سعر الالنترا 2011 تفتكروا هيكون كام تعالو نفكر
1-مبدئيا الالنترا مش هتنافس الكيا سيراتو لا هتكون اغلى
2-السيراتو 124 حصان و فتيس 4 سرعات بتبتدى من 96000 للمانوال لغاية 126000 للاوتوماتيك هاى لاين
3-الالنترا الجديدة 138 حصان و فتيس 6 سرعات و شكل ثورى هجومى عنيف بلطجى هههههه
4-هيونداى مش هتنزل عربية تنافس السيراتو لسبب وجيه جدا انها مش عايزة تضرب مبيعات السيراتو لانهم اساسا شركة واحدة(مفيش حد بينافس نفسه)
5- بالمواصفات ديه العربية غالبا هتبتدى من 115000 للمنوال و تعتبر فاضية
لغاية 140000 للاوتوماتيك و ممكن ينزل فئة فيها كل حاجة ب 150 الف
يعنى الالنترا 2011 نازلة تنافس الرينو فلونس والشيفروليه كروز و كمان لان هيونداى ماكنش عندها عربية تنافس فالفئة ديه
سبب انشائى للموضوع ان واحد صاحبى معاه 100 الف و عايز يشترى عربية و كان بيفكر
فالصنى و الالنترا و لما شاف الشكل الجديد قالى لا انا هستنا و اجيبها
قولتله مش هتكون بالسعر ده خالص و هات سيراتو منوال زيرو او الاحسن كروز منوال كسر زيرو و مش عايز يقتنع
و برده انا عملت الموضوع ده عشان لو حد معاه 90-100 الف و بيفكر فالnew elantra
ميستناش عالفاضى
اخيرا صور النيو النترا 2011
http://www.nilemotors.net/Nile/145532-2011.html
و اسف عالاطالة