الموضوع: ماحدش يسالنى !!!

المشاركة الأصلية كتبت بواسطة nabilhussein

اصدقائى الاعزاء وحشتونى ووحشنى التواصل معكم ... مساء الخير علبكم

كل ما اجلس مع اى حد يعنى مثلا سواق التاكسى بيشكى من الناس اللى بتمشى غلط وكمان سواقين الميكروباص طيب يبقى مين اللى بيخالف ؟؟؟؟؟؟؟؟؟؟؟؟؟؟؟؟؟؟؟

كل ما اتكلم مع اى حد من اى طبقة يقوللك الناس اللى بترمى زبالة فى الشارع ويفضل يتكلم عن الدول النظيفة وووووو . . طيب يبقى مين اللى بيوسخ البلد

دى امثلة بسيطة ولكم ان تقيسوا ذللك على بقية المواضيع

ايه اللى وصلنا ليه فى مصر الازمة والله كبيرة لانها ليست ازمة مالية شوية فلوس يحلوها لكن الازمة ازمة سلوك مجتمع .. احنا لازم نعترف اننا بقينا وحشين بقينا مصلحجية بقت مصلحة الفرد اهم من مصلحة المجتمع ..
( أنا مالى - اشمعنى - هى كده ................. ) مابقتش كلمات دخيلة علينا لآ دى بقت منهج للحياة .. الفساد فى كل مكان والرشوة فى كل مكان تحت اى مسمى اكرامية - وهبة - حلاوة - الشاى بتاعنا .... ومن هذا القبيل الكثيييييير فى جميع المستويات الادارية بمصر .. بقيت اقول ان 90 % مننا مرتشيين وبدون مبدا وان
5% ناس فعلا عندهم مبادى وقيم ومش ممكن تحت اى ظرف انهم يرتشوا وان
5% اللى هما انا واحد منهم ماجربوش نفسهم عمالين نتكلم عن اللى خد رشوة مليون جنيه او او او لمن ماعرفش لو اتحطيت فى الموقف ده هاعمل ايه ... طبعا اللى هايقول لا دى مسالة مبدا والقيم والاخلاق وووو .. لازم يتحط الاول فى الموقفف ده علشان يحكم .

اى واحد مننا بيدفع رشوة لما بيروح المرور - الشهلر العقارى - مكتب الصحة - السجل المدنى ......... صح ولا لآ ... لكن عانعمل ايه والا لن تقضى المصالح ؟؟؟؟

هل الشباب والبنات اللى ماشيين فى الشارع دول هما اللى هايكونوا اباء وامهات المستقبل ( مش كلهم طبعا لكن الاغلبية ) حاول تناقش اى شاب منهم فى اى موضوع هاتلاقيه فاضى ونظرتع ليك انك جيل قديم ورجعى ومتخلف ...

والله يا جماعة احنا فى ازمة كبيرة واعتقد ان دى حالة لم تمر بها مصر من قبل .. شوفوا مستوى الجريمة بقى عامل ازاى

مش عارف .. خايف جدا على اولادى لما يكبروا ان شاء الله ياترى ايه الوضع يعنى انت ممكن تفضل تربى اولادك على الفضيلة ومثلا ابنك يشوفك وات بتدى فلوس لاى موظف لانهاء معامله ويقولك انت مش قولتلى يا بابا ان الرشوة حرا وان الرسول عليه الصلاة والسلام بيقول الراشى والمرتشى فى النار ... هاتقوله اييييييه ؟

احنا لازم نعمل حاجة علشان خاطر ولادنا هى ايه ماحدش يسالنى

أعتقد البداية اللى ممكن نبتدى بيها أن نعمل بقول الله تعالى
"وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا"