شركة المصرية بتحرق اسعار ميتسوبيشى ؟؟؟؟؟؟؟؟؟؟؟؟؟

السلام عليكم
امبارح كنت بقرا مجلة الوسيط لقيت شركة المصرية عاملة تخفيضات حوالى 10%او اكتر على موديلات البوما و الشارك
مثلا متسوبيشى بوما 1600 سبورت من 130000 الى 116000
متسوبيشى شارك1600سبورت من134000 الى 119000
فهل دة حرق من الرواس نفسة علشان يقلب الترابيزة على الى بعدة ولا دة مالوش اساس من الصحة ارجو التوضيح من باشمهندس طارق وطبعا الخبر دة لو صحيح يبقى هياثر طبعا على سعر العربية المستعملة جامد
جداااااا ربنا يستر علينا وتستمر المفاجات؟؟؟؟؟؟؟؟؟؟؟؟؟؟؟

تم تغيير اللون الاحمر الى الازرق
يرجى عدم استخدام اللون الاحمر في المشاركات حيث انه مخصص للمشاركات الاداريه.
3أ
1052010/1930

مفيش حاجه مستبعده في المنافسه

ليه ميكونش بيعمل كده علشان يخلص العربيات اللى عنده, لان ببساطه لو حد تانى خد التوكيل محدش هيشترى العربيات اللى عند المصريه, غير انه كدا كدا بيبيع و هو كسبان يعنى شوف هو كان بيكسب اد ايه الأول و بعد الــ 10% هو بيكسب كمان و ممكن الأسعار تقل عن كده
و بصراحه كويس انهم سحبوا التوكيل منه

لو الكلام ده بجد المفروض هو اللي يترفع عليه قضيه مش ميتسوبيشي لانه كان بيكسب مكاسب اكتر من الشركه الام شخصياً!!!!!

اقتباس:

---

المشاركة الأصلية كتبت بواسطة ralliart

لو الكلام ده بجد المفروض هو اللي يترفع عليه قضيه مش ميتسوبيشي لانه كان بيكسب مكاسب اكتر من الشركه الام شخصياً!!!!!

---

اكيد, و ممكن يكون دا احد الأسباب اللى دفعهم لسحب التوكيل منه

الكلام ده اكيد يا جماعه ولا لا والعرض علي السبورت بس ولا علي كله

استحاله المصريه تبيع بالاسعار دي الا اذا كان الرواس مديهالهم بأقل من كده

واضح من نبرة حديث الرواس الصحفي انه عايش في دور انه هو ميتسوبيشي في مصر

مجرد تفكيره في مقاضاة الشركة و طلب "نصف" رأس مالها فهو يدل أيضا على الصورة التي يرى فيها نفسه (شريك رأس برأس) و ده ممكن يفسر انه فعلا كان بيكسب زي الشركة أو أكتر ..خصوصا ان الشارك عربية مش غالية ...دي بره بثمن الكوري و أرخص من المازدا و التويوتا و الهوندا طبعا ....اللي طلهم مش فارقين الا في 800-3000 دولار فقط

الراجل كان بيعمل سبوبة جامدة زي بتوع هوندا و تويوتا برضه

بس هو ما باعش ....يبقى الشركة تفوقه و تفهمه انه يادوب "وكيل" يروح بجرة قلم

اقتباس:

---

المشاركة الأصلية كتبت بواسطة basom

السلام عليكم

امبارح كنت بقرا مجلة الوسيط لقيت شركة المصرية عاملة تخفيضات حوالى 10%او اكتر على موديلات البوما و الشارك
مثلا متسوبيشى بوما 1600 سبورت من 130000 الى 116000
متسوبيشى شارك1600سبورت من134000 الى 119000

فهل دة حرق من الرواس نفسة علشان يقلب الترابيزة على الى بعدة ولا دة مالوش اساس من الصحة ارجو التوضيح من باشمهندس طارق وطبعا الخبر دة لو صحيح يبقى هياثر طبعا على سعر العربية المستعملة جامد جداااااا ربنا يستر علينا وتستمر المفاجات؟؟؟؟؟؟؟؟؟؟؟؟؟؟؟

