طيب مفيش مشكلة يبقى كده السامسونج يكسب بدون منافس ( إمكانيات + سعر )
بس انا حضور على عيوبة على النت وربنا يسهل الحال..
لو جبته او اي حد تاني جابة يا ريت يعمل عنه تقرير..
شكراُ جزيلاً لكل من ساهم معانا في الموضوع ده..
تقبلوا تحياتي جميعاُ:wink:
عرض للطباعة
تصدق انك بتدور على نفس اللي بدور عليه
يا ريت لو عرفت اي حاجة تبلغني هنا او على الخاص او حتى على الميل لأن السامسونج ده دخل دماغي جداااااااااااااااا
ده الريفيو بتاع GSM Areena و للي ميعرفوش هوة سيت بتاع موبايلات و ريفيوهات ليهم محترم جدا جدا جدا
Samsung S5620 Monte preview: First look - GSMArena.com
في منة صناعة صيني وفي كوري علي فكره ودي حاجة تقلق
والاسعار راية 1520
رينج 1360
في المحلات العادية وبيقولك ضمان سكاي سنتين 1250
علي فكره الجهاز مع واحد صحبي حلو اوي
طيب ازاي فرق السعر بينه و بين الجيت دا
فيه موبايل نوكيا 5230 موجود فيه اللي حضرتك عايزه ماعدا ال wifi و الكاميرا 2 ميجا و بدون فلاش
لكن كل حاجه تانيه انت طالبها موجوده فيه
السعر 1250 عند رايه و اعتقد 1050 في عبد العزيز .
هو فى عيب واحد بس فى السامسونج ان البطاريه بتاعته مش بتقعد كتير والسوفت وير بتاعه ملخبط شويه غير كده هو جهاز جامد جدا
انا معايا ستار وهو ممتاز ممتاز
وتقريبا الاتنين زى بعض
انا بانصح بالستار واى فاى samsung star wifi
امكانياته مشابهه جدا لكن بدون كيبورد فى الشات او الرسايل
سعره فى حدود 1000 جنيه
كاميرا 3.2 بدون فلاش لكن ممتازه
وايرليس وصوته عالى ونقى
والاهم
انه انتشر جدا وده ميزه فى اعادة البيع واسعار الصيانات وخبرة العاملين به
وكمان سعره ارخص
انا معايا الجهاز دا علي فكره و كنت في حيرة حضرتك كده من حوالي 5 شهور مثلا و في الاخر استقريت علي الجهاز دا و طبعا كنت حاطط في الاعتبار بعض الاجهزه اللي الاعضاء قالوا عليها بس اهم حاجه خالتني اشتريه انه جديد و ليسه ماحدش ماسكه و دي كانت نقطه مهمه بالنسبالي
في جي اس ام ارينا هتلاقي الجهاز و موديله نزل امتي هلتاقي معظم الاجهزه اللي قال عليها الاعضاء 2008 - 2009 لكن ال MOnte نزل في 3 - 2010 و دي كانت حاجه كويسه اوي
بالنسبه للسعر انا جيبته من التوكيل بضمان سامسونج ب 1360 و الجهاز لو في حاجه بتاعهم و الصيانه كمان عندهم و انا جيبته من سامسونج علشان عارف انه توكيل محترم و جربته قبل كده في كذا جهاز لاني من انصار سامسونج
الجهاز حلو اوي ماشاء الله ارسال و استقبال كويس علي فودافون امكانيات ظريفه واي فاي كويس و التاتش بتاعه زي ال Iphone يالظبط نفس التكنشن اللي هيا capactive touch screen الكاميرا مافيهاش اوتوفوكس ولا فلاش خرائط جوجل ظريفه و تلقط مكانك في اي حنه حتي لو مسافر بس لازم يكون الارسال كويس انا في مره كنت في الاسماعليه في فندق ميركيور و صحبي معاه E66 شغلنا الجي بي اس هو كان لاقط مكان بس من غير اسامي ولا احنا فين ولا اي حاجه لكن عندي كان لاقط اننا في الفندق و جايب اسم الفندق و كده و دي حاجه كويسه يعني
اي استفسار انا في الخدمه ياباشا