الموضوع: شوية أسألة لاصحاب التيدا و لفة فى التوفيقية

بص يا فندم
انا معرفش اذا انت لفيت التوفيقية بضمير اوى ولالا , لان انا لما نزلت مثلا التوفيقية قبل كدا وسالت على قطع غيار لهيونداى لفيت محل محل فوق الارض وتحته ,

انا ناوى انزل نزلة باذن الله التوفيقية واسال على كل محلات نيسان هناك على التيدا وقطع غيارها وكمان حنزل مصر الجديدة فى دمشق , وحنزل الحرفين
لان العربية دلوقتى فى الشارع انتشرت وبقيت اشوفها دايما بس مش بكثرة مثلا زى الهيونداى , بس فعلا بشوفها على الطريق كتير وابتدت تنتشر

وبعدين الحاجات التقيلة اوى فى قطع الغيار هاتها من التوكيل عشان تضمن انها اصلية

زى مثلا فى البولو عندى كنت بجيب تيل الفرامل من التوفيقية , ولكن الحاجات التقيلة فى المكيانيكا وعاوزها اصلى اصلى كنت بروح اجيبها من اشرف الشهابى لانه معروف انه بيجب الاصلى الاصلى زى التوكيل والتوكيل كان بياخد منه كمان

فمثلا لقدر الله لو فى حاجة تقيلة فى العربية هاتها من التوكيل او حتلاقى فى الحرفين استيراد

اما الصيانات العادية الخفيفة هاتهاا من التوفيقية , زى فلتر هوا وتيل وكدا

عن نفسى لما اجيب كبالن حتى لو متوفر فى السوق اجيبه من التوكيل عشان اضمن انه اصلى اصلى الا لو فى حد بيبع الاصلى الاصلى بره
وبعدين خد بالك انت مش بتغير الحاجات التقيلة دى على طول , بتغيرها كل فترة كبيرة ده حتى البوجيهات انت بتجبها مرة كل 100 الف كيلو ,
وبعدين اى مكيانيكى شاطر بيشتغل فيها طالما بتعمل الصيانات العادية
والتقيل روح التوكيل عشان ميحصلش اى عك بره واشترى دماغك

وانا ناوى اعمل كدا بردوا بعد الضمان حروح التوكيل بردوا لان العربية بتخرج من عندهم زى ما قال الكتاب , ولو فى حاجة بيكونوا ملزمين بيها , مش زى وجع الدماغ بره عند المكيانيكية وتفضل رايح جى عليه

وبعدين موضوع الكماليات , فى ناس بتوفق الكماليات , يعنى مثلا لو عايز اوكر نواكل , ممكن يركب عليها اوكر نواكل بتاعت عربية تانية , لو مش بالضرورة حد جايب وبيبع نواكل نازلة على اسمها , وبصراحة العربية مش يحبذ يتلعب فيها من بره خالص غير ممكن نواكل اوكر ومرايات اشارة عشان الشكل العام
وانا ركبت نواكل فى التوكيل وركبت كفر مرايا بالاشارة هناك , وكنت حركب شكمان كروم مدور مش عجبنى شكله , بس لسه حشوف شكل الشكمان الكروم العريض عليها عامل ازاى

يعنى انت وفق عليها بدماغك وباللى شايفه يركب عليها ويكون حلو , وكله احيانا بينفع لكله

بص اى كماليات لاى عربية نيسان تروح وتسال فى توكيل مودرن وخصوصا فرع ابو رواش

النواكل ركبتها ب200 جنية , معرفش اسعار النواكل عامة بره كام وهو ممكن يكون غالى بره , بس الخامات بتاعت النواكل نظيفة مش بتتمسح مثلا بعد فترة من كتر المسك بالايد او الشمس
وركبت كمان نواكل عى الاشارة ب50 جنية شكلها ظرف جدا
وتحت امرك يا فندم فى اى استفسار

اللى خالانى اجيبها من التوكيل لان بيجيبوا نواكل محترمة وبتستحمل الشمس وعرق الايد والتراب والمية بمعنى ان مش حتلاقى لونها يتغير بعد فترة زى الانواع الرديئة اللى بتتباع بره وبتتمسح بعد فترة من الاستخدام

انا بقيت اشوف التيدا كتير فى الشارع , زمان ممكن اقولك مش منتشرة , ومش بتشوفها الا قليل , بس بصراحة بقيت اشوفها وانا ماشى وعينى بتقع على عربيات كتير منها

موضوع الانتشار انها مش واخدة حقها عن عربيات اخرى , حقولك ليه , عشان الكماليات
لان لو فيها اوبشن كتيرة فيها حتلاقيها حتكسر الدنيا , واللى فيه اوبشن كتيرة فى التيدا هى البلس , وسعرها غالى , وكمان مش فيها بردوا كماليات كتيرة فيها مقارنة بعربيات اخرى , الكماليات اللى فى التيدا اساسية

وفى الاخر اللى بيدور على كماليات بس بيجى بعد كام سنة , لما يلاقى مشاكل فى عربيته يقول ياريتنى فكرت فى جودة ماتور وعفشة تشيلنى وتستحملنى احسن من الكماليات دى كلها