صوت مجننى

**megadeath** · 02-05-2010 03:14 PM

برجاء افادتنا من ذوى الخبرة عن الصوت ده ... انا اشتريت دايو لانوس 1 موديل 1999 اتوماتيك بقالها معايا 5 شهور و تقربيا من اسبوع الفيتيس الاتوماتيك باظ و رحت بيه عند اكبر مركز للفتيتس اللى موجود فى شارع احمد سعيد و دفعت فى تصليحة 1700 جنيه و بعد ما استلمت العربية و مشيت بيها 5 ايام و كانت زى الفل فى السحب اتكسر مسمار الشداد بتاع الدينمو و رحت لميكانيكى و خرطت مسمار الشداد اللى فى المانافول و ركبت جوان جديد للمانافول..... بس و انا بجرب العربية لقيت صوت كركة لما بحرق الغيار بسرعة زى ما تكون بنزين 80 او تاخير كهرباء مع العلم انى بحط بنزين 92 مع العلم ان طول ما انا مش قارص على العربية ما فيش صوت كركة خالص
و الميكانيكى قالى الصوت ده حيورح .. المهم روحت لمياكنيكى تانى شاطر قال السبب البنزين كان مخلوط و قال حط اوكتبن بوستر و العربية حتتظبط و برده هى لسه زى ما هى مع ان الصوت ده بيروح و بيجى ..... برجاء افادتنا ده عيب ايه و شكرا ....

**medolove72** · 02-05-2010 06:11 PM

وليه دفعت فى تصليحه 1700 جنيه كنت ممكن اشتريت واحد استيراد وعلى حد علمى مش هيوصل 1500 وعلى حسب معلوماتى انه لما بيبوظ مش بيتصلح

**M.Zaher** · 02-05-2010 06:53 PM

المشاركة الأصلية كتبت بواسطة medolove72

وليه دفعت فى تصليحه 1700 جنيه كنت ممكن اشتريت واحد استيراد وعلى حد علمى مش هيوصل 1500 وعلى حسب معلوماتى انه لما بيبوظ مش بيتصلح

+111111

طب و ايه العطل اللى كلف 1700 جنيه ده

**Hany A Fattah** · 02-05-2010 07:59 PM

انت كده صرفت اكتر من تمن الفتيس الاستيراد
ارجع للى صلحهولك اول مره وخليه يكشف عليه تانى

**M.Zaher** · 03-05-2010 11:55 AM

المشاركة الأصلية كتبت بواسطة megadeath

عفوا الكل بيرد على تمن الفيتيس بس محدش رد على المشكلة و بعدين فى حاجات لازم تعرفوها الاول عن الفيتيس الاتوماتيك زى حد فيكم يعرف الفيتيس ده بياخد كاك كيلو زيت ؟ انا اقولكم 12 ك
طيب حد يعرف بكام كيلو الزيت ؟ انا برده حقولكم الزيت الكويس ب24 جنيه الكيلو ... يعنى بحسبة بسيطة تمن الزيت بس هو حوالى 288 جم ..... ممكن حد يفدنى بقى فى موضوع صوت الكركرة اللى عندى و شكرا

يا اخي احنا بنسال عشان حضرتك بتقول صلحت فتيس ب 1700 جنيه فايه العطل اللى كلف المبلغ ده كله مايمكن لسه العطل موجود و هوه اللى عامل الصوت ده فقولنا العطل يمكن يطلع هوه ده السبب

و بعدين مال زيت الفتيس و الحكايه دي
و على فكره احنا عارفين بياخد كام كيلو و امتى بياخد 12 و امته بياخد 4 و بعدين فيه زيت برده زي الشل ابو 24 ب 18 جنيه و هوه بقى اللى مكتوب في الكتالوج مش الشل
وبعدين الكركره دي بقى اسبابها ممكن تكون كتير جدا
ممكن تقولنا بقى اخبار الفلاتر معاك ايه
و زيت المكنه بقاله اد ايه
و طرمبه البنزين اخبارها ايه
وبقيت الصيانات اخبارها ايه
غيرت سير الدينامو و الكاتينه

**megadeath** · 03-05-2010 12:01 PM

انا لسه مغير زيت معملش 500 كم و الفيتيس كان العيب اللى فيه انا لما بحط العربية على R مكانش فيها عزم و بعد ما احط الغيار على d من r العربية تبرجس منى فلازم اقف و بعدين احط الغيار على P و بعدين على d وبعد كده تسحب زى الفل و مكانش فيها حتى نتش كانت ناعمة جدا فى النقل .. رحت للمركز ده و قال ان الكلاتشتات اتحرقت علشان مكنش فيه زيت كفاية فى الفيتيس مع العلم ان مافيش اى تسريب لزيوت عندى ... اما الفلاتر مغيرتهاش من ساعة ما جبت العربية

**engoss1990** · 03-05-2010 12:23 PM

1- بنزين الاكتان بتاعه قليل بيسبب التسقيف (لغبطة داخل غرفة الاحتراق)
2-الصوت ده بيحصل عند تحميل الموتور عزم اكتر من اللي بيولده
او بتطلب منه عزم مش معاه زي ما بتتطلع عالتالت مثلاً وممكن يكون الفتيس في الحالة دي في مشكلة

**megadeath** · 03-05-2010 12:28 PM

انا قولت كده بس ما فيش صوت طول ما العربية دايرة بس مش ماشية
و بدره ما فيش صوت طول ما انا مش قارص على الغيار و بخليه يجى برحتة ... الصوت يظهر لما احرق الغيار و بعد ما الغربية تاخذ سرعتها يروح ... و على فكره انا جربت العربية من يومين على طريق الفيوم و جبت 130 كم ... يبقى العيب فى ايه بقى معلش انا تعبك معايا

**engoss1990** · 03-05-2010 01:36 PM

لا تعب ولا حاجة
الكلام اللي حضرتك بتقوله مالوش دعوة بالموتور
اظن بنسبة 99% ان العيب من الفتيس
و استنى برضه رأي الخبراء في الفتيس الاوتو لان ان مش اد كده فيه

الموضوع: صوت مجننى

LinkBack

أدوات الموضوع

عرض

-

-

-

-

-

المواضيع المتشابهه

لاب توب ديل مجننى مع و يندوز 8

صوت مجننى يا شاركاوية !!!!!

الدريكسيون مجننى

كونتاكت مجننى

الفتيس مجننى

الكلمات الدلالية لهذا الموضوع

المفضلات

المفضلات

ضوابط المشاركة