صوت مجننى

**megadeath** · 03-05-2010 02:19 PM

ما فيش صوت بيطلع فى الطلاعات خالص و مافيش صوت طول من انا مخالى الغيار ياخد راحتة سواء على السرعات البطيئة او السريعة . و ما فيش صوت خالص طول ما انا راكن حتى لو rpm عمل 7000 لفة

**M.Zaher** · 03-05-2010 09:05 PM

صوت الكركره ده كان العربيه هاتبطل مثلا ولا صوت تكتكه ؟؟
وجاي من الموتور صح؟

**محمد الشامي** · 03-05-2010 09:07 PM

المشاركة الأصلية كتبت بواسطة megadeath

عفوا الكل بيرد على تمن الفيتيس بس محدش رد على المشكلة و بعدين فى حاجات لازم تعرفوها الاول عن الفيتيس الاتوماتيك زى حد فيكم يعرف الفيتيس ده بياخد كاك كيلو زيت ؟ انا اقولكم 12 ك
طيب حد يعرف بكام كيلو الزيت ؟ انا برده حقولكم الزيت الكويس ب24 جنيه الكيلو ... يعنى بحسبة بسيطة تمن الزيت بس هو حوالى 288 جم ..... ممكن حد يفدنى بقى فى موضوع صوت الكركرة اللى عندى و شكرا

لو تسحملي اني اشارك في موضوع حضرتك , بس انا عايز اقولك ان في مقوله مصريه شهيره بتقول " الكلام اخد و عطا " وانا حاسس ان حضرتك عايز تسمع حل المشكله في كلمتين وبس

لكن تأكد ان الإستعجال في الوصول للحل هيبعدك اكتر عن الحل الحقيقي

لكن على كل حال عشان مكونش عملت مداخله في موضوعك بدون إفاده
من ضمن الأسباب اللي بتعمل تسقيف في العربيه هي :-
1- مشكله في كنترول العربيه ecu
2- تلف حساس البلوك او التسقيف knock sensor (مقتبس من موضوع شرح الحساسات لأستاذ محمد ممدوح)

و دة وظيفتة اعطاء اشارة للكمبيوتر لما الموتور يبداء يسقف و عن طريقة الكمبيوتر بيغير توقيت الاشعال لمنع التسقيف
مكانة فى البلوك جنب المارش

**engoss1990** · 04-05-2010 01:17 AM

what is the diffrence between knock and detonation?

**megadeath** · 04-05-2010 10:19 AM

بالنسبة لصوت الكركرة كان العربية حتبطل لا مش حتبطل و سحبها عادى اما بخصوص الصوت جاى من الماتور فانا مش عارف لان بيظهر و انا ماشى على السرعات العالية
بخصوص حساس البلوك معلش انا مش عارف هو الانوس 1 فيها حساس للبلوك و لا لا ؟

**MMamdouh** · 04-05-2010 01:57 PM

المشاركة الأصلية كتبت بواسطة engoss1990

what is the diffrence between knock and detonation?

detonation is the symptom... knocking is the observation

MMamdouh

**samirayad** · 04-05-2010 03:35 PM

- تلف حساس البلوك او التسقيف knock sensor (مقتبس من موضوع شرح الحساسات لأستاذ محمد ممدوح)

