بروفشنلز اسكندرية

**hema_hn** · 02-05-2010 01:54 PM

والله يا اخونا انا عامل الموضوع ده لوضع اسماء وتليفونات افضل ناس صنيعية او مراكز صيانة او محلات بيع قطع الغيار الجديدة والمستعملة او محلات الاكسسوار فى اسكندرية عشان الناس كلها تستفاد ويريت الكل يساعد فى الموضوع ده عشان الواحد اتقرف من الصنيعية الى بدل ما يصلحو يخربو ويريت يخربو الحاجه الى هما بيصلحوها بيخربو حجات تانية سليمة ويكلفك تصلحها ويحملك مصنعيتها
فالمطلوب :
1) ناس بتخاف ربنا فى صنعتها او بيعها
2) خدمة ما بعد البيع بمعنى الاستبدال وده بالنسبة لقطع الغيار

بصراحة انا معرفش اذا كان الموضوع ده قانونى بالنسبة لإدارة المنتدى بس انا شايف ان الناس الى بنعلن عنهم هما اصلا ميعرفوش عشان احنا بندور على مصلحتنا
وقبل ما اذكر اى اسماء احب اشوف اراء اخوانا الى فى منتدى هيونداى

**hema_hn** · 03-05-2010 11:23 AM

طب تصبحو على خير

**YHYAKOTB** · 03-05-2010 05:31 PM

موضوع حلو بس كدة ممكن اى حد يدخل يحط نمرة وخلصت على كدة الموضوع قلب على اعلانات عشان كدة محدش رد

**hema_hn** · 04-05-2010 11:49 AM

المشاركة الأصلية كتبت بواسطة YHYAKOTB

موضوع حلو بس كدة ممكن اى حد يدخل يحط نمرة وخلصت على كدة الموضوع قلب على اعلانات عشان كدة محدش رد

انت كلامك صح

**ahmedzizo131** · 04-05-2010 12:25 PM

**hema_hn** · 04-05-2010 02:13 PM

المشاركة الأصلية كتبت بواسطة ahmedzizo131

:y_hi_3[1]::y_hi_3[1]::y_hi_3[1]:

حبيبى يا ابو حميد يا رافع معنوياتى
الحمد لله الموضوع ده اتفركش

**frontera09** · 04-05-2010 11:30 PM

انا شايف الموضوع دة حيبقى مفيد جدا بس للاسف شكلة اتفركش

**saber2010** · 06-05-2010 03:43 AM

والله يا جماعة الموضوع مفيد جدا يا ريت يتفعل ومايتفركش

**hema_hn** · 06-05-2010 04:09 AM

انا حبدأ
فنى كربراتير الشيخ احمد ورا شركة كوتاريلا الغيط الصعيدى مكانه فى وسط سوق الغيط الصعيدى عند كوبرى محرم بك عشان تصلح العربية ترحله الصبح بدرى وتاخد ورقة منه برقم وتتابع بالتليفون معاه يا تستغنى عن اليوم تقضيه معاه عشان بيبقى عنده زحمة جدا
مميزاته
امين - فنى نمرة واحد - على اد الايد قوى

**mrsailor** · 06-05-2010 04:32 AM

المشاركة الأصلية كتبت بواسطة hema_hn

والله يا اخونا انا عامل الموضوع ده لوضع اسماء وتليفونات افضل ناس صنيعية او مراكز صيانة او محلات بيع قطع الغيار الجديدة والمستعملة او محلات الاكسسوار فى اسكندرية عشان الناس كلها تستفاد ويريت الكل يساعد فى الموضوع ده عشان الواحد اتقرف من الصنيعية الى بدل ما يصلحو يخربو ويريت يخربو الحاجه الى هما بيصلحوها بيخربو حجات تانية سليمة ويكلفك تصلحها ويحملك مصنعيتها
فالمطلوب :
1) ناس بتخاف ربنا فى صنعتها او بيعها
2) خدمة ما بعد البيع بمعنى الاستبدال وده بالنسبة لقطع الغيار

بصراحة انا معرفش اذا كان الموضوع ده قانونى بالنسبة لإدارة المنتدى بس انا شايف ان الناس الى بنعلن عنهم هما اصلا ميعرفوش عشان احنا بندور على مصلحتنا
وقبل ما اذكر اى اسماء احب اشوف اراء اخوانا الى فى منتدى هيونداى

سمكرى : السيد صابر .. الحرفيين المنطقة التانية بجانب الجامع على صف وانلى و خلف اشرف الكهربائى
دوكو : عماد حمدى .. الحرفيين المنطقة التانية بجانب ورشة جمال الافندى الميكانيكى
دوكو : ابراهيم سعد .. الحرفيين المنطقة الثانية.. امام ورشة جمال الافندى الميكانيكى
جكمان: حسن .. الحرفيين المنطقة الثانية .. امام ورشة اولاد العم للسمكرة
كشف كمبيوتر: محمد .. ورشة اشرف الكهربائى بجانب الفرن اللى بجانب الجامع
زجاج : محمد المصرى الازاريطة .. اخر شارع مستشفى السلامة من ناحية الترام
كهربائى: مصطفى الدكتور .. ش2 الحضرة خلف بنزينة شل اللى بعد باب الوكالة على المحمودية
ميكانيكى: وائل طه .. الابراهيمية .. اول ش اللاجيتيه من اشارة ش ابوقير .. بعد السبكى الجزار .. حتلاقى زقاق على الشمال موازى لشارع الليجاتيه .. الورشة فى الزقاق ده على الشمال( يوجد كشف بالكمبيوتر ) .. شغال فى العربيات الجديدة حتى الجيب و البى ام و المرسيدس.. و متخصص فتيس كمان
ميكانيكى bmw & jeep : وانلى الحرفيين المنطقة الثانية .. وائل طه الابراهيمية
ضبط زاوية: منعم .. الحضرة اول ش 2 من على الترام
حداد عفشة: الحاج عبده .. غيط العنب .. اول شارع يمين من الشارع الرئيسى (على ناصيته قهوة بلدى ) .. و بعدين تانى شارع شمال
شغل فيبر: خالد .. الازاريطة اخر شارع الحى من ناحية السوق
قطع غيار: كورى-سكودا-فولكس .. يحيى راشد .. ش صلاح الدين قبل اشارة عبد المنعم بشارعين على الشمال
قطع غيار: كورى .. ياسين .. محطة ترام الوزارة
تكييف: الابراهيمية.. شارع ابوقيريمين من شركة البطاريات .. ثم اول شارع شمال
سروجى: محمود .. امبروزو .. امام سور المستشفى الايطالى العسكرى
= = = = = = = = = = = = = = = = = = = = = = =
و يارب اكون فيدتكم .. و على فكرة فى موضوع مشابه اسمه(دليل حرفيين اسكندرية) كنت كاتب فيه نفس الكلام و فيه مشاركات كتير من اخوتنا فى المنتدى