السلام عليكم ..
أنا كان ليا استفسار بسيط بخصوص عدادات للشاهين .. ينفع تتغير ؟!
عشان بصراحة الواحد زهق من الشكل السبعيناتي للعدادات ده ..
قبل ما أعمل الموضوع كنت عملت سيرش فى المنتدي على العدادات عشان مكونتش عايز أسأل سؤال مكرر قتل بحثا وكلاما قبل كدة .. بس ملقيتش ضالتي للأسف .. كان فيه شغل لناس محترمة والله .. واحد بيجرب يعمل ورق بألوان جديدة لعربيته البيجو الـ 504 .. وواحد تاني شغال على الشاهين ما شاء الله مبدع .. وكان عايز يلعب فى العدادات ويخليها مدورة ويركبلها حتة فيبر تانية مناسبة .. كل ده حلو بس عايز ناس عندها وقت وحب للى هية بتعمله .. وأنا بصراحة عايز حاجة سهلة وفى الإنجاز :)
معلش على الرغي .. السؤال بوضوح كالآتي :
ينفع أعمل أي حاجة تخلى شكل العدادات أحسن ؟!
أنا سمعت عن العدادات الـ illuminator بس أكيد النضافة دي مفيش منها للشاهين .. فيه ؟! إنتو أدري وتقولولى ..
واحد سألته قالى ركب شريط ليدات من برة .. بس معلش يعني كدة حبقي ناقصلي الفرو وأقلبها تاكس رسمي ..
عذرا للإطالة عليكو وإن شاء الله ألاقي حلول عندكو :)