الموضوع: ريداتير الكانشل ورحله العذاب

؟؟؟؟؟؟؟؟؟؟؟؟؟ طيب وبعدين ؟؟؟؟

ما تفصل واحد وخلاص صدقني مش حيفرق كتير وعن تجربه
عموما لو عايز واحد كويس وانا مجربه هوا في الدقي عن البن البرازيلي اسمه هيما ريداتير عملت عنده من سنتين يمكن وكان ممتاز

انا دورت عند كل الناس اللي قلت عليهم يادكتور
سيد الميكانيكي و عند اوشين وعند ديهاتسولاند وانا لسا راجع من التوكيل وايضا مالقتشي المهم انا ماكملتش القصه واحد اقترح علي فكره حلوه
هي اني اشتري بتاع الهوندا الاوتوماتيك وهو نفس الشكل تقريبا مع اختلاف اماكن القواعد وفعلا اشتريته من الحرفيين استيراد بالمروحه بتاعته ب 400 جنيه واشتريت سربنتيه التويوتا الهاتشباك نفس الشكل ايضا ب 200 جنيه وخليت السمكريه ظبط اماكن القواعد بشويه لحامات وروحت اشتريت خراطيم التكييف من نفس الراجل بتاع الاستيراد الواحد ب 75 جنيه الاصلي بتاع الميرا وتم شحن التكييف فريون واخيرا الحمد لله الريداتير طلع تحفه مفيش احسن من كده
ولكن الحلو ما يكملشي بعد ما خرجت من الحرفيين بالعربيه التكييف فصل فرجعت تاني لبتاع التكييف وبعد الكشف قالي ان السبب ان الكهرباء مش واصله الي الكباس شوف كهربائي
وبعد ما روحت للكهربائي وبعد ما قعد 3 ساعات ماشي مع الدائره اكتشف العطل اخيرا وياريته ما اكتشفه
طلع العطل من وحده الكونترول بتاعه التكييف وهو موجود تحت الطبلوه بجوار الكويل
وبدات رحله البحث عنه ايضا لانه مش موجود جديد وغير قابل للاصلاح وانا زهقت خلاص ومش عارف اعمل ايه

المشاركة الأصلية كتبت بواسطة dr ahmed abdelghany

لو التوكيل مش موفر القطع الأساسية دى يبقى لازم نشتكيهم لإدارتهم فى هاشم باص ثم للشركة الأم إذا لزم

والله يا دكتور الشركه بتاعه هاشم بص مش مهتمه بالعربيات الصغيره زي اهتمامهم بالباصات ده انا كنت هناك النهارده والمهندس قالي بكل صراحه ان مفيش اهتمام بالملاكي زي الاوتوبيسات حتي انهم معندهمشي عربيات زيرو ملاكي خالص ومش هيجيبوا حتي قطع الغيار الي بتخلص من عندهم مش بيجيبوا تاني منها وقالي ايضا نصيحه اخويه ابقي اشتري من عند اوشين قطع الغيار واحنا ممكن نركبهالك علشان احنا معندناش ولو اشتكيتنا في الشركه الام بسبب قطع الغيار ساعتها هبعت اي حد يشتريها من اوشين وابيعهالك وطبعا هكسب منك
يعني من الاخر روح اشتري من بره احسن
طيب وبعدين ايه الحل
المهم انا بكرا هروح عند كهربائي في عين شمس ممكن يعملي دائره خارجيه من غير وحده الكونترول

أنا جربتها عندى و نفعت فنى التكييف قام بتركيب كتاوت مكان الكنترول و التكييف إشتغل كويس و ده حل مؤقت لغاية متلاقى الكنترول