تغطية اول مقابلة للاسرة نيسان فى 30/4 /2010بالصور

**Ahmed.TV** · 02-05-2010 08:00 PM

المكان : سفارى دندى مول طريق مصر اسكندرية

اليوم :الجمعة

التاريخ :30/4/2010

الساعة : 3:30

بداية تجمع الكل حضرو الساعة 4 وقعدنا فى الكافيه

يوم المقابلة والانطباع عنها

اتجمعنا كلنا عند كافيه سفارى والكل حضر , وفوجئت كمان بناس كلمتنى فى نفس اليوم الصبح ومكنتش مبلغة بالحضور وقالت انها حتيجى وده اسعدنى شخصيا واسعدنا كلنا جدا

قعدنا واتعرفنا على بعض كلنا , والكل دخل فى الحوارات على طول والكلام ولا اكننا نعرف بعض من زمان

وفضلنا نتناول الحديث بينا وبين بعض فى النيسان والعربيات بشكل عام وامور الحياة وكل شى , وواتغدينا , وبعد كدا اخدنا صور جماعية , واحتفلنا بتورتة المقابلة عليها شعار قسمنا الحبيب واخدنا صور

بصراحة كان يوم رائع جدا وجميل جدا, واجمل مافيه وجود الناس العظيمة دى اللى حضرت , ناس فى قمة الاحترام والذوق بجد , والاحلى ان الواحد وهو مروح سعيد جداااا ومش عاوز يترك الصحبة الرائعة دى , ونفسه يتجمع معاهم تانى

الاجمل فى القعدة ان لما تبص لكل الوجوه اللى كانت موجودة تحس انك تعرفها من زمان , وان فى كميا بينا كبيرة فى الحوار

بصراحة كل الناس كانوا نجوم وعلى راس القعدة الاستاذ الكبير رائد قسم نيسان الاستاذ خالد سبعاوى , راجل فى قمة الادب والذوق والاحترام , وخدوم جدااااا وكل الناس حابة تقعد تتكلم معاه وتتعرف عليه

بصراحة انا من بعد اليوم ده يا جماعة وانا بفكر نتجمع تانى ونعمل مقابلة تانية , بسبب الحب والود والروح اللى كانت موجودة فى المقابلة الاولى , واوعدكم المقابلة التانية حتكون قنبلة , وفيها ترتيبات جامدة ومفاجات كتيرة, لان الناس اللى موجودة واتشرفت بصداقاتهم ناس تستاهل كل خيرررررر

وبوجه شكر خاص للاعضاء اللى من خارج قسم نيسان

المهندس غازى اللى نورنا وشرفنا بحضوره وفعلا شخصية محترمة جدا وفعلا اصبح واحد من اسرة نيسان

محمد رماح الراجل المجتهد بتقاريره عن السيارات واللى شرفنا بحضوره

محمد قاسم صاحب القلب الكبير وعضو محترم فى قسم الدايو , كان مشرفنا بجد ودايما معانا يا محمد

احمد مجدى صاحب السوزوكى sx4 على حضوره وانضمامه للاسرة نيسان

وطبعا بشكر الضيوف المحترمة اللى كانوا بصحبة احمد كمال وبصحبة احمد مجدى ,كانوا منورنا بردوا وهما وعدونا انهم حينضموا لمنتدانا الحبيب فى اقرب وقت

صورة جماعية للاسرة كلها واللى حعرفكم عليها فرد فرد

من اليمين اول السهم

امير عادل محمد / العضوية : amir الوظيفة : دكتور اسنان السكن :مدينة نصر
اسامه ابوالغيط / العضوية : ضيف من طرف احمد كمال الوظيفة :مهندس كميائى السكن :الهرم
محمد رماح مصطفي / العضوية: mohamed.ramaالوظيفة:خدمة اجتماعية السكن :مصر الجديدة
محمد علاء / العضوية : eng:mohamed الوظيفة : بكالريوس ميكانيكا السـكن :المحلة
سامح راشد / العضوية : samehrashed الوظيفة : باحث بمؤسسة الاهرام الســكن :الجيزة
محمد قاسم / العضوية : maka الوظيفة : مهندس كهرباء الســكن :الجيزة

الصف التاني من اليمين برضه :

