عايز لعبه لابني

**el931** · 02-05-2010 01:24 PM

الحل واحد من :-
1 - ابنك ووالدتة يروحوا عند حماتك ويتبادلوا السهر معاه
2- ابنك يروح عند حماتك
3- انت تروح بيت الوالد لغاية ما الامور تهدأ
المشكلة فى الكلام اللى حضرتك هتسمعة من عدم تحمل مسؤلية وعدم مشاركة ووووووووووووو
انا شخصياً عملت كدة وريحت دماغى

**M.Zaher** · 02-05-2010 02:30 PM

المشاركة الأصلية كتبت بواسطة abomar77

المشكلة ديه حصلتلي من سنتين الواد كان مرتبط بالرضاعة بشكل فظيع ....
انا كنت باخده لفتين بالعربية لغاية لما يسلم النمر وينام ....
اعد كده في أول الفطام لغاية لما ظبط أموره .....

فعلا جربت كده و بيروح في النوم على طول

الحل واحد من :-
1 - ابنك ووالدتة يروحوا عند حماتك ويتبادلوا السهر معاه
2- ابنك يروح عند حماتك
3- انت تروح بيت الوالد لغاية ما الامور تهدأ
المشكلة فى الكلام اللى حضرتك هتسمعة من عدم تحمل مسؤلية وعدم مشاركة ووووووووووووو
انا شخصياً عملت كدة وريحت دماغى

للاسف غير متاح الحل ده

**AAAH** · 03-05-2010 01:55 AM

ربنا يباركلك فيه
بص يا باشا
انا عندى ولدين 4 سنين وسنتين
والاتنين عملت معاهم نفس الشئ والنتيجه مذهله
البزازه
بس الكبيره اللى بيتحط فيها لبن مش الببرونه الفاضيه
هيأه للنوم كأنه هايرضع بالظبط واديله البزازه وافضل ماسكهاله لحد ما ينام وبعد كده هو هايمسكها بنفسه وصدقنى والله العظيم هو اللى هايطلبها بنفسه بعد كده
وعلى فكره حطله فيها لبن طبيعى مش مجفف وسكر خفيف جدا نص معلقة مثلا علشان ما يعطش بالليل وعشان يبقى مقارب لطعم لبن الام
جرب وابقى طمنى
(على فكره انا متجوز وعندى ولدين وعندى 30 سنه فقط بالعند فى الاخ اللى بينق فى اول الموضوع) (:
اخوك
ابو احمد

**aliabutaleb** · 03-05-2010 10:10 AM

المشاركة الأصلية كتبت بواسطة eng.octooo

نفس الموضوع كان مع اختى الصغيرة ....والدتى حلت الموضوع دة بانها

حطيتلها تلفزيون قريب من سريرها ( السرير الى شبة القفص دة هههه)

مش محبذ التلفزيون إطلاقاً يا أوكتوو
وخصوصاً لو فترات طويلة

سنة ونص يعني بيمشي
هاتله عجلة من أم 3 عجلات
الحاجات البلاستيك دي، لو معندهوش

**Yarisawy** · 03-05-2010 01:02 PM

الحلول المجربة وان شاء لله بتنجح

1- اولا يكون الولد واكل وشبعان
2- لو ياخد دش فى السريع "لان الدش بيساعد على النوم والهدوء"
3- ابتدى احكيلوا حواديت "ممكن تشترى قصص للأطفال" بيبقى فيها صور , وممكن تحكيلوا عن يومه مثلا ايه اللى عملوا النهادره ولعب مع مين وسمع الكلام وكان شاطر ولا مكنش شاطر
طبعا الحدوته تبقى على السرير

المهم يا باشا تعوده على روتين معين لانه مع الوقت بيتعود على كده , فخلى بالك لو عودته على النوم على التليفزيون او انك تشيله هايتعود على كده وهايبقى الموضوع اصعب بعد كده

ونصيحه خش على موقع بيبى سنتر وهاتلاقى فيه نصائح لكل حاجة هاتفيدك فى تربيه ابنك .

اى استفسار بخصوص القصص قولى يا باشا

**نور القمر** · 03-05-2010 08:33 PM

الفطام ده اصعب حاجة على الطفل وعلى الام كمان
بيبقه قلبها بيتقطع عليه عشان كدة المفروض يكون تدريجي
مش تيجي في يوم كدة وتقرر تحرمه من اعز حاجة عنده في الدنيا
اولا بالنهار كل ما يطلب الرضاعة تحاول تلهيه بأي حاجة
بلعب او بخروجة ومفيش مانع ياخد رضعة في النهار
ثانيا بالليل لو متعود ينام بالرضاعة خليه كام كدة ينام بيها
يعني يبقه الحرمان بالنهار بس وبالليل يرضع
وممكن تستعين ببرونة فيها عصير فرش او حليب او حليب بالموز مع مراعاة ان الموز يكون قليل عشان ميكنش كثيف ويقدر يمصه بسهوله
لحد ما يبتدي يتعود على الببرونة ويستغنى عن الرضاعة تدريجيا
وكمان الام بتعمل شوية حاجات تخليه يكره الرضاعة
في اطفال بيتأثروا بتغيير اللون يعني ممكن شوية ماسة زرقة تخليه ينفر من الشكل وفي سيدات بيرسموا شكل الوجه على الثدي عشان ينفر منها
وفي اطفال ميهماش موضوع اللون او الرسم في الحالة دي استخدم الطعم
شوية بن يخلوا الطعم مر اوممكن الصبر بيبتباع عند العطار
وربنا يخليه ويبارك فيه ويعدي المرحلة دي بسهولة عليه وعلي الام لانها فعلا صعبة وعلى حضرتك اكيد