---

بص حضرتك هو في الموضوع لغز وضحك علي الدقون

العربيع البومه السوبر أكشن اللي بموصفات مصريه عامله

127 الف والشارك 1500 سي سي 142 الف ديه كانت احدث

الأسعار في أول شهر 4

يبقي قصدهم البومه السوبر اكشن الخليجي طبعا

والشارك 1500 الأسبورت الخليجي مقابل اللي بموصفات

مصريه لأن كده نسبه الخصم 15%

ودية الأسعار الجديده لشركة المصريه منقوله من أخبار السيارت بس فيها حاجات مش مظبوطه

لانسر 1300 أتوماتك من 106000 الي 95.000
لانسر 1300 مانيوال من 100000 الي 89900
لانسر 1600 مانيوال من 110000 الي 99000
لانسر 1600 هاف من 125000 الي 114000
لانسر 1600 سبورت من 130000 الي 119000
نيجي للموضوع اللي مش مظبوط

لانسر 1500 هاف سبورت زي ماهو مكتوب والله من 148000 الي 134000
ومش عارف ازاي اذا كان الأسبورت كانت ب145000 ونزلت الي 142000 الف والهاف اسبورت كانت ب140 الف وبقت ب138 الف

نيجي للتانيه لانسر شارك 1500 سي سي اتوماتك من 134 الف الي 124 الف

ومش عارف ازاي 134 الف اذا كانت ب129 الف ونزلت ل124 الف يبقي نزلوها ازاي

ودية كانت أحدث الأسعار اللي أستاذ طارق جبنلنا عليها خصم جزاه الله خير عنا

اولا : البومة

لانسر 1300 مانوال موديل 2009
نزل السعر من 93000 ج الى 88000 ج (سعر خاص غير قابل لخصم اضافي)

لانسر 1300 أوتوماتيك موديل 2009
نزل السعر من 100 ألف ج الى 98000 ج ( + خصم 1000 ج لأعضاء المنتدى)

لانسر 1300 مانوال موديل 2010
السعر كما هو 100 ألف ج ( + خصم 1000 ج لأعضاء المنتدى)

لانسر 1300 أوتوماتيك موديل 2010
السعر كما هو 106 ألف ج ( + خصم 1000 ج لأعضاء المنتدى)

لانسر 1600 موديل 2010 : خصم 1000 ج لأعضاء المنتدى والسعر قبل الخصم كما هو:
- لانسر 1600 مانوال كلاسيك 110 ألف ج
- لانسر 1600 أوتوماتيك كلاسيك 119 ألف ج
- لانسر 1600 اوتوماتيك هاف سبورت 125 ألف ج
- لانسر 1600 اوتوماتيك سبورت 130 ألف ج
- لانسر 1600 أوتوماتيك سام 133 ألف ج

ثانيا : الشارك

- لانسر 1500 شارك مانوال gls موديل 2008
السعر 110 ألف جنيه ( سعر خاص غير قابل لخصم اضافي) وكمية محدودة جدا

- لانسر 1500 شارك مانوال كلاسيك glx موديل 2009
السعر 117 ألف جنيه ( سعر خاص غير قابل لخصم اضافي) وكمية محدودة جدا

- لانسر 1500 شارك اوتوماتيك كلاسيك glx موديل 2009
نزل السعر من 129 ألف الى 124 ألف جنيه ( + خصم 2000 ج لأعضاء المنتدى)

- لانسر 1500 شارك اوتوماتيك هاف سبورت gls موديل 2009
نزل السعر من 140 ألف الى 138 الف جنيه ( + خصم 2000 ج لأعضاء المنتدى)

- لانسر 1500 شارك اوتوماتيك سبورت gls موديل 2009
نزل السعر من 145 ألف الى 142 ألف ( + خصم 2000 ج لأعضاء المنتدى)

فكده الموضوع بقي فيه شك ومحتاج توضيح

بغض النظر عن الموضوع

الراجل دا باع البومة باكتر من تمنها بكتير

غالية اوي اويييييييي

اقتباس:

---

المشاركة الأصلية كتبت بواسطة ahmed samy

واضح من نبرة حديث الرواس الصحفي انه عايش في دور انه هو ميتسوبيشي في مصر

مجرد تفكيره في مقاضاة الشركة و طلب "نصف" رأس مالها فهو يدل أيضا على الصورة التي يرى فيها نفسه (شريك رأس برأس) و ده ممكن يفسر انه فعلا كان بيكسب زي الشركة أو أكتر ..خصوصا ان الشارك عربية مش غالية ...دي بره بثمن الكوري و أرخص من المازدا و التويوتا و الهوندا طبعا ....اللي طلهم مش فارقين الا في 800-3000 دولار فقط

