تغطية اول مقابلة للاسرة نيسان فى 30/4 /2010بالصور

**Elsayed** · 03-05-2010 09:51 AM

يارب تتكرر تانى واكون فى مصر واشارك معاكم ونتعرف على الاخوه الافاضل ان شاء الله

**Ahmed.TV** · 03-05-2010 11:39 AM

بتمنى باذن الله على القريب العاجل نتجمع تانى مع بعض

يا جماعة اقسم بالله شخصيات فى قمة الاحترام , ولما تقعد معاهم تحب تقعد كتيررررر جدا ومش عاوز تسيبهم وتروح , وكان يوم جميل بيهم وبوجودهم

وبشكر محمد علاء على حضوره من المحلة ونا مصمم انى شوفتك قبل كدا يا محمد , وبشكر كمان الدكتور هانى الرخاوى اللى جه بردوا من بنها مخصوص وشاركونا الصحبة الجميلة دى ووحضورهم بنعتبره وسام على صدورنا وشرف لينا

وامير بردوا مستنيه يدخل بردوا معانا لانه من الرجالة المحترمة , انا بعتبره كان البونونى بتاع القعدة , وصاحب فكرة اول مقابلة لنيسان , والاجمل انها كانت فى يوم عيد ميلاده , والراجل احتفل بيه معانا واحتفلنا معاه بيه

واحمد كمال شخصية فى منتهى الروح والجمال ولذيذ جدا ,ونفسى اقعد معاه تانى , وكفاية ان رجل اهلاوى صميم ههههههه , عاوزين نروح مع بعض ماتش الاهلى اللى جى يا احمد ايه رايك؟! ومتنساش تسلملى على اسامة

وطبعا خالد باشا سبعاوى كان مشرفنا ونتمنى حضوره تانى باذن الله لاننا منقدرش نستغنى عنه ابدا

وبشكر الاستاذ على عمرو على طيبة قلبه , راجل فى منتهى الطيبة , وانا اتشرفت بصداقته

ومحمد سليمان شخصية لذيذة , وقال ايه بيخجل يفتح حوارات !! ده قاعد منورنا ومتكلم لبق بطيبته الجميلة , وراجل متعاون جدا

وايمن سيف النصر , الراجل ده راجل ابن بلد وشهم , وبجد انا اتشرفت بيه جدااااااااااااا

ومحمد قاسم انت مش عضو دخيل انت من اسرة نيسان خلاص وبجد شرفتنا ودايما معانا

وتامر عوض الراجل ده ممتع جدا , ذوق ذوق ذوق جداااااااا , بصراحة ياريت التقى بيك قريب يا استاذ تامر

وسامح راشد بردوا كان منورنا , وراجل مثقف ومحترم ودايما معانا يارب ونورتنا

ومحمد رماح شخصية جميلة , جدا ويارب يوعدنا بعربية زى اللى راكبها فى الصورة بتعته

ومحمد على ابو الفتوح راجل متكلم ولبق جدا وشخصية محترمة جدا

وبشكر محمد غازى اللى كان منورنا باحاديثه الممتعة ,وبتمنى وجوده معانا دايما لان اصبح من اسرة نيسان خلاصصص

وكمان احمد مجدى رجل هادى جميل جدا وطيب ومحترم وكان مشرفنا مع اخوه علاء , ومنورنا دايما يا بوحميد

وباذن الله فى مكان حلو فى دماغى حروح اكتشفه الاول وحقولكم عليه عشان قريب فى شهر 6 حنتقابل تانى وحيكون فى نصه عشان الكل يجى

وكمان فى رمضان حنتقابل وحنفطر يوم مع بعض , وفى مكان فى دماغى تحفةةةةةةةةةةةةة للمقابلة فى رمضان , بس ساعتها حيكون بالحجز وليه ترتيب , لان المكان حيعجبكم جدا وحيكون على النيل ويناسب امكانيات الكل