**M.Zaher** · 04-05-2010 12:05 AM

شكرا يا جماعه بجد على مساعدتكم المفيده
جزاكم الله خيرا

**kemoelord** · 04-05-2010 02:06 AM

المشاركة الأصلية كتبت بواسطة aboelnagah

غير شكل الاوضة اللى هو بينام فيها يعنى املاها صور جديدة

دباديب بشكل جديد وياريت لو كلها الوان فاقعة يعنى احمر وازرق واخضر

وحاجة بجد متجربة وجابت نتيجة طبعا حطه على كتفك ولف بيه واكيد هيكون بيعيط وامسح بايدك على ضهرة من تحت الهدوم دى بتعمل عملية هدوء

ده ايه الهم ده هو الواحد هيبقى كده يعني اذا اتجوز ,,ما ان شاء الله عنه ما نام انا ارمي في الغرفه وادخل انا انام علشان هيبقى عندي شغل الصبح او مصالح اقضيها

**Moh.Fahmy** · 04-05-2010 05:45 PM

المشاركة الأصلية كتبت بواسطة Yarisawy

الحلول المجربة وان شاء لله بتنجح

1- اولا يكون الولد واكل وشبعان
2- لو ياخد دش فى السريع "لان الدش بيساعد على النوم والهدوء"
3- ابتدى احكيلوا حواديت "ممكن تشترى قصص للأطفال" بيبقى فيها صور , وممكن تحكيلوا عن يومه مثلا ايه اللى عملوا النهادره ولعب مع مين وسمع الكلام وكان شاطر ولا مكنش شاطر
طبعا الحدوته تبقى على السرير

المهم يا باشا تعوده على روتين معين لانه مع الوقت بيتعود على كده , فخلى بالك لو عودته على النوم على التليفزيون او انك تشيله هايتعود على كده وهايبقى الموضوع اصعب بعد كده

ونصيحه خش على موقع بيبى سنتر وهاتلاقى فيه نصائح لكل حاجة هاتفيدك فى تربيه ابنك .

اى استفسار بخصوص القصص قولى يا باشا

نصايح قيمة يا يارساوي و متفق معاك تماما فيها و انصح بيها صاحب الموضوع

المشاركة الأصلية كتبت بواسطة نور القمر

الفطام ده اصعب حاجة على الطفل وعلى الام كمان
بيبقه قلبها بيتقطع عليه عشان كدة المفروض يكون تدريجي
مش تيجي في يوم كدة وتقرر تحرمه من اعز حاجة عنده في الدنيا
اولا بالنهار كل ما يطلب الرضاعة تحاول تلهيه بأي حاجة
بلعب او بخروجة ومفيش مانع ياخد رضعة في النهار
ثانيا بالليل لو متعود ينام بالرضاعة خليه كام كدة ينام بيها
يعني يبقه الحرمان بالنهار بس وبالليل يرضع
وممكن تستعين ببرونة فيها عصير فرش او حليب او حليب بالموز مع مراعاة ان الموز يكون قليل عشان ميكنش كثيف ويقدر يمصه بسهوله
لحد ما يبتدي يتعود على الببرونة ويستغنى عن الرضاعة تدريجيا
وكمان الام بتعمل شوية حاجات تخليه يكره الرضاعة
في اطفال بيتأثروا بتغيير اللون يعني ممكن شوية ماسة زرقة تخليه ينفر من الشكل وفي سيدات بيرسموا شكل الوجه على الثدي عشان ينفر منها
وفي اطفال ميهماش موضوع اللون او الرسم في الحالة دي استخدم الطعم
شوية بن يخلوا الطعم مر اوممكن الصبر بيبتباع عند العطار
وربنا يخليه ويبارك فيه ويعدي المرحلة دي بسهولة عليه وعلي الام لانها فعلا صعبة وعلى حضرتك اكيد

طبعا يا نور هانم انتي اجدر حد فينا يتكلم في الموضوع ده لكن اسمحيلي اني اختلف مع حضرتك في موضوع الصبر ده لانه بيكون طعمه مر جدا علي طفل صغير كده و ممكن يتعبله معدته و ممكن كمان يعمله مشكلة نفسية تؤدي للجفاف لكن ممكن مثلا كمون لانه حيكره الشكل قبل الطعم و ده انا مجربه مع ولادي الاتنين مازن و مالك و نتيجته سريعة جدا و مذهلة

**نور القمر** · 04-05-2010 06:01 PM

والله بصراحة انا معرفش هل الصبر ممكن يكون له اثار صحية ضارة على الطفل ولا لأ
يس فعلا عندك حق
شدة المرار ممكن تعمل صدمة نفسية و اكيد الاطعمة اللي بناخدها افضل الف مرة
موضوع البن ده مجدي جدا لانه لون وطعم منفرين وطبعا الكمون تفس الفكرة ويمكن الطعم منفر اكتر
بس في عيال بتبقه مفترية بجد
بتتحمل شوية الطعم المنفر لحد ما ينتهي وبعد كدة يرضعوا بمزاج

الموضوع: عايز لعبه لابني

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو من كل من يقرأ العنوان ان يدعو بظهر الغيب لابني بالشفاء العاجل

اقول ايه لابني لما يسال عن ربنا

الناس اللى بتفهم فى الالعاب عايز لعبه gta iv

كل دى اشاعات ........لعبه....*

الكلمات الدلالية لهذا الموضوع

المفضلات

المفضلات

ضوابط المشاركة