الراجل كان بيعمل سبوبة جامدة زي بتوع هوندا و تويوتا برضه

بس هو ما باعش ....يبقى الشركة تفوقه و تفهمه انه يادوب "وكيل" يروح بجرة قلم

---

+11111111111
كلام من الآخر
الراجل ده فاكر انهم لما هيسحبو منه التوكيل في مصر هيروح يشاركهم في طوكيو !!!

اقتباس:

---

المشاركة الأصلية كتبت بواسطة dr.almaghraby

بغض النظر عن الموضوع

الراجل دا باع البومة باكتر من تمنها بكتير

غالية اوي اويييييييي

---

اه, باعها كانها جايه من اليابان و نسى ان عنده عربيه تانيه موديل حديث يابانى او ممكن يكون كان فاكر ان علشان احنا فمصر بنقول بومه و شارك يبقوا موديلين مختلفين و نسى انهما لانسر

يا جماعة انا مش فاهم الاستغراب دا ليه؟
من امتى توكيل فى مصر بيكسب 10% من تمن العربية بس؟
اقل توكيل بيكسب بتاع 20% و دا كدا ممكت تقول عليه توكيل كويس!!! و كدا بيبقى كارم الزبون اخر كرم , لأ و قطع الغيار اكتر بكتييييير جدااااا.

اما سبب ان المصرية عملة عرض كدا بسبب ان الرواس عنده 1993 عربية لانسر متباعتش و التوكيل هيروح منه بعد شهرين فلازم يخلص من الكمية دى قبل التوكيل مايروح منه لسببين .
اولا لو التوكيل الجديد اشترى منه الكمية دى هيشتريها بتمنها الالى اللى هو واخد بيه من اليابان معنى كدا ان الرواس ركن بتاع 200 مليون فترة كبيرة من الوقت و متسفدش بيهم حاجة فى الاخر (يعنى واقفة عليه بخسارة) اما لو هو كسبان 20% و باع العربيات ارخص 10-15% يبقى هو كسبان برده و هيلم فلوسه تانى و يخلص من الهم دا.
بعدين انا مش فاهم انتوا فاكرين الرواس بس اللى بيكسب كدا؟ دى كل التوكيلات بتكسب كدا و تويوتا بيكسب اكتر كمان!!!

حسبي الله ونعم الوكيل

حسبي الله ونعم الوكيل
ربنا يكون في عونا من جشع التجار

اقتباس:

---

المشاركة الأصلية كتبت بواسطة basom

السلام عليكم

امبارح كنت بقرا مجلة الوسيط لقيت شركة المصرية عاملة تخفيضات حوالى 10%او اكتر على موديلات البوما و الشارك
مثلا متسوبيشى بوما 1600 سبورت من 130000 الى 116000
متسوبيشى شارك1600سبورت من134000 الى 119000
فهل دة حرق من الرواس نفسة علشان يقلب الترابيزة على الى بعدة ولا دة مالوش اساس من الصحة ارجو التوضيح من باشمهندس طارق وطبعا الخبر دة لو صحيح يبقى هياثر طبعا على سعر العربية المستعملة جامد
جداااااا ربنا يستر علينا وتستمر المفاجات؟؟؟؟؟؟؟؟؟؟؟؟؟؟؟

---

والله يا باسم اتصلت بالمعرض عندنا اسألهم على الكلام ده قالوا مفيش تعديل في الأسعار بالشكل ده

وعموما الموضوع ده مش جديد على المصرية للسيارات

مفيش تليفونات في اعلانهم في الاهرام او الأخبار علشان لازم تروح هناك

واستحالة تشتري منهم كاش

http://www13.0zz0.com/2010/05/02/14/553494794.jpg

يا جماعة التخفيض دة من المصرية للسيارات , مش التوكيل خالص

و دول ممكن يكون عندهم عربيات متبقية و عايزين يخلصوا منها

المصرية مصداقيتهم = 70 %

اقتباس:

