البافاريه للسيارات تطلق BMW 316iA بناقل حركه اوتوماتيكى

قامت المجموعه البافاريه للسيارات وكيل BMW فى مصر بتقديم مفاجأه للسوق المصرى حيث أطلقت سياراتها BMW 316i A بناقل حركه اوتوماتيكى

وزودت BMW 316i A بنفس ناقل الحركه المتطور الموجود فى شقيقاتها 318i و 320i و 330i

قدمت BMW طرازين جديدين لهذه الفئه يتميزا بالعديد من الاضافات

الاول هو Premium والذى زود بمقاعد جلد صناعى وتكييف هواء اوتوماتيكى وحساسات للمطر و Cd Changer


اما وسائل الامان فتوجد بها 6 وسائد هوائيه و Abs بالاضافه الى العديد من أنظمة الثبات

Dynamic Stability Control * DSC

Cornering Brake Control * CBC

Dynamic Traction Control * DTC


اما الطراز الثانى Exclusive يتوفر به كل ماسبق بالاضافه الى مرايا جانبيه قابله للطى ومثبت سرعه والزجاج الخلفى مزود بستاره تعمل كهربائيا وتجهيز لاستخدام الهاتف باستخدام تقنية BlueTooth

اما اسعار هذه الفئات فهى كالتالى

بريميوم : 240 الف

بريميوم / ميتاليك : 245 الف

اكسكلوسف : 268 الف

أخيرا فهموا

كانو خايفين على 320 قوي

المهم دي ألماني و لا مصري

مش عارف والله

مش مكتوب

شكلها مصري ........

علشان لو أثرت على مبيعات 320 تبقى السبوبة شغالة برضه

ألماني يا باشا

كل ال الـ 1600 في البي ام والمرسيدس ( على حد علمي ) بيجي مستورد عشان الجمارك بتاعته بتبقى في المعقول ( معقول بالنسبة لينا احنا بس دون أي بلد من بلاد البسيطة ) ....

واللي يغيظ بقى اني أنا كنت من سنة كده رحت فرع البافارية بتاع جامعة الدول أتفرج على الفئة التالتة كلها - للعلم بالشئ ليس إلا - وطبعا الأخ مندوب المبيعات هناك - وكعادة أي شركة مصرية علا شأنها أو صغر - قاللي 1600 ايه اللي تنزل اوتوماتيك .. لا حضرتك مافيش الكلام ده أبدا .. ده حتى الـ 116 اللي نازلة أوتوماتيك دي معمولة مخصوص للسوق المصري ... إنما الـ 316 عمرها ما حتنزل اوتوماتيك .. كان زمان وجبر ...

طبعا أنا لما أخدت من عندهم كاتالوج فيه شرح امكانيات وصور واكسسوارات ومواتير الفئة التالتة وكان مطبوع في ألمانيا ... لقيت فيه كل حاجة عن العربية سواء مواتير بنزين أو ديزل وسواء بتنزل مصر ولا لا ....

وطبعا فوجئت انه بالنسبة للمواتير في 316 ممكن تكون اوتوماتيك ...

وأهي لفت الأيام والتوكيل بنفسه نزل الـ 316 أوتوماتيك ...

أنا نفسي أروحلهم تاني وأشوف الأفندي ده عشان أشكره على مجهوداته العظيمة للوساطة لدي بي ام الأم عشان ينزلوا لمصر بس الـ 316 الأوتوماتيك.... :120105~352:

من ساعتها وانا اتأكدت ان كل توكيل في مصر بيحب يأكل الناس الأونطة - آسف في اللفظ بس دي الحقيقة - .. وإن الفروق بين التوكيلات زي الفرق بين نصاب شيك ونصاب بلطجي ... المهم المحصلة النهائية ان ياريت محدش ياخد بكلام مندوبي المبيعات في التوكيلات أو المعارض على انه مسلم به أبدا ... بل يفضل اننا ندور على المعلومة الصح ونتأكد منها عشان يبقى الكلام ساعة الشراء على نور وأرض صلبة .....

