الموضوع: ايه رأيكم في الموبايل ده Samsung S5620 Monte

المشاركة الأصلية كتبت بواسطة walidadel

انا معايا الجهاز دا علي فكره و كنت في حيرة حضرتك كده من حوالي 5 شهور مثلا و في الاخر استقريت علي الجهاز دا و طبعا كنت حاطط في الاعتبار بعض الاجهزه اللي الاعضاء قالوا عليها بس اهم حاجه خالتني اشتريه انه جديد و ليسه ماحدش ماسكه و دي كانت نقطه مهمه بالنسبالي
في جي اس ام ارينا هتلاقي الجهاز و موديله نزل امتي هلتاقي معظم الاجهزه اللي قال عليها الاعضاء 2008 - 2009 لكن ال monte نزل في 3 - 2010 و دي كانت حاجه كويسه اوي
بالنسبه للسعر انا جيبته من التوكيل بضمان سامسونج ب 1360 و الجهاز لو في حاجه بتاعهم و الصيانه كمان عندهم و انا جيبته من سامسونج علشان عارف انه توكيل محترم و جربته قبل كده في كذا جهاز لاني من انصار سامسونج
الجهاز حلو اوي ماشاء الله ارسال و استقبال كويس علي فودافون امكانيات ظريفه واي فاي كويس و التاتش بتاعه زي ال iphone يالظبط نفس التكنشن اللي هيا capactive touch screen الكاميرا مافيهاش اوتوفوكس ولا فلاش خرائط جوجل ظريفه و تلقط مكانك في اي حنه حتي لو مسافر بس لازم يكون الارسال كويس انا في مره كنت في الاسماعليه في فندق ميركيور و صحبي معاه e66 شغلنا الجي بي اس هو كان لاقط مكان بس من غير اسامي ولا احنا فين ولا اي حاجه لكن عندي كان لاقط اننا في الفندق و جايب اسم الفندق و كده و دي حاجه كويسه يعني
اي استفسار انا في الخدمه ياباشا

الله ينور عليك
ممكن تقولنا حضرتك جابة منين بظبط
ومكتوب علية صناعتة اية
والبطارية بتاعتة اخبارها اية
و الجهاز محتفظ بشكلة ولا لأ
وشكرااااااااا

المشاركة الأصلية كتبت بواسطة walidadel

اسف للتاخير في الرد
اولا الجهاز من توكيل كونكت سامسونج اللي في المرغني قبل بنزينة موبيل و ب 1360 زي ماقولت
صناعته ايه دي ماعرفش لاني مامسكتش الجهاز من جوه او ماختش بالي لان الراجل هو اللي ركب الشريحه في التليفون لان تركيبه رخم اوي و هو اتركب مايتفكش تاني بقي لحد مالشريحه تبوظ مثلا
البطاريه 3 ايام و الكلام ساعتين مثلا من غير استخدام لاي حاجه خالص ولا حتي بولتوث
مش فاهم ازاي محتفظ بشكله دي هو انا جايبله جراب و خلاص و مش بيقع مني ولا حاجه فاكيد ماتخريش ولا حاجه الحمد لله

الف شكر ليك ياباشا
وربنا يباركلك فية
بس هو اسخدامة ممتع ولا ممل زي النوكيا
و لما تمسكة باعرض الشاشة بتبقي باعرض ولا لا

متبعدوا عن السامسونج التتش دة يا جماعه...معايا اومنيا ومطلع عينى...بلاشش سامسوووووووووونج تتشششششششششش