الأوبترا وصيانة الألف

**wael333** · 26-01-2008 10:34 PM

انا حجزت اوبترا وان شاء الله استلمها قريب, قالوا لى ان لا يوجد صيانة للالف اول صيانة هى صيانة الخمس تلاف, معنى كدة ان الزيت الموجود هو ليس زيت التلين ولذلك اعتقد انى ممكن من اول يوم اشد على السيارة حتى تفتح الموتور ايه رأيكوا؟ ولى سؤال هل الزيت الأوتوماتك بيتغير كل اد ايه؟ وكنت عايز اعرف اسعار الصيانة لكل خمس تلاف اد ايه؟ وكنت عايز اعرف معلمة شغلة بالى جدا هل فعلا بنزين 92 احسن اصل لو مش فارق الواحد يحت من الأول 90 حتى علشان لمى 92 يغلى كتير مارجعش اغير

**hogobingo** · 27-01-2008 01:11 PM

اولا الف الف مبروك على العربيه وعبقالى يارب ... رنا يدينا خيرها ويبعد عنا شرها ...قول امين

بالنسبه لموضوع الصيانه والبنزين هما هيقولولك على كل حاجه بس انا أفضل البزين الأنقى لأنه دائما بيحافظ على الموتور للمدد البعيده طبعا بإذن الله

اما عن الالشد فما فيش داعى من الأول تعمل كده لأن العربيه فى اول 1000 كيلو محتاجه شويه نصائح فى المشى زى التكيف وده مش هيبقى مشكله لأن ان شاء الله هتأخذها فى الشتاء حسب كلامك وكمان لازم تخف على التروس فى الأول ومتثبتش السرعه يعنى شويه 80 وشويه 70 وشويه تسعين ومتزوتس عن 90 وده النصائح اللى انا عارفها ويا ريت حد من الزملاء يقولنا على كل حاجه لو عندوا معلومه وفى كل الأحوال لازم تسأل وانت بتشترى العربيه عن كل حاجه

**wael333** · 27-01-2008 01:45 PM

امين يارب وإن شاء الله عقبال الجميع, شكرا جدا يا باشا على كلامك الحلو والمفيد ده

وياريت حد يقول لنا تجربته مع الأوبترا الاوتو من اول يوم وموضوع الشد, بصراحه انا بسئل لانى قريت فى بعض المواقع الأجنبية هذا الكلام وهو الشد من اول يوم لان الاوتو بتتعود على سواقة الإنسان لها وبتفتح الموتور ؟