الحلول السحريه لسخونيه الميه
هنقل الخبره اللى اتعلمتها
العربيه بتسخن و انا واقف كتير فى الصيف و التكييف اداؤه بيبقى حضيض وانا ماشى تاتا تاتا فى الزحمه يا دنيا زحمه
قلت اروح ازود فريون بعدين قلت اشوف السخونه ليه (الموؤشر بيعدى الطبيعى بدرجه كامله و كمان ممكن يوصل نص الاخير)
المهم اول ما قلت ابتسموا (مين اللى ابتسموا بتوع فرنش موتورز)
سألونى لما بتطفى التكييف العربيه بتبرد قلت اه
بصوا لبعض زى الدكاتره و بعدين واحد تخاف تديه كومبيوتر يجمعه قام قال لبليه فك البطاريه
بليه فك البطاريه و بعدين فكوا حاجات كتير جدا من الجنب اليمين و طلعوا جهاز عجييب اكنه كومبيوطر و شالوا منه فيش و فيوزات كتير و نضفوه و بعدين فيش كتير من الجنب نفسه لغايه ما الدكتور وصل لفيوز طلعوا من غير ما يبص و قالى هوه ده فيوز السرعه العاليه بتاع المروحه و حط واحد تانى و هوبه قفل فى 10 دقايق تقولشى شيوكولاته الواد شغال و هوه مغمض
المهم حاولنا نسخن العربيه و فشلنا فشل زريه ان هيه تسخن
حوالى ربعين ساعه بنحاول نسخن العربيه و مافيش امل
فقالى خلاص خليها مع المشوار لما تشوف لو سخنت تانى تعالى
و دفعت الاتاوه 30 جنيه فيوز (هوه اخره 5 جنيه)و 185 كاوتشه شداد نص شكمان و نضفوا السربنتينه و نضفوا الراديتير و العربيه من جوه (اديت للواد حته بخمسه خلاها فله)
اجمالى 310
طبعا لو حد تانى كان عمل البدع عشان يصلحها و مكانش هيعرف يفك فين و لو فك كان هيكسر الدنيا و ممكن يطير حاجه
انا كانوا قالولى الشداده ديه رخيصه بره بس قلت اهو ضمان سنه ليه قيمته برضه
و كمان قالولى ماتزودش فريون دلوقتى لغايه ماتشوف الاداء ممكن يكون احسن لما السرعه العاليه تشتغل بتاعه المروحه