مساعده في تغيير مساعدين وسوت لنيسان صني

**mony10** · 01-05-2010 04:08 AM

معايا نيسان صني 2004 فيها مشكلتين الاولى من يوم ماجيبت العربيه واخد اي مطب بيعمل صوت خبطه جامد جداً المشكله التانيه المساعدين والسوست تعبت فكنت جربت لانسر رياضيه وفعلا كانت عفشتها جميله جدا في المطبات مش بتعمل صوت عالي وتاني حاجه اتزانها كان جميل جدا فكنت عاوز اخلي النيسان زيها المهم فكرت اغير المساعدين والسوست مره واحده وسالت كتير عن الانواع الموجوده وكانت المقارنه بين الكوني والمونرو و kyb المهم الكوني كل الناس شكرت فيه وقالت انه كويس جدا بس ناشف جدا في المطبات والـ kyb الياباني الناس قالت انه كويس بس فيه ناس جربته وقالت انه بيبوظ بسرعه او كفاءته بتقل بسرعه يتقبى المونرو اعتقد انه اكتر نوع يناسبني اولا بالضمان ثاني حاجه مفيش حد قال انه بيبوظ بسرعه وثالث حاجه انه مش ناشف قوي زي الكوني بس من الطبيعي انه هيكون انشف شويه من المساعدين الفابريكه المهم على ما اتذكر كنت اختارت مساعدين مونرو ريفلكسيف كانت هوا على زيت.
السؤال هل المساعدين دي مش هتعمل صوت جامد في المطب بعد تركيبها تاني حاجه هل هي مثل مساعدين لانسر الرياضيه وهتتكلف كام لو غيرت الاربعه بالسوست بتاعتهم.

**aymenseef** · 01-05-2010 09:06 AM

السوست مفيش منها جديد
هتلاقيها استيراد
والمساعدين المونرو ب 1800 جنيه الاربعه
كنت هشتريهم لكن جيت فى الاخر اشتريت ال kyb
وياريتني ما جبت ال kyb
فنصيحه متجيبهمش
وجرب المونرو

**mony10** · 01-05-2010 02:02 PM

شكرا لردك بس انا كنت شايف على موقع مونرو المساعد راكب مع السوسته بتاعته فاعتقد انه ممكن يكون موجود بس ممكن يكون الطلب قليل على السوست اعقد لو الواحد لف شويه ممكن يلاقيهم او يوفق اي نوع سوست رياضيه محترم مع المساعدين المونرو.
منتظر الرد والرأي

**Ahmed Galal** · 01-05-2010 03:19 PM

انا بس حبيت اضيف على موضوع الصوت العالى فى المطبات ممكن تغير البطاحات قدام وورا عشان تمتص صوت الصدمة ده كويس و الله اعلم

**mony10** · 01-05-2010 06:01 PM

انا شاري العربيه عالزيرو وجايبها معايا من بره ومن يوم ماشتريتها وهي كدا صوتها عالي في المطبات يعني ممكن تكون البطحات اللي جايه فيها مش متناسبه مع الطرق بتاعتنا هنا ولا في من البطاحات دي انواع مختلفه علشان المشكله دي

**Ahmed Galal** · 01-05-2010 06:34 PM

المشاركة الأصلية كتبت بواسطة mony10

انا شاري العربيه عالزيرو وجايبها معايا من بره ومن يوم ماشتريتها وهي كدا صوتها عالي في المطبات يعني ممكن تكون البطحات اللي جايه فيها مش متناسبه مع الطرق بتاعتنا هنا ولا في من البطاحات دي انواع مختلفه علشان المشكله دي

البطاحات بتختلف بنوع العربية عشان المقاس بتاعها و صوت الدبدة له اسباب كتير ممكن الكوتش نفسه او المساعد مش مريح كويس او البطاحات او حاجة فى العفشة مش مربوطة او كوتش عفشة دايب و بدا يبوظ بس انت بتقول عربيتك بتدبدب كده من اول ماجبتها على العموم انت بس ضيف نوع العربية و عاملة كام كيلو عشان نفهم اكتر

**aymenseef** · 02-05-2010 03:24 AM

انا مركب سوست سبور لو عايز تجرب عربيتي الاول قبل ما تعمل حاجه قولي وانا اقابلك
ونقعد مع بعض اوضحلك شويه حاجات كده الاول وتستفاد من تجربتي فى العفشه

**mony10** · 02-05-2010 04:41 PM

ان شاء الله لما انزل القاهره هكلمك نتقابل انا معايا تليفونك كنت كاتبهولي في مشاركه قبل كدا ومتشكر جدا على مساعدتك ليا

الموضوع: مساعده في تغيير مساعدين وسوت لنيسان صني

LinkBack

أدوات الموضوع

عرض

-

-

-

-

المواضيع المتشابهه

مساعدين خلفى 205 مساعده :)

تغيير مساعدين كورولا ٢٠٠٥

مشاكل في العافشة. تغيير مساعدين !!!

تغيير مساعدين خلفى

تغيير مساعدين خلفية

الكلمات الدلالية لهذا الموضوع

المفضلات

المفضلات

ضوابط المشاركة