من وحوش الميجان الى وحوش اللوجان :الفتوه المفتريه فى العضه المارشيديريه

قالك ايه قالك اه قالك اللوجان فيها عضه
بس يا خبيبى

اخوكم كان هناك بشوف العربيه بتسخن ليه فقلت اسأل لحبايبى اللى تعبانين من عضه المارشدير

الكلام من فرينش موتورز
بيقولوا ان الحل بتاع انهم يحطوا زيت خفيف مش حل عملى
و ان فيه حل عباره عن مجموعه بتتركب ماسألتش انا ايه اللى بيتركب بس المهم حاجه بتتركب و هتصلح الموضوع و هما عارفين المشكله و بيدوروا ليها على حل و وصلوا ليه و زى ناس من الاعضاء قالوا انهم اتركب ليهم حاجه ظبطط الموضوع و ناس تانيه راحت تسأل و مالقتش اجابه

فالموضوع ان ده كان زى اختبار للحل عشان يتأكدوا ان الحكايه ماشيه

المهم دلوقتى بيقولى ان فيه نشره صيانه هتنزل عشان تصلح العيب ده لمالكى اللوجان
بس طبعا لازم يكونوا موفرين خطه و عماله و كمان الضغط اللى هيحصل فى الشغل و ده اللى مخليهم مستنيين بس قاللى قريب جدا الموضوع هيتحل للجميع

هو الزيت اللى موجود هو اللى خفيف ، وبيحلوها زى ما بيقولوا انهم بيحطوا زيت تقيل علشان يمسك العمود اللى بيدور ويوقفه بسرعة فيكون جاهز للحركة العكسية اللى بتعملها نقلة المارشيدير، وأنا فعلاً ما افتكرش ان ده حل عملى.

وكلامك مظبوط .. أنا أخدت ميكانيكى من هناك على جنب كده وقررته ، فقال لى ان فيه حاجة فعلاً بتركب (ساعات بسيموها brake وساعات بيسموها lock ) بتحل المشكلة دى نهائى ، بس هى مش متوفرة والعدد اللى موجود محدود ، عشان كده بيلاوعوا فى تركيبها .. وان فيه طلبية كبيرة بالجزء ده لسه ما جاتش.
واللى أكد لى الكلام ده ، ان المهندس المسئول لما أصريت معاه على وجود المشكلة ، قال لى أوعدك نحلها لك نهائى فى صيانة العشرة آلاف على ما القطعة دى تتوفر.

شكرا يا باشا على اهتمامك

يا مسهل يا رب
ياريت يعرفو يحلوها

اقتباس:

---

المشاركة الأصلية كتبت بواسطة egyzizo

هو الزيت اللى موجود هو اللى خفيف ، وبيحلوها زى ما بيقولوا انهم بيحطوا زيت تقيل علشان يمسك العمود اللى بيدور ويوقفه بسرعة فيكون جاهز للحركة العكسية اللى بتعملها نقلة المارشيدير، وأنا فعلاً ما افتكرش ان ده حل عملى.

---

اللى اتقالى ان الزيت اللى حطوه اخف مش اتقل

اقتباس:

---

المشاركة الأصلية كتبت بواسطة human12

اللى اتقالى ان الزيت اللى حطوه اخف مش اتقل

---

لأ يا باشا حطوا زيت اتقل
هم بيقلوا بيحطو زيت اتقل عشان يتقل الزيت الخفيف الى موجود اصلا

شكرا على الإهتمام

الف شكر وربنا يطمنك

على فكره عشان الناس اللي راكبه اللوجان متعقدش نفسها على الفاضي
كل العربيات بيحصل فيها كده
انا معايا الميجان المانيوال والكيا كذلك روالمارشيدير بيعلق برضه ساعات و حلها بسيط جدا سنه للمور وارجع تاني للمارش وهتيجي معاك بكل سهوله .... انا حاسس ان الناس بتتلكك للعربيه ومش لاقي فيها عيوب

الحل ,,, انتظر قليلاً قبل التعشيق وخلاص !!

اقتباس:

---

المشاركة الأصلية كتبت بواسطة د.محمود صلاح

الحل ,,, انتظر قليلاً قبل التعشيق وخلاص !!

---

كل الناس فاضيه و مافيش حد بيستنى :)

مفااااااجأة ياجماعة ... الحمد لله النهاردة لاقيت اميل جايلى من فرنسا رد على الاميل اللى بعته امبارح بس طبعا للاسف مفهمتش حاجة من الفرنساوى اللى باعتينه والترجمة من جوجل طبعا غريبة