محمد سليمان محمد / العضوية : eng.octooo الوظيفة : فى هندسة معمارى السـكن : اكتوبر
هاني محمد الرخاوي/العضوية : haneyelrakhawyالوظيفة : استشاري جراحه الصدروالقلب السكن : بنها
علي عبد الحميد مصطفي العضوية : ali_amr الوظيفة : مبرمج فى البنك الاهلى السـكن :حلوان
خالد عمر العضوية : سبعاوى الوظيفة : مهندس ميكانيكا الســـكن :مدينة نصر
محمدعلى ابوالفتوح العضوية : mohaliالوظيفة: مديرتخطيط بشركهolympic group السكن : الهرم
محمد غازي العضوية : ghazy12 الوظيفة : مهندس مدنى الســـكن :الهرم
تامر محمد عوض العضوية : tame الوظيفة : ظابط قوات مسلحه الســـكن :الهرم
علاء مجدى اخو العضواحمد مجدى الســـكن : الزتون

الصف الاخير من اليمين

ايمن سيف النصر عبد الحليم العضوية : aymenseef الوظيفة : مهندس زراعى السكن : عين شمس
احمد مصطفى العضوية: ahmed.tvالوظيفة:محرربدعم اتخاذ القرار بالتليفزيون السكن: الهرم
احمد كمال العضوية : ahmadkamal الوظيفة : مهندس كميائى السكن : الهرم

احمد مجدى العضوية : dr_smartالوظيفة : طبيب امتياز طب عين شمس السـكن : الزتون

صورة للتورتة اللى عليها شعار المقابلة

صورة جماعية متنوعة اثناء الاحتفال

صورة جماعية متنوعة اخرى اثناء الاحتفال

صور جماعية اخرى

صور للاعضاء اثناء المقابلة

صور من اللقاء

صور من اللقاء ايضا

صورة للاعضاء اثناء تبادل الحوارت الممتعة بينا

فى النهاية

بشكر الناس اللى حضرتك فرد فرد واتشرفنا بمعرفتهم فى اليوم الجميل ده

والحمد لله على افتتاح اول مقابلة للاسرة نيسان التى كان يجمعها الحب والاحترام والصداقة الحميمة

وبشكر الناس اللى حاولت تيجى ومتوفقتش فى الحضور لظروفهم الخاصة , وان شاء الله يكونوا معانا فى المقابلات الاخرى القريبة جداا

ونلتقى دايما على خير ويجمعنا الود والاحترام والمحبة والخير لبعض

**hanyelrakhawy** · 02-05-2010 08:40 PM

ما شاء الله كان يوم جميل .... و نتمنى تكراره فى القريب العاجل

**hany_mohamed** · 02-05-2010 08:41 PM

تسلم ايدك يا أستاذ احمد وفعلا والله وعملوها الرجالة
انشاء الله دائما متجمعين على خير والمرة القادمه انشاء الله اكون معاكم

**م.محمد علاء** · 02-05-2010 08:56 PM

و أكتر من كده الناس كلها مش عايز أنسى أى واحد فيهم...
اللى تبادلت الحوار معاه واللى مجتش الفرصه إني أتبادل معاه حوار..
ان شاء الله تتعوض.
بس يكفى الواحد إنه يبص فى الصور ويفتكر اليوم الحلو ده كله...

**م.محمد علاء** · 02-05-2010 09:08 PM

المشاركة الأصلية كتبت بواسطة AhmadKamal

Many thanks Ahmad for your great efforts,

U were like a bee before, during and after the meeting

Also thank U for the cake, it was really a very good surprise

I hope we will repeat it again ISA

N.B.: I am @ home, so forgive me I am writing in english

Thank You

Cheers

عرفنا عذرك يا بشمهندس...
ولاونها لغة آآآآآآآآآآآآباااااااااءك.. .
و أجداااااااااااااااااادك...

فاهمني طبعا

المشاركة الأصلية كتبت بواسطة hanyelrakhawy

ما شاء الله كان يوم جميل .... و نتمنى تكراره فى القريب العاجل

فعلا يا دكتور..و ألف شكر لحضرتك على الوصفات الطبيه السريعه..
حضرتك عارف بقى مبدأ الإستغلال مع الدكاتره

المشاركة الأصلية كتبت بواسطة hany_mohamed

تسلم ايدك يا أستاذ احمد وفعلا والله وعملوها الرجالة
انشاء الله دائما متجمعين على خير والمرة القادمه ان شاء الله اكون معاكم

ان شاء الله حضرتك تنورنا.لان الناس الحلوه مبتخلصش

**MOK3336** · 02-05-2010 09:37 PM

إن شاء الله المرة الجاية هكون معاكم بإذن الله

**AhmadKamal** · 02-05-2010 09:44 PM

[QUOTE=Eng:mohamed;3872614634]عرفنا عذرك يا بشمهندس...
ولاونها لغة آآآآآآآآآآآآباااااااااءك.. .
و أجداااااااااااااااااادك...فاهمني طبعا
Aywa ana fahem fahem!!!!!!!!!!!

