بفكر اغير نوع الزيت واحط شل بدل موبيل 1

ان شاء الله هعمل صيانة فى ابو غالى العبور لعربيتى صنى مانيوال 2007 وهغير زيت
بس مش عارف احط موبيل 1 ل 10000 كيلو برضه ولا احط شل لان فى ناس كتير قالت شل احسن وبيخلى صوت الموتور اهدى
ايه رأيكم ؟
:majd(4):

انا كنت بغير زيت في مره وقولت اغير الموبيل المهم طلعت الكتالوج وشوفت درجة اللزوجه المناسبه لقيت ان شيل يناسب العربيه بس درجة الحراره المناسبه لتشغيله اقل خمس درجات تقريبا عن الموبيل على ما افتكر ان الموبيل ممكن يوصل لدرجة حراره 50 اما الشيل 45 درجه انا مش متذكر بالظبط بس تقريبا كدا فحطيت الموبيل لأنه هيكون افضل خصوصا في الصيف والراجل بتاع الزيت قالي هو فعلا اخف شويه من الموبيل ودا اللي خلى في فرق في صوت العربيه بين نوعين الزيت والاختيار يرجعلك بس في الصيف اعتقد الموبيل هيكون افضل بكتير علشان درجة الحراره وفرق السعر كان صغير بين الاتنين حوالي عشرين جنيه تقريبا

طيب السؤال الذي يطرح نفسه و ده الموضوع اللي فتحته قبل كده و مكنش الاستجابه فيه كتير ... انا هحط الرابط تحت بس الفكرة ليه مبتجربش تغير لزيت موتور امارات مصر و كله تقيبا اسعارهم متقارب مدام هتحط زيت 10000 ؟؟؟؟؟

http://www.nilemotors.net/Nile/141562-a.html

موبيل 1 أفضل

انا ماعرفش زيت امارات مصر ولا اعرف مواصفاته ايه علشان افكر اغير ليه ولا لأ بس طالما ان هو قليل في السوق يبقى اكيد دي حاجه متعبه ان كل لما اغير زيت ادور عليه انما الموبيل من غير ماسال او ادور عليه عند كل الناس والميزه التانيه ان صعب حد يغلي سعره عن السوق لأنه منتشر عند كل الناس

انا رائيي في موضوع الزيوت ان كله زي بعضه موبيل 1 اوشل او توتال مش هايفرق ومش بعيد يكونو خارجين من خط انتاج واحد وكل شركه تحط اسمها وعبوتها الخاصه بيها زي البنزين موبيل علي شل علي تعاون وفي المحطات تلاقي ان عربيه تعاون او مصر للبترول هي اللي بتملا خزانات شل او موبيل الكلام الخاص بكل شركه ومنتجها ممكن يكون في الخارج امريكا اوروبا لكن في مصر ؟؟؟؟؟؟؟؟؟؟؟؟؟؟؟

زيت شل افضل من موبيل وبيحسن اداء العربية

اقتباس:

---

المشاركة الأصلية كتبت بواسطة ahmed.tv

زيت شل افضل من موبيل وبيحسن اداء العربية

---

اتفق مع الكلام ده وعن تجربه

انا كنت باحط موبيل 1 وكان صوت الموتور عالى وخصوصا فوق rpm 3 لما حطيت زيت شيل الصوت هدى جدا جدا عن الاول

هو فعلا طبيعي ان مع شيل صوت العربيه يكون واطي عن موبيل لأن موبيل اتقل شويه او بمعنى اصح اللزوجه بتاعته اعلى حاجه بسيطه بس في الصيف مع ارتفاع درجة الحراره فوق 45 درجه على ما افتكر زيت شيل يبدا يتحرق ودا اللي مكتوب على العلبه بتاعته اما الموبيل يستحمل لحد 50 درجه لذلك بفضل استخدام موبيل ولو حتى في الصيف اما في درجة الحراره المنخفضه ممكن نستعمل شيل وهيكون جميل زي الاعضاء ما قالو بالظبط.
اما بالنسبه للعضو اللي قال ان تقريبا كل الزيوت زي بعضها وممكن تكون خط انتاج واحد او خارجه من مصنع واحد اعتقد ان حتى لو هما من مصنع واحد هيختلف درجة اللزوجه وتحمل درجة الحراره ودا اللي احنا بنتكلم عنه والديل ان فيه اختلاف ان الاعضاء اللي جربت شيل قالت ان صوت العربيه انخفض عن الاول

أنا إن شاء الله هاعمل صيانة الألف كيلو يوم السبت القادم ومحتار أحط شل ولا موبيل لأن فيه استيكر ملزوق في حوض الموتور بيقول إن الزيت المقترح هو موبيل 1 ، بس لما كلمت السبع وانا بحجز للصيانة قالولي احنا بنستخدم شل مش موبيل وان لو انا عايز موبيل ممكن اشتريه واجيبه يركبوه فمش عارف أعمل ايه

S h ell plus a7san 7aga

موبيل1 و باخده معايا 20000كم حاليا مغير مرتين و الثالثة قريبا

قبل التحويل لزيوت شل تأكد ان شل ستستمر في إنتاج وتوزيع الزيوت لأنها بتنسحب من مصر
http://www.nilemotors.net/Nile/139624-a.html
http://www.nilemotors.net/Nile/141566-a.html

انا باستخدم موبيل 1 وبفكر اغير لفيسكو 5000
ربنا يسهل..

الحمد لله عملت صيانة ال 15000 فى ابو غالى موتورز واتكلفت 342
ومكنش عندهم شل ولا موبيل 1 وبيتعاملوا مع توتال فقط وحطيت زيت توتال 10000 كيلو

انا مش عارف ليه كماحة مش بتفكروا في زيت موتور امارات مصر .... انا فاضلي 1000 كيلو و اغير الزيت ... يا ريت نفكر و ندور شوية (زيت اماراتييييييييييييييييييي ييييييييييييييييييي)