اقتباس:

---

المشاركة الأصلية كتبت بواسطة yehia

ياريت محدش ياخد بكلام مندوبي المبيعات في التوكيلات أو المعارض على انه مسلم به أبدا ... بل يفضل اننا ندور على المعلومة الصح ونتأكد منها عشان يبقى الكلام ساعة الشراء على نور وأرض صلبة .....

---

أمال المنتدى احنا قاعدين فيه ليه

علشان انا استكفيت أونطة :Ka_che1[1]:

اقتباس:

---

من ساعتها وانا اتأكدت ان كل توكيل في مصر بيحب يأكل الناس الأونطة - آسف في اللفظ بس دي الحقيقة - .. وإن الفروق بين التوكيلات زي الفرق بين نصاب شيك ونصاب بلطجي ... المهم المحصلة النهائية ان ياريت محدش ياخد بكلام مندوبي المبيعات في التوكيلات أو المعارض على انه مسلم به أبدا ... بل يفضل اننا ندور على المعلومة الصح ونتأكد منها عشان يبقى الكلام ساعة الشراء على نور وأرض صلبة .....

---

لا ... ده فيه مصيبه اكبر من كده.... ده ساعات مش بيكون قصده ينصب و لكن للاسف بيكون فعلا جاهل و ميعرفش حاجه عن العربيه اللي بيبعها.

و فيه مصيبه اكبر من الاتنين و هيه انه يكون جاهل و بينصب :)

شكراً للخبر ... ويا حسرة اللي استعجل واشتراها مانيوال

المانيول ليه الناس اللي بتحبه بردوا وكل حاجه ليها ميزه وعيب

اقتباس:

---

المشاركة الأصلية كتبت بواسطة yehia

ألماني يا باشا

كل ال الـ 1600 في البي ام والمرسيدس ( على حد علمي ) بيجي مستورد عشان الجمارك بتاعته بتبقى في المعقول ( معقول بالنسبة لينا احنا بس دون أي بلد من بلاد البسيطة ) ....

واللي يغيظ بقى اني أنا كنت من سنة كده رحت فرع البافارية بتاع جامعة الدول أتفرج على الفئة التالتة كلها - للعلم بالشئ ليس إلا - وطبعا الأخ مندوب المبيعات هناك - وكعادة أي شركة مصرية علا شأنها أو صغر - قاللي 1600 ايه اللي تنزل اوتوماتيك .. لا حضرتك مافيش الكلام ده أبدا .. ده حتى الـ 116 اللي نازلة أوتوماتيك دي معمولة مخصوص للسوق المصري ... إنما الـ 316 عمرها ما حتنزل اوتوماتيك .. كان زمان وجبر ...

طبعا أنا لما أخدت من عندهم كاتالوج فيه شرح امكانيات وصور واكسسوارات ومواتير الفئة التالتة وكان مطبوع في ألمانيا ... لقيت فيه كل حاجة عن العربية سواء مواتير بنزين أو ديزل وسواء بتنزل مصر ولا لا ....

وطبعا فوجئت انه بالنسبة للمواتير في 316 ممكن تكون اوتوماتيك ...

وأهي لفت الأيام والتوكيل بنفسه نزل الـ 316 أوتوماتيك ...

أنا نفسي أروحلهم تاني وأشوف الأفندي ده عشان أشكره على مجهوداته العظيمة للوساطة لدي بي ام الأم عشان ينزلوا لمصر بس الـ 316 الأوتوماتيك.... :120105~352:

من ساعتها وانا اتأكدت ان كل توكيل في مصر بيحب يأكل الناس الأونطة - آسف في اللفظ بس دي الحقيقة - .. وإن الفروق بين التوكيلات زي الفرق بين نصاب شيك ونصاب بلطجي ... المهم المحصلة النهائية ان ياريت محدش ياخد بكلام مندوبي المبيعات في التوكيلات أو المعارض على انه مسلم به أبدا ... بل يفضل اننا ندور على المعلومة الصح ونتأكد منها عشان يبقى الكلام ساعة الشراء على نور وأرض صلبة .....