المهم لاقيت اتصال من مهندس عمرو ابو الفتوح من رينو القاهرة حاول يفهم منى ايه الوضع شرحتله وطبعا بيقولى انتى بتقولى 200 عربية فيهم العيب قولتله لا يافندم بس هى مشكلة متككرة عند كذا حد والمقصود انها مش حالة فردية وان المعلومات دى عندى من خبرات ناس تانية معاهم العربية برضه .. قالى انتى بتتكلمى على نايل موتورز قولتله تمام قالى انا بحكم شغلى بدخل على الجروب عندكم وبطلع على رأى الناس فى العربية قولتله طيب تمام وده شيئ يشرفنا بس مطولتش معاه فى الكلام فى النقطة دى بصراحة المهم
هو قالى والكلام ده للناس كلها بطلب منه اى حد عنده مشكلة فى الفتيس هو بيركبله قطعة اكيد قصده على البريك اللى احنا سمعنا عنها اروح التوكيل لمهندس حسام حمدى مدير الورشة فى العامرية وابلغه انى من نايل موتورز وان مهندس عمرو قالى اروح التوكيل علشان الفتيس وهو حيظبطلى القصة - طبعا ياجماعة اى حد حيروح عموما فى اى فرع حتى لو القاهرة اكيد برضه حيروح لمدير الورشة اين كان مين ويقوله برضه على المشكلة وان مهندس عمرو ابو الفتوح بلغ ناس هو يعرفهم بالقصة دى واكيد حتتحل ان شاء الله طبعا ده اذا اضطر يحكى اصلا القصة دى يعنى والامور مكانتش متظبطة طبيعى - بس فى ملحوظة مهمة ان لو العربية عاملة 10000 كيلو القطعة حتركب فى نفس اليوم عادى لكن لو لسه مجبتش ال 10000 العربية حتبات فى التوكيل لانهم حيبعتوا اميل لفرنسا الاول يطلبوا تغيير القطعة .......

وبكده ياجماعة المكالمة دى فادتنا اولا فى اهتمام التوكيل طبعا وسرعة الاستجابة وتانى حاجة اتاكدنا ان المشكلة ليها حل ومعترف بيه وهو تركيب البريك ........ الف مبروك وربنا يكرم

انا سألت قبل كده وهسأل تانى .. هو المشكلة فى الفتيس و واللا فى زيت الفتيس ؟
اعتقد الموضوع مش زيت لأن اكيد نفس الزيت موجود فى الميجان .. او كانوا غيروا الزيت اسهل .. على العموم العربية معايا بقالها حوالى اسبوعين ومش ملاحظ الموضوع ده .. هل فيه حد تانى ما عندوش واللا انا اللى مش واخد بالى

اقتباس:

---

المشاركة الأصلية كتبت بواسطة best2010

انا سألت قبل كده وهسأل تانى .. هو المشكلة فى الفتيس و واللا فى زيت الفتيس ؟
اعتقد الموضوع مش زيت لأن اكيد نفس الزيت موجود فى الميجان .. او كانوا غيروا الزيت اسهل .. على العموم العربية معايا بقالها حوالى اسبوعين ومش ملاحظ الموضوع ده .. هل فيه حد تانى ما عندوش واللا انا اللى مش واخد بالى

---

متهيقلى المشكلة مش عند الناس كلها الحمدلله ... عموما المشكلة على كلام المهندس فى الفتيس نفسه مش فى الزيت

اين هيا الكرامه الله يرحم ال كان بيصونها اقرأو له الفاتحه؟؟؟؟؟ لو محدش عرفو يقولى وانا اقولو وعلشان تعرفوا اول حرف من اسمو ج

اقتباس:

---

المشاركة الأصلية كتبت بواسطة lawerxx10

اين هيا الكرامه الله يرحم ال كان بيصونها اقرأو له الفاتحه؟؟؟؟؟ لو محدش عرفو يقولى وانا اقولو وعلشان تعرفوا اول حرف من اسمو ج

---

ج ع ا

اقتباس:

---

المشاركة الأصلية كتبت بواسطة lawerxx10

اين هيا الكرامه الله يرحم ال كان بيصونها اقرأو له الفاتحه؟؟؟؟؟ لو محدش عرفو يقولى وانا اقولو وعلشان تعرفوا اول حرف من اسمو ج

---

اقتباس:

---

المشاركة الأصلية كتبت بواسطة human12

ج ع ا

---

هو في اية ؟

عيب صناعة جديد في لوجي دا ولا اية ؟؟:11:

عيب صناعة جديد يبقى المفروض فى كل العربيات

مش فاهمة حاجة

http://farm1.static.flickr.com/78/16...9d49027645.jpg

انا فهمت انهم بيتكلموا على جمال عبد الناصر لكن ده ايه علاقته باللوجان وبعيوب الصناعة !!!!!!!!

اقتباس:

---

المشاركة الأصلية كتبت بواسطة hobby10

انا فهمت انهم بيتكلموا على جمال عبد الناصر لكن ده ايه علاقته باللوجان وبعيوب الصناعة !!!!!!!!

---

ماحدش بيجيب للمصريين كرامتهم المهدره من ساعه مامات اللى كان بيحارب عشان كرامه المصريين

ايوا ايوا ... التعليق كان على توقيع الأستاذ طارق ... كدا فهمت خلاص

معلش اصل الرامات بتعتي سخنت

اقتباس:

---

المشاركة الأصلية كتبت بواسطة human12

ماحدش بيجيب للمصريين كرامتهم المهدره من ساعه مامات اللى كان بيحارب عشان كرامه المصريين

---

سبقتني يا أ طارق