
النوع : ذكر
الاقامة : Banha
السيارة: lada
السيارة[2]: 128
دراجة بخارية: لا
الحالة :
ايه العداد ده الى فية السرعة 260 كم ده بتاع عربية ايه
رقم العضوية : 2660
تاريخ التسجيل : 17Oct2007
المشاركات : 3,907
النوع : ذكر
الاقامة : حدائق الاهرام
السيارة: :(
السيارة[2]: lanos 99
دراجة بخارية: nop
الحالة :
ربنا يكفينا شر الطريق
[mshosh2]http://s3.postimage.org/z1xf3bakp/image.jpg[/mshosh2]
Mahmoud Fayed
رقم العضوية : 484
تاريخ التسجيل : 05May2007
المشاركات : 1,982
النوع : ذكر
الاقامة : Egypt/Giza
السيارة: Proton Wira
السيارة[2]: Proton Wira
دراجة بخارية: no
الحالة :
رقم العضوية : 2980
تاريخ التسجيل : 03Nov2007
المشاركات : 1,159
النوع : ذكر
الاقامة : haram-maadi () italy - roma
السيارة: opel vectra
السيارة[2]: opel corsa 95
دراجة بخارية: honda vision 50cc
الحالة :
انا اكبر حادثة عاملتها في حياتي كانت وانا راكن كنت لسا جايب العربية بقالي اسبوع وكنت راكن علي جمب وواحد ابن حلال جه بعربية فيرنا دخل فيا الحمد لله كنت عمل العربية علي ال ان وماكنتش شادد الهاند بريك العربية مشيت حوالي 30 متر وانا جواها بس الحمد لله ماحدش حصله حاجة انا عربيتي كانت اوبل فيكتر احسن عربية ركبتها في حياتي تحفة انا كنت لسا جايبها بقالي اسبوع وكنت بقالي شهر بدور علي عربية فبريكة بره وجوه هههههههههههههههه
قدر الله ما شاء فعل انا حمدت ربنا اني سليم والحمد لله ربنا اعلم الواحد تعبان في الفلوس دي ازاي بس ده نصيب
( وكان الانسان اكثر شيء جدلا }
المفضلات