وباذن الله دايما متجمعين على خير , ويارب تكون عادة دايمة ومتتقطعش ابدا

**amir** · 03-05-2010 12:03 PM

صباح الخير عليكم جميعا
ربنا ما يوريكم ايقاف
و فرق التوقيت الصيفي مش محسوب
فاخدت ساعه سوي زياده
ياللا بقي مش مشكله
الا محدش سمعني كفاره و سلام مربع منحني مستطيل علي اجدع ناس
بجد و الله يوم في منتهي الجمال
و احمد بأفكاره و نشاطه عمل شغل جامد
و كمل الشغل ده كوكبه متألقه من الاعضاء و الغير اعضاء
بجد الواحد كان نفسه اليوم ده يطول
الوقت مر مرور الكرام
و احنا لسه بنقول يا هادي
و ان شاء الله نتجمع دايما في الخير
و من كل قلبي بشكر الناس كلها اللي كانت منوره في المقابله

**د.محمود صلاح** · 03-05-2010 12:14 PM

ماشاء الله الموضوع واضح انه كان مرتب بعناية وهنيئاً لكم والقاكم بإذن الله في رمضان على خير

**Ahmed.TV** · 03-05-2010 12:17 PM

حمد لله على السلامة , نورتنا يا امير باشا , منقدرش نستغنى عنك ابدا , انت البونبونى بتعنا
الاجمل يا جماعة بجد ان بعد المقابلة دى ,بقا فى تواصل بينا دايما , واتصالات , ومحبة ,
فعلا المقابلات دى , بتقرب الناس ببعضها جدا

**Ahmed.TV** · 03-05-2010 12:19 PM

المشاركة الأصلية كتبت بواسطة د.محمود صلاح

ماشاء الله الموضوع واضح انه كان مرتب بعناية وهنيئاً لكم والقاكم بإذن الله في رمضان على خير

ان شاء الله تكون معانا باذن الله , لاننا نتشرف بيك يا استاذ محمود وتيجى بالسلامة

**amir** · 03-05-2010 01:03 PM

المشاركة الأصلية كتبت بواسطة eng.octooo

هوة دكتور امير كان موقوف لية !!!!
(

موضوع ايقافي هعمل بيه شكوي في قسم الشكاوي بس شويه اجمع قواعد المنتدي و اراجع الموضوع كويس
و ممكن تبقي تتابع الشكوي في قسم الشكاوي بس خد بالك ان ممنوع علي اي حد غير صاحب الشكوي الكتابه فيها
و التعليق علي العقوبات و الايقافات ممنوع برضو
فبلاش كلام من ده هنا و تبقي تابعه بس لو حبيت تعرف في قسم الشكاوي

**Ahmed.TV** · 03-05-2010 01:19 PM

بس اية المكان التانى الى فى دماغك لل مقابلة التانية!! وعاوزين واحدة بدرى لسة كتيير على نص 6[/quote]

حتكتك واظبط الفكرة وحقولكم عليها , بس غالبا حيكون يوم كامل من الصبح لغاية باليل زى رحلة

وفى كام مكان كدا حروحهم واكتشفهم واصورهم واعرضهم عليكم باذن الله عشان لو عجبوكم نتفق على مقابلة قريبة اخرى ونقضى يوم كامل برحلة جماعية منسقة

بس مهم الناس اللى اتقابلت فى المقابلة الاولى تيجى , ومعاهم الناس اللى مجوش المقابلة الاولى , بردوا يجوا ويشرفونا , وحرنتبها ليهم قبلها بفترة عشان محدش يكون عنده حجة والكل يشارك , والاسرة تكبر وتزيددددددددددددددد

-

-

الموضوع: تغطية اول مقابلة للاسرة نيسان فى 30/4 /2010بالصور

LinkBack

أدوات الموضوع

عرض

-

-

-

-

المواضيع المتشابهه

مكان المقابلة الثانية للاسرة نيسان والدعوة عامة لكل الاقسام

تغطية مقابلة كيا موتورز...بالصور!

تغطية مقابلة شهر فبراير 2009

تغطية مقابلة شهر ديسمبر 2008

تغطية مقابلة عيد ميلاد المنتدي بالصور

الكلمات الدلالية لهذا الموضوع

المفضلات

المفضلات

ضوابط المشاركة