---

بس يا باشا الكتالوج بتاع الفئة التالتة ، الأصلي إلي موجود عند الوكيل، مش موجود فيه فتيس اوتو لل-316i ولا ال-318i ، و بعدين بعد ال-facelift

عملوا ال-318i اوتو ، و آدي ال-316i اوتو و ماكانوش في الكتالوج، يعني هو مش بيفتي من دماغه ، د بيتكلم من الورق ، لما الشركة الأم شفت إن في سوق ينزلوا فيه el316i اوتو راحوا عملوها ، و أكيد مرجعوش للمندوب دة في الأول ،
أنا طبعاً مش مؤيد ليهم لأن كتير فيهم بيفتي ، بس فعلاً طرح نسخة 316i اوتو لم يكن وارد ، خصوصاً إن الموتور ال-1600cc بينزل في عدد محدو جداً من دول العالم و اداؤه مع الأوتو متواضع جداً

اقتباس:

---

المشاركة الأصلية كتبت بواسطة farahat

بس يا باشا الكتالوج بتاع الفئة التالتة ، الأصلي إلي موجود عند الوكيل، مش موجود فيه فتيس اوتو لل-316i ولا ال-318i ، و بعدين بعد ال-facelift

عملوا ال-318i اوتو ، و آدي ال-316i اوتو و ماكانوش في الكتالوج، يعني هو مش بيفتي من دماغه ، د بيتكلم من الورق ، لما الشركة الأم شفت إن في سوق ينزلوا فيه el316i اوتو راحوا عملوها ، و أكيد مرجعوش للمندوب دة في الأول ،
أنا طبعاً مش مؤيد ليهم لأن كتير فيهم بيفتي ، بس فعلاً طرح نسخة 316i اوتو لم يكن وارد ، خصوصاً إن الموتور ال-1600cc بينزل في عدد محدو جداً من دول العالم و اداؤه مع الأوتو متواضع جداً

---

يا باشا الكاتالوج اللي معايا أنا جايبه من فرع البافارية اللي في جامعة الدول العربية وهو خاص بالفئة التالتة ومطبوع في ألمانيا عام 2008 .... وعلى ما أعتقد انه بعد الـ Facelift لأن الفوانيس الخلفية هي اللي في موديلات 2009 و 2010 ....

معلهش أنا حاليا معنديش امكانية اني أعمل سكان ليها وأحطها على المنتدى لكن حأعمل كده في أقرب فرصة إن شاء الله ....

لو الكاتالوج ده بنفس سنة الطباعة مع حضرتك ممكن تفتح صفحة 68 وتشوف الجدول الخاص بناقلات الحركة للسيارات الفئة التالتة ... حتلاقي ان الكلام واحد لكل فئات الفئة التالتة من انها بتنزل بناقل حركة 6 سرعات مانيوال كـ standard equipment ..... مع امكانية توفيرها بناقل حركة أوتوماتيكي ستبترونيك 6 سرعات كـ optional equipment .....

وطبعا الكلام وفقا للكاتالوج هو على كل موديلات الفئة التالتة شاملة مواتير البنزين 316 و 318 و 320 و 325 و 325 اكس درايف و 330 و 335 و 335 اكس درايف ... وكذا مواتير الديزل 318 و 320 و 320 اكس درايف و 325 و 330 و 330 اكس درايف .. ما عدا 335 ديزل فهي الوحيدة اللي بتنزل ستاندرد أوتوماتيك مع امكانية توفيرها بالمانيوال .....

مفاد الكلام السابق ان الـ 316 كانت متوفرة على الأقل خارج مصر بناقل حركة أوتوماتيك لمن يرغب اعتبارا من 2008 ... وطبعا كما هو معروف فهذا الموديل بالذات لا يتم تجميعه في مصر وإنما استيراده من ألمانيا .... فلما الأخ مندوب المبيعات يقوللي استحالة 316 تنزل أوتوماتيك ويكون الكلام ده في 2009 .... لاسيما وإن كان بالفعل ومازال فيه موديل 116 الأوتوماتيك وهي على حد علمي نفس موتور الـ 316 ... يبقى كده أكيد بيشتغلني أو على الأقل بيفتي عن غير علم :M_yes[1]: