هاحكيلكم حكايه صغيره

**mikology** · 02-05-2010 07:46 AM

مساء الفل يا اجدع رجاله فى مصر
انا بقالى كتير قوى ماشتركتش معاكو هنا فى المنتدى و وحشتونى و الله و مكنتش عاوز يوم ما ارجع اشترك معاكو احكيلكو الحاله دى
الموضوع و بما فيه كالتالى
من زمان و انا نفسى اشترى جين 2 و محصلش نصيب فى شراءها بس من كتر حبى فيها حببت اللى حواليا فيها بردو
المهم زميلى فى الشغل اقتنع بيها جدا و قرر يشتريها على اساس كلامى عنها و كمان بعد ما عرف ان العربيه عليها خصم عشان خاطر نايل موتورز
ورحنا على معرض عز العرب فى مدينه نصر و اتصدمنا بالواقع
مفيش خصم معمول لحد و الخصم مجمل فى التوكيل ب 900 جنيه يعنى وقفت ب 90 الف الجين 2 الاتوماتيك 2010
نايل موتورز بقا مش نايل مفيش الكلام ده
قولتله طيب احنا اعضاء نايل موتورز و عارفين انه فيه خصم - قالنا لا يا فندم مفيش خصم
المهم روحنا معرض تانى بره التوكيل خالص كان زميلنا مخلص عنده فى جيب شيروكى و كان عامله خصم حلو و قولنا احنا كمان نشوف هايظبط معانا ايه
رحنا وقولنا احنا من طرف فلان اللى اخدت منك الشيروكى و بتاع - هنا و هناك - هما ال900 جنيه والراجل بيحلف ولا هتلاقى بره ولا جوه عمرها ما تنزل اقل من كده

المهم سكتنا شويه و هدينا و روحنا
جه يوم الخميس و زميلى قالى تعالى نتصل بايمن ونشوف ايه النظام
وفعلا كلمنا ايمن ورد علينا و زميلى سأله و كنا على باب التوكيل فى مدينه نصر و ايمن قالنا انه فى خصم من 2000 ل 3000 - واداه رقم محسن صالح كمان عشان نبقى نتصل بيه

دخلنا عشان نحجز بقى
اولا مفيش كل الالوان للاسف - ازرق زهرى- اسود -سيلفر على لبنى - اورنج
حجزنا الاسود
طب الخصم و كده و استاذ محسن صالح و استاذ ايمن - لا مفيش - الخصم على موديلات 2009 الواجا - كمان قالى انه فى اشاعات طلعت على الساجا بخصم كبير و مفيش اى كلام حقيقى من اللى اتقال و قالى انه اساسا مفيش عربيات -- هاعمل تخفيض ليه ؟!!
المهم حجزنا و خلاص
سؤالى لكل اللى اشترو - لما روحتو لاستاذ محسن صالح - عملكو الخصم ولا لألألألألألألألأ
والخصم عملتوه بكام ؟

شكرا لكل من قرا الموضوع و هايرد عليه

**Ayman_52** · 02-05-2010 07:59 AM

هو انا مش فاهم ؟؟؟؟

ممكن حضرتك توضح اكتـر ... حضرتك روحت لمحسن صالح فى الصحراوى وقالك مافيش خصم ؟؟؟؟

**mikology** · 02-05-2010 08:07 AM

لأ يا ايمن لسه ماروحناش هناك
هنروح لما يتصل بيه التوكيل

**Ayman_52** · 02-05-2010 08:10 AM

انا كنت لسه مكلم محسن من اسبوع وكان التخفيض زى ماهو عادى

عالعموم هكلمه انهارده تانى واتاكد من الموضوع دا ... وان شاء الله خير

**mikology** · 02-05-2010 08:12 AM

متشكر يا ايمن و ارجو يكون فى خصم هناك لاحسن الواحد اتصدم من اللى سمعه فى التوكيل و بقى شكلى وحش قوى قدام زميلى اللى هايشترى

**Ayman_52** · 02-05-2010 08:16 AM

لا -ان شاء الله- خيـر ... عيب عليك دانت عندنا حتى :)

ابقى خلى صاحبك بس يبعتلى اسمه عالخاص وهيروح هناك امتى -ان شاء الله-

وانت ايه مش ناوى انت كمان ؟؟؟؟