تحذير من شراء السيارات من الباعه الجائلين....!!!

معلش يا جماعه هوطبعا مش مقصود بالباعه الجائلين هنا الناس ايلي بيمشوا في الشارع...
ولكن مقصود بيهم الناس ايلي ملت البلد وفاتحين جراجات ومالينها عربيات ماتعرفش جاية منين....

النهاردة وانا لاقيت عربية ياريس في معرض من دول...قلت انزل اتفرج واشوف النظام...
العربية خليجي ...(اول مرة اشوف حد بيجيب ياريس من الخليج)....لما اتكلمت علي حكاية الضمان رجع قالي لا فيها ضمان .....قلت ازاي ...تبقي خليجي مضمونة....قالي لا انا قاصد بخليجي يعني تقفيل اليابان....

شكل بتوع المعرض مش فاهمين اي شيء....المهم...واناباتفرج علي العربية بس خفض الف جنية ...كان طالب 86 الف وبعد دقيقة بقوا 85 الف...

وانا باخد لفة تانية ....شفت شيء غريب جدااا....الزجاج الخلفي للسيارة....مكتوب علية بالانجليزي
مصانع د.جريش...:confused:.....انا للوهلة الاولي افتكرت ان الياريس بدأت تتجمع في مصر......
بس العربية عليها افراج جمركي وصنع في اليابان وشغل جامد قوي....
بابص علي الزجاج الامامي...لاقتة تويوتا.....كنت هاموت علي نفسي من الضحك.....

ياولاد الذين....العربية زجاجها الخلفي مكسور....ومتغير ولا حس ولا خبر....انا ساعتها بدأت اشك ان العربية مسروقة وولا كانت عاملة حادثة ومشدودة...
حاجة تهبل ....الناس مابقاش عندها ولا ملي من الضمير....يعني فيها اية لو قال ان العربية وهي بتتشحن اتخبطت ولا في شيء كسر الزجاج..وغيرناة....اية المشكلة يعني...

والتاجر البخيل المعفن....راح جابلها زجاج محلي....يعني لو كان متغير باصلي ماكانتش اتعرفت...

منهم لله ...لا بارك الله لهم في بيعها ....ولا في مكسبها ....وربنا يعافي الناس من الغش والغشاشين...

صدقت يا رسول الله ...." من غشنا فليس منا"

فعلا بقت حاجة تقرف
ربما يخلصنا من النصابين دول

ربنا يرحمنا برحمتة من التجار دوول

يا جماعة كل مصر بقت كدا
كل اللي شغالين في العربيات نصابين و كدابين و طماعين جدا
أغلبية اللي شغالين في مولات الكمبيوتر........ كل معرفتهم بالكمبيوتر أنه بيتوصل بالكهرباء و ممكن تلعب عليه زي الأتاري ...
مفيش تخصص ........... مفيش ضمير .......... مفيش أخلاق ............. مفيش خدمة عملاء

كل اللي بيفكرو فيه هو ازاي ينهبوك و يحطوا فلوس في جيبهم و خلاص
و شكرا

مبدء التجار
ثبت الزبون لحد ما يدبس ويشترى وبعدها اديله الوش الخشب
وفيها الى فيها
حسبى الله ونعم الوكيل

ممكن يا باشا تجتب إسم المعرض و مكانه علشان محدش فينا يدبس فى العربية دى أو يشترى منه

احمد باشا..
هو المعرض مالوش اسم ...هو عبارة عن جراج فية 4 عربيات ...كورولا وياريس و2 لانسر...
وواحد واقف بيبيع مايعرفش غير ان العربية الخليجي يعني تقفيل اليابان وغير كدة جنوب افريقي حتي لو كانت نيسان صني...:)

هو عموما الجراج دة خارج القاهرة..خالص...علي طريق المنصورة دمياط...

- كل نصاب وراه طماع (يعنى لو حسيت نفسك بتطمع، خاف)

- الغالى تمنه فيه

- اللى تعرفه احسن من اللى متعرفوش

- ادى العيش لخبازه و لو ياكل نصه

الأمثال دى محدش اخترعها فى يوم و ليلة، دى خلاصة تجارب اجيال و اجيال و ياما ناس دفعت فلوس علشان توصلنا الأمثال دى، و النهاردة زى امبارح فى البيع و الشراء، اللى اضحك عليه فى شراء حمار من 200 سنة، زى اللى اضحك عليه فى شراء عربية دلوقت.

الى الاخ العزيز هيرو
ارجو المساعدة
انا دلوقتى معروض عليا ياريس خليجى 2006 عاملة 37000 كيلو و ب 72 الف جنية (بعد 75 الف ؟؟؟؟؟؟).
فيها عتب و فوجات و فرش جلد بتاع العربية بس هالف اوبشن و مركبلها زجاج كهربا لكل باب لوحدة و معروضة فى معرض .
و هكشف عليها فى التوكيل.
اية رأيك كويسة ولا لأ مع العلم ان ياريس المعروضة للبيع قليلة جدا
و اية عيوب الخليجى و لو حبيت ابيعها هيبقى سهل ولا للأ؟؟

تجار العربيات جديدة فيه نسبة كبيرة منهم نصابين , يا إما في السعر يإما في حاجة مش سليمة زي اللي حصل معاك ,
لكن تجار العربيات المستعملة أغلبهم نصابين (99.99%) ,
كنت أعرف تاجر مستعمل بيدخل العربيات في بعض مع دفع فرق بين المشترى و البائع و طبعاً بياخد عمولته من الإثين , و كان نصاب لدرجة إنه ممكن يدخل 3 عربيات (لـ 3 زبائن) في بعض و يقوم بتبديل عربية ده مع ده و هكذا حتى يأخد هو عربية منهم و يتبقى عربيتن للـ 3 زبائن و برده عمال يدخلهم في بعض :) :) :)