In fact I am happy to know U and to know that U came from Mahala to Dandy mall, to see us,

I appreciate it a lot

Also I appreciate all the efforts done by Ahmad Moustafa,

thanks again for this great day,

Tomorrow morning I will write in arabic,

Tomorrow is another day.....

**eng.octooo** · 02-05-2010 09:54 PM

بجد والله كان يوم تحفة وانا راجع فى الطريق وروحت خلاص فتحت نايل موتورز وقلت هانعمل مقابلة تانية هههههههههههه اة والله بس قلت لنفسى اية الى انا باعملة دة !! الناس لسة ما وصلتش بيتها

وكانت التورتة مفاجأة حلوة وفرحت ان الناس اخدت بالها من الفكرة دى .... والناس عجبها جداااا التورتة والمفاجأة بيها شكرا أ/ احمد على المفاجأت اللذيذة دى

وكان فية حضور طاغى للاعضاء كلهم

واتكلمنا فى كل حاجة ممكن نتكلم فيها ....

على فكرة انا شخصية مش اجتماعية اوى يعنى مش باعرف
افتح مواضيع للكلام

بس يومها والله كنت باكلم كل واحد وانا متأكد انى اعرفة من زمان وكنت باتكلم بحرية واشارك مع الناس فى الحوارات

والناس كلها كانت كدة والله مش مجاملة ( اكييد مش انا الفلتة فيهم ههه)

تحس ان دى مش مقابلة معمولها حساب من فترة ...لا تحس انك خارج مع اصحابك وقلتوا بالصدفة عاوزين نقعد فى كافية !!!

فتلاقى كل حاجة بتترتب لوحدها

بدأ من التنظيم حتى ترتيب الكلام حتى الوصول حتى المغادرة

بجد والله كانت كل حاجة ماشية سلسة جداااااا والوقت كان بيعدى هوااااااااااااااااا

وبجد نفسى ترتبوا مقابلة تانى فى اقرب فرصة حتى ولو كانت سهرة على كافية فى اى مكان

وطبعا مش هاننسى الرباعى المتحالف ( الناس الى جت مخصوص من اقسام تانية علشان تشرفنا وساهمت بجد فى نجاح المقابلة)

محمد رماح...مراسل المنتدى /محد قاسم...قلب الدايو /احمد مجدى..سوزوكى مان / غازى cerato story

وه ادى لكل عضو لقب ... وهاستنى كام يوم وهاقول انطباعى عن الاعضاء ( علشان يفضلو كل يوم يدخلوا على الموضوع يشوفوا سبب اللقب دة اية هههههههههه )

امير عادل محمد/ شخصية كارتونية
اسامه ابوالغيط / هادىء بشراسة
محمد رماح مصطفي/ رجل ال مستحيل
محمد علاء / مميز بسهولة
سامح راشد/ الساكن المتحرك
محمد قاسم / اعلى منحنى النقاء

محمد سليمان محمد / الواد الرخم ( انا هههههههههه)
هاني محمد الرخاوي/واجهة تعليمية
علي عبد الحميد مصطفي / محب الطبيعة
خالد عمر/ سبعاوى باشا هههههه
محمدعلى ابوالفتوح /مبتسم جدا
محمد غازي / عكاز المنتدى
تامر محمد عوض/رسمى ولذيذ
علاء مجدى / هادى بس فية انطلاق

ايمن سيف النصر عبد الحليم / شبه واحد صاحبى بالظبط / الدائرة البيضا
احمد مصطفى / منسق لبق
احمد كمال / لذيذ بعفوية

احمد مجدى/ رزين بهدوء

عاوزين نشوف انطباع الناس عن المقابلة الجميلة دى ....

-

-

الموضوع: تغطية اول مقابلة للاسرة نيسان فى 30/4 /2010بالصور

LinkBack

أدوات الموضوع

عرض

تغطية اول مقابلة للاسرة نيسان فى 30/