الموضوع: انا والبواب والمرسيدس (البيه البواب)

موقف حصل امبارح وقولت احكيهولكم

نازل من بيتنا كالعاده والعربيه مزنوقه بين شويه عربيات
وكان ورايا 3 عربيات وعلشان اطلع من الشارع لازم العربيه اللي ورايا تطلع
اطلع من بين الاتنين الي وراها بشكل حلزوني بضهري
فاستصعبت الموضوع وقولت ادور علي صاحب الاوبترا الي قافله الشارع من قدام واطلع بوشي
وانا بدور عليه
جاتلي مكالمه من اخي وحبيبي كريم منير
فبحكيله الوضع وبقوله انا حروح اخلي البواب يطلع عربيته
فقالي نعممممممممممممم
بواب ايه وعربيه ايه
قولتله المرسيدس بتاعه بواب العماره الي جنبنا هي اللي قافله عليا
قالي انت بتتكلم بجد ولا بتهزر ؟؟؟؟؟؟؟
قولتله لا بجد
ههههههههههههههههههه
وفعلا روحت للراجل وطلع عربيته وطلعت
بس كنت بوضح لكريم الصوره قبل ما الراجل يطلع عربيته
مرسيدس 200 موديل 82 او 84
فرش جلد طبيعي
العربيه وسط اخواتها تعتبر تحفه
فيا تري حد فيكم اتعرض للموقف ده او شبيه ليه قبل كده؟؟؟؟؟؟؟؟؟

علما بان بواب العماره الي جنبنا ده
ما شاء الله وربنا يزيده
شغال سمسار عقارات (بيع وشرا مش مفروش)
سمسار عربيات
بيشتري حاجات وبيبعها بالتقسيط
عمري ما شوفته لابس جلباب مكرمش ولا عليه بقعه
لو جاب موبايل حديث وشاف زيه مع حد من السكان بيجيب غيره فورا (الموضوع ده من فتره)

ففعلا دا انا بطلق عليه لقب البيه البواب
وهو يستحقه عن جداره
عندكم بهوات زينا ؟؟؟