السلام عليكم اخوانى الأعزاء
نويت اشترى تويوتا كورولا 2007cc1300 هاف أوبشن مانيوال و عندى سؤالين :
1- هل ده اختيار موفق ؟
2- هل الخليجى فى مشاكل ؟
و شكرا
عرض للطباعة
السلام عليكم اخوانى الأعزاء
نويت اشترى تويوتا كورولا 2007cc1300 هاف أوبشن مانيوال و عندى سؤالين :
1- هل ده اختيار موفق ؟
2- هل الخليجى فى مشاكل ؟
و شكرا
هيه الاول سعرها كام ؟وهل هيه زيرو ؟
نصيحتي ....بلاش الخليجي...
لوفوق ال97 الف هاتلك ياريس كاملة اوتوماتيك فيها Abs+ebd وعداد Rpm
الكورولا عربية محترمة ...بس برضة مافيش ضمان دي تقلق.....دة غير ان التوكيل مش هايعملك صيانة ولوعملها هاعملها غالية جدااا...وهاتضطر تشتري قطع غيار وتركبها برة ...وانت وحظك...
ونصيحة كمان لو نويت تشتري من الناس ايلي شغالة في الخليجي...اكشف علي العربية كويس قووووي...لاني لسة شايف عربية ياريس خليجي مغيرينلها قزاز خلفي...ولا جابوا سيرة....لولا انة مصري من مصانع د. جريش ماكانش بان...
ربنا معاك ويوفقك..
لو الشكل القديم بلاش دى عربية على نفس الشكل من 4 سنين مع اختلافات بسيطة فى الفوانيس و الاكصدامات و طبعا الشكل الجديد هايرخص سعر القديم .
للاسف بما اننا في مصر بلد الحداقة والفهلوة....يبقي القديمة لازم تتباع وتبقي بسعر قريب قوي من الجديدة....يعني القديم ايلي في السوق بضمان الوكيل...بتعمل من 121 الف لحد 125 الف...ودي كاملة 1300 اوتوماتيك...ومافيهاش غير 2 اير باج...يعني لا Abs .ولا Ebd ولا اي شيء تاني خالص....
الجديدة الـ 1600 الكاملة مانيوال ...+abs+ebd + شكل جديد +موتور جديد ....بـ 127 الف...
بقي بالزمة اروح اشتري عربية قديمة علشان خاطر 6 آلاف جنية فرق....بحجة انها ياباني...والجديدة جنوب افريقي....ياسلام....طيب وموديلات الكورولا بتاعه الاربع سنين الجايين ظروفهم اية....هايبقوا برضة ياباني وجنوب افريقي وهندي.....اي كلام في اي كلام ....
المهم لبس الزبون ايلي مش فاهم اي حاجة العمة ...وبيعلة عربية قديمة ...وكمان الخليجي دي تلاقيهم واخدين عليها خصم فوق الـ 20% ...علشان يشيلوها من الخليج ويبيعوها في مصر...
وعربيات من غير ضمان...ولا العربية حصل فيها اي شيء يقولك ماعرفكش...
بص فيه ماركات ممكن تتركب خليجى وفيه ماركات لا
عندك الانسر والاوكتافيا ممكن اوى يتركبوا خليجى عادى مفيش مشكله
انما الكورولا منصحكش تركبها خليجى لانها مش هينفع تدخلها التوكيل فى الصيانه او الاعطال
نيجى بقى لسعر الكورولا 2007
انا اخر مره وصلت لسعر كورولا 1300 جميع الكماليات اتوماتيك كان 125 واحيانا 127
ليه اسيب عربيه 2008 بشكل وامكانيات ومتور اعلى واروح اجيب عربيه شكل قديم واماكنيات اقل والمصيبه ان الاثنين بنفس السعر او قريبن من بعض , كل ده علشان الموديل الجديد حنوب افريقى مش يابانى -معلش ده انا لو عندى تخفظات على التجميع الجنوب افريقى اروح اشترى نيو لانسر 2008 احسن
انا مش عارف التجار دول بيفكروا ازاى
يا جماعة بجد متشكر جدا على اهتمامكم
دلوقتى لو عايز تويوتا كورولا 2007cc1300 هاف أوبشن مانيوال بالضمان الاقيها فين ؟
اعتقد انها مش موجوده فى السوق خالص بس برضو دور قى المعارض يمكن تلاقيها
غالبا مش هاتلاقي زيرو...وللاسف برضة المستعمل بيتعرض بسعر في منتهي العبط....يعني واحد محترم عارض عربية 2006 عاملة 8 آلاف كم كاملة اوتوماتيك....وعايز فيها 110 الف...
ايلي ممكن تلاقية الوقتي....كورولا 2007 كاملة اوتوماتيك بضمان الوكيل...مرطرطة في المعارض وفي الاقاليم وخصوصا المنصورة...بس آسعار هبل....اقل شيء 121 الف...
ونصيحيتي ...لو هاتدفع المبلغ دة يبقي روح احجز 2008 كاملة مانيوال بـ 127 الف...تحفة..
I Cant Find Any Car With Guarantee Of The Agent , So Could I Buy The Gulf Kind 1300 Manual Full Option