الحساس ده مش موجود بالانوس

**samirayad** · 04-05-2010 03:43 PM

المشاركة الأصلية كتبت بواسطة megadeath

برجاء افادتنا من ذوى الخبرة عن الصوت ده ... انا اشتريت دايو لانوس 1 موديل 1999 اتوماتيك بقالها معايا 5 شهور و تقربيا من اسبوع الفيتيس الاتوماتيك باظ و رحت بيه عند اكبر مركز للفتيتس اللى موجود فى شارع احمد سعيد و دفعت فى تصليحة 1700 جنيه و بعد ما استلمت العربية و مشيت بيها 5 ايام و كانت زى الفل فى السحب اتكسر مسمار الشداد بتاع الدينمو و رحت لميكانيكى و خرطت مسمار الشداد اللى فى المانافول و ركبت جوان جديد للمانافول..... بس و انا بجرب العربية لقيت صوت كركة لما بحرق الغيار بسرعة زى ما تكون بنزين 80 او تاخير كهرباء مع العلم انى بحط بنزين 92 مع العلم ان طول ما انا مش قارص على العربية ما فيش صوت كركة خالص
و الميكانيكى قالى الصوت ده حيورح .. المهم روحت لمياكنيكى تانى شاطر قال السبب البنزين كان مخلوط و قال حط اوكتبن بوستر و العربية حتتظبط و برده هى لسه زى ما هى مع ان الصوت ده بيروح و بيجى ..... برجاء افادتنا ده عيب ايه و شكرا ....

مشكلة حضرتك بتاعة صوت الكركره مع التحريق على الغيارات أثناء حركة السياره
وبما أنك لسه عامل صيانه للفتيس

غالبا حيكون سببها عدم ربط مسامير التورك كونفرتر بتاع الفتيس صح على الفلام

ولكن ممكن تراجع مبدئيا على جوايط تركيب الفرن على البلوك
أحتمال يكون فيه جاويط أو أكثر مكسورين وعاوزين يتغيروا أو صواميلهم مهويه شويه

ولكن أرجع وأقول وأسألك

أنت بتلاحظ دخان فى الغرفه وأنت بتعمل أمبليهات للمكنه على سرعات عاليه وأنت فاتح الكبوت وواقف مكانك

لو لا

أعتقد وبنسبه كبيره

العيب فعلا فى كفاءة رباط مسامير محول العزم الهيدروليكى ( تورك كونفرتر ) على الفلام

وبالذات مع توائم حدوث هذا العيب المشار أليه بعد صيانتك الأخيره للفتيس

**samirayad** · 04-05-2010 09:30 PM

غلط السكوت على عيب زى ده

لأن ببساطه العيب حيتفاقم وحتحل المسامير أكتر وأكتر مع الشغل
وممكن تتكسر ويبوظ التورك كونفرتر
وحتبقى مشكله مش ظريفه ومكلفه جدا
لأن طالما موجود عيب ولو مش مؤثر حاليا
بس منضمنش آثاره الجانبيه

على الفتيس وعلى المكنه

فلازم تتحمل شويه وتسقط الفتيس تانى

وتبدأ تتعامل مع أعمال تركيب بطريقه دقيقه وبعزم رباط وتوزيع رباط صح

ومش مشكله لو حتتأكد فقط من جودة وكفاءة عملية التركيب
وترمى 100 أو 150 ج على الأرض
من أجل التشييك والتأكد من تلك النقطه الفنيه الحساسه

لأن أنا حقيقى مش شايف أمامى غيرها حاليا

__________________________

وممكن برضه تسطرد معانا فى الكلام كمان شويه
أحتمال نلاقى مخرج أو مسبب آخر

وحبدأ معاك أنا بسؤال بسيط جدا

هل العيب ده كان موجود قبل تسقيط الفتيس أثناء الصيانه الأخيره اللى كانت عندك فى الفتيس ................؟

لو لا

يبقى مازالت توقعاتى عن السبب الحالى قويه برضه ..........؟

وجارى المتابعه
وإن ظهر لدى جديد سؤافيك به

ونصيحه مبدأيه برضه

خفف السرعات على قدر ماتستطيع حاليا لحين معالجة العيب مهما كان سببه

الموضوع: صوت مجننى

LinkBack

أدوات الموضوع

عرض

-

-

-

-

المواضيع المتشابهه

لاب توب ديل مجننى مع و يندوز 8

صوت مجننى يا شاركاوية !!!!!

الدريكسيون مجننى

كونتاكت مجننى

الفتيس مجننى

الكلمات الدلالية لهذا الموضوع

المفضلات

المفضلات

ضوابط المشاركة