افضل سيارة عائلية زيرو لاسرة محدش بيعرف يسوق فيها

**احمد عزت** · 01-05-2010 05:43 PM

سؤال ناس كتير سألتهونى ومعرفتش اجاوب الصراحة؟؟؟؟؟؟
اة افضل حاجة زيرو بكماليات على الاقل التكيف والباور والكاسيت وتكون بحجم معقول وموتور يستحمل اللف والمشاوير لعيلة هتتعلم عليها السواقة ومعندهمش استعداد يجيبو عربية مستعملة

يعنى ارخص حاجة اعتمادية وتكون تساوى امكانيتها وعربية بتاعت شغل يعنى ؟؟؟؟؟

طبعا لية بتاعت شغل لان كذا رجل هتدوس فيها
طبعا رخيصة علشان بردك اول عربية والكلام دة
طب لية مش مستعمل علشان اغلب اللى سألونى ناس كبيرة واولادهم معندهمش وقت لسة يصلحو والكلام دة والوقفة عند الميكانيكية ......والزيرو زيرو بردك
ونسيت اقول يعنى تبقى عربية ياريت موفرة شوية كمصاريف تشغيل وامنة بردك الى حد ما علشان اللى لسة بيتعلم دة بردك ومش خبرة فى السواقة مش ضامنين طريقة
(ومش فارقة اوتو ولا مانيوال علشان حتى لو اتعلمو على مانيوال يعرفو يسوقوا اى حاجة بعد كدة ويحسو بقيمة اى عربية تانية غالية .....ولا احنا كدة بنعذبهم)

مش عارف مستنى ردودكم

**M.Osman** · 01-05-2010 05:49 PM

في حدود كام يا باشا ؟؟

**Mostafa.Mahran** · 01-05-2010 05:52 PM

طبعا العربية هتكون مانيوال علشان التعليم بس الميزانية المتاحة كام؟

**احمد عزت** · 01-05-2010 06:04 PM

بدون تحديد لميزانية .....يعنى تخيلو همة كانو عاوزين يجيبو فلوانس او سيراتو بس همة علشان قرايبى الصراحة حذرتهم لانهم ليس لهم باع فى موضوع العربيات دة فمش اول ما ينطحو يبطحوا وعلشان العين كمان.......همة تفكيرهم يمتعو نفسهم بقى ويرتاحو طالما ربنا رزقهم

بس انا كان رأى يجيبو حاجة زيرو فى الرخيص وهتبقى حلوة بردك يتعلمو عليها ويروحو بيها فى كل حتة وتبقى عائلية بردك وفيها كل الكماليات وسنة سنتين كدة يبقى يجيبو اللى نفسهم فية

انا رشحتلهم اللوجان علشان بسيطة وشكلها معقول وبشوية تظبيطات خفيفة هتبقى جامدة وكمان واسعة اوى ومن كلامكم انها حمالة اسية وهتبقى تاكسى
ومردتش ارشح ولا الاكسنت ولا الجيتز علشان تقريبا الاشكال هتتغير فى بداية السنة الجديدة
وبتهيألى مع التاكسى اللوجان هتبقى اسعار قطع الغيار فى اللمون وهية كمان ارخص منهم ببتاع 10 الف
ومردتش ارشح الفيرنا علشان مش عجباهم اصلا ولا عاجبانى انا الصراحة بدون زعل

انتم اة رأيكم.......بجد محتاج اكبر عدد من الردود ولكم جزيل الشكر