---

المشاركة الأصلية كتبت بواسطة د.محمود صلاح

المصرية مصداقيتهم = 70 %

---

اقتباس:

---

المشاركة الأصلية كتبت بواسطة مصراوي جدا

والله يا باسم اتصلت بالمعرض عندنا اسألهم على الكلام ده قالوا مفيش تعديل في الأسعار بالشكل ده

وعموما الموضوع ده مش جديد على المصرية للسيارات

مفيش تليفونات في اعلانهم في الاهرام او الأخبار علشان لازم تروح هناك

واستحالة تشتري منهم كاش

---

بالظبط كده
المصرية طول عمرهم كلام وبس
وزى مقال المهندس طارق استحاله تشترى منهم كاش وساعتها طبعا تمن العربية هيزيد وممكن يقولو اصل مش عارف فى كام فى المية ضريبة وحوارات
المصريه معروفة بعدم مصداقيتها من زمان
ومتهيالى مفيش فى مصر اسعار اقل من اسعار الوكيل نفسه فيبقى الكلام اكيد فى حاجة مش مظبوطة

انا روحت المصرية اللى فى طنطا والبوما اللى ب119 بوما2009 مش 2010ال عندهم ب 130 دا سعر السوبر اكشن

والقرش موديل 2008
ومفيش 2009

فى بقى حاجه غريبة شفتها عندهم بوما2009 هاف سبورت واقفه فى المعرض بس الطنابير عايزه تتخرط ولما قلت للبائع ضيع وقلى دى زيرو قولته بص بعينك قلى مابفهمش فى الانسر ....

نصيحة ابعدوا عن المصرية دي في اي حاجة .
اساسا روحت اشتري منهم عربية قبل كدة كاش .. قالولي مش بنبيع كاش ..
من الاخر الاسعار دي ملهاش وجود لانهم مش هيبيعولك العربية كاش

اقتباس:

---

المشاركة الأصلية كتبت بواسطة malakhassan

نصيحة ابعدوا عن المصرية دي في اي حاجة .
اساسا روحت اشتري منهم عربية قبل كدة كاش .. قالولي مش بنبيع كاش ..
من الاخر الاسعار دي ملهاش وجود لانهم مش هيبيعولك العربية كاش

---

+1111111111111

ياجماعة زعلانين من التجار ايه انتو نسيتوا ان الجمارك والرسوم اكتر من اللى بتقولوة وتعمل حوالى 40 % للى اقل من 1600

اقتباس:

---

المشاركة الأصلية كتبت بواسطة malakhassan

نصيحة ابعدوا عن المصرية دي في اي حاجة .

---

و مفيش مصداقيه و العربيات بتتخبط فالمخزن و يصلحوها و يبعوها

انا كنت عند المنسي ،وده تاجر ميتسوبيشي كبير وقالي ان حوار التخفيضات ده كدب واتصل بنفسه وسألي على الاسعار وقالي كمان ان التوكيل معندوش اكتر من 250 عربيه شارك ومش هيغلب في بيعهم
والمصريه ممكن تشتري منهم كاش لو السعر طبيعي لكن بالسعر ده مستحيل
وانا شاري عربيتي من عندهم كاش

اقتباس:

---

المشاركة الأصلية كتبت بواسطة omar3000

انا روحت المصرية اللى فى طنطا والبوما اللى ب119 بوما2009 مش 2010ال عندهم ب 130 دا سعر السوبر اكشن

---

انا سألت فرع المصريه في الاسكندريه وقالي فعلا العرض علي موديلات 2009 وده خلص خلاص ودلوقتي في خصم 5000 جنيه للاوتوماتيك الكلاسيك و8000 للهاف سبورت

اقتباس:

---

المشاركة الأصلية كتبت بواسطة sam_zen_elden

ياجماعة زعلانين من التجار ايه انتو نسيتوا ان الجمارك والرسوم اكتر من اللى بتقولوة وتعمل حوالى 40 % للى اقل من 1600

---

اللنسر 1300 اوتو سعرها فى الخليج والوكيل كسبان فيها =55000 تقريبا + الجمارك الخاصه بالتجار اقل من الجمارك الخاصه بالافراد
وال1600 اوتو تعمل 70 الف والوكيل كسبان فيها + الجمارك