انا حرمت اروح التوكيل..ابو غالي وتجربتي..ضروري جدا.....!

**alrakie** · 08-05-2010 08:10 PM

توكيل دايو بابو رواش كاتب تحذير من فترة طويلة بأن ابوغالى جسر السويس ليس مركز صيانة معتمد لوجود مخالفات كثيرة وبالتالى الافضل هو عمل الصيانة فى التوكيل نفسه وليس فى ابوغالى لأنه اغلى وغير جيد

**swimmer25** · 13-05-2010 03:54 PM

المشاركة الأصلية كتبت بواسطة hosini2000

الموقف ده حصل معايا مع الناس دي قبل كده بنفس التفاصيل ..
رحت غيرت تيل فرامل أمامي في صيانة ال30000 و دفعت 180 جنيه..المهم من بعدها و الفرامل بتصفر (الاتنين) و الجنوط بتسود و تهبب..رحتلهم كذا مرة أشتكي و أنا مش عارف ..المهم كل مرة (يرجلش) الفرامل و يقولي كده تمام..تمشي حلو شوية و بعدين ترجع تاني زي ما كانت..لحد ما زهقت فقررت أغيرها ..و قلت هاغيرها من بره.. رحت اشتريت تيل أمامي جولد ب 60 جنيه و 10 جنيه فك و تركيب ..المهم إن الراجل لما طلعلي التيل الذي تم تركيبه في التوكيل لقيته (صيني) و برضه من عند محمد ماجد ربنا ينتقم منه و من توكيل أبو غالي كله.
و حسبي الله و نعم الوكيل..حسبي الله و نعم الوكيل في الناس اللي خلتنا مش عارفين نركب عربية نضيفة بسعر كويس ..و انتو عارفينهم..ادعولهم يمكن ربنا يزيح الغمة.

صيني........طيب

بفية الفضايح اللي حصلت عندي.....
كنت هسافر بالعربية مرسي مطروح واخر لحظة رجعت عن قراري
امبرح بفك العجلة عشان اشوف اخبار الطنابير ايه

لسه بضرب مفتاح العجل يادوب ضغطة بسيطة والمسامير اتفكت...استغربت اوي وقلت الحمد لله اني مسافرتش

فكيت المسامير لقيتها كلها مشحمة
تخيلوا التوكيل حط شحم علي مسامير رباط العجل.........ايه ده معقول..........حسبي الله ونعم الوكيل

طبعا الشحم سايح ومغرق المسامير والطنابير......كان معايا شوية منظف كاربراتير
رشيت علي الطنابير ومكان مسامير العجل غرقتهم لحد ما نضفوا
لاحظت حاجة وان الطنبورة برده مش خشنة......معقول لحقت تبوظ...........
هستني شوية وافك تاني واشوف الاخبار ايه

حسبي الله ونعم الوكيل في التوكيل وفي محمد ماجد وفي الصنايعية اللي اشتغلوا في عربيتي

**swimmer25** · 13-05-2010 04:07 PM

حاجة تانية نسيت اقولها
هما زودوا مياه البطارية بمياه مقطرة مع اني مشتكتش من البطارية
وبالتالي مع الاستخدام المياه فارت وطلت من المسامير ولاقيتها واكلة الحديدة اللي ماسكة البطارية
غسلتها بمياه وحطيت عليها شحم مؤقتا لحد اما ارشها اسود تاني لانها بدات تصدي

وكمان ربطت علي المسامير كويس (باستخدام ربع جنيه مخروم.....احسن عدة تفك وتربط بيها مسامير البطارية السائلة)

حسبي الله ونعم الوكيل

**swimmer25** · 14-05-2010 11:34 AM

المشاركة الأصلية كتبت بواسطة alaasaid

و الله انا قلقت جدا , انا بعمل الصيانة دايما عندهم عشان للاسف معنديش فكرة عن العربيات و مليش فى التعامل مع الميكانيكية عشان معنديش خبرة أميز الصح من التأليف

ربنا يسترها

حاول تسال حد تعرفه عن ميكانيكي كويس قريب منك فبالتالي يكون ثقة

وكمان عربيتك مش محتاجة حاجة ان شاء الله دي تعتبر لسه جديدة يعني توقعك للمشاكل اقل........وبكده هتعمل صياناتك الدورية اللي هنا في المنتدي او اللي مكتوبة في الكتالوج
اكيد انت كمان خايف علي الضمان زي حالاتي...........بس بعد اللي حصل مش مشكلة الضمان