تغير الفتيس الاتوماتيك من كورى ليابانى

**zoro_elsharq** · 01-05-2010 11:40 AM

السلام عليكم ورحمة الله وبركاته يا شباب أحلى منتدى مفيد فعلا وكله شباب محترم

انا عندى استفسار بسيط ارجو من اى حد عنده خبره فى المجال يفيدنى انا معايا عربيه كيا سيفيا
أتوماتيك وطبعا انتوا عارفين الاتوماتيك بيجمع ببطء قوى وخصوصا فى بداية حركة السياره وده
عاملى احباط نفسى رهيب مع العلم انى مهتم بتغير زيت وفلتر الاتوماتيك كل فتره وبحس ان العربيه
بتأخر فى الغيار قوى يعنى مثلا الغيار الرابع بيلقط على سرعة 80 كم وفعلا محتاج الافاده لانى بحب عربيتى جدا ومش بفكر اغيرها او ابيعها

السؤال بقى ياترى ينفع اركب فتيس يابانى استيراد على عربيتى الكيا السيفيا ولا لا ؟
ولو حبيت اغير الفتيس الاتوماتيك لفتيس مانيوال الموضوع يتكلف كام لو حجيبه استيراد
بس الاهم هو السؤال الاول ينفع اركب فتيس يابانى استيراد على العربيه الكورى بتاعتى ولا لا ؟

انا فى انتظار الردود من الناس المتخصصه وارجو لو ينفع اغير الفتيس الكورى باليابانى يقولولى ايه
نوع العربيه اليابانى اللى الفتيس بتاعها يركب عندى

**M.Zaher** · 02-05-2010 12:09 PM

و عليكم السلام يا باشا
بص بالنسبه لتجميع الغيارات تقدر تظبطها من كابل الكيك داون
اما بالنسبه لحكايه تغير الفتيس معرفش اذا كان الياباني ينفع ولا لاء بس اللى شوفته ادامي عربيه نوبيرا متركبلها فتيس بيجو فرنساوي

**Hany A Fattah** · 02-05-2010 07:44 PM

المشاركة الأصلية كتبت بواسطة moh_zaher

بس اللى شوفته ادامي عربيه نوبيرا متركبلها فتيس بيجو فرنساوي

بس القواعد اتعمل فيها تعديل ؟

**E30power** · 01-06-2010 12:22 PM

متاابع ........

لانى برضك جايب اخرى من فتيس الانوووس ونفس الفكرة بفكر فيها انى اغير بفتيس استيراد المارش تحت الخامس لانى تعبت نفسيا من صوت التكسير وخشونة الفتيس

ومتهيقلى انا سمعت من فترة ان النوبيرا ليها فتيس اوبل بيسقط عليها مع تعديل بسيط ....بس اوبل اية بقى زهيمر لانو كان كلام عابر ومش فاكر اووى ...

**max_ziro** · 01-06-2010 08:55 PM

موضوع تغيير الفتيس دة الله اعلم بية
اما تكلفة تحويل من اواتو ل مانيول ف هى 1500 + التركيب و كدة كدة الفتيس المانيوال ملوش كنترول
بس السؤال هل هتحتاج تغير الكنترول بتاع المتور عشان هتغير الفتيس ؟؟؟

بس اطن ان الفتيس عند حضرتك ممكن يكون مش مظبوط لانى بركب سيفيا بتاعت صاحبى بحس انها مانيوال عادى يعنى سحبها مقارب للمانيوال بس مع كبس جامد على البنزين و الكيك داون بتاعها حلو مش وحش ..
بس زى محنا عارفين الفتيس بتاع سيفيتنا المحبوبة ضعيف ف الاوتو ف مبرجحش اننا نضغط علية عشان نحصل على باور اكتر
و ممكن حضرتك تقول انك بتخسر سحب سريع فى مقابل الراحة المهولة الى حضرتك فيها و ربنا يباركلك فى عربيتك ..

**ramyhekal** · 06-02-2011 06:47 AM

اخى الكريم على فكره انا كان معايا عربيه كيا سيفيا قبل كده اوتوماتيك وهى اسرع تجميع فى العربيات الاوتو كلها
بلاش تغير الفيتيس ولكن شوف ايه اللى عايز يتظبط واظبطه على فكره
التانى عندى كان بيجيب 100 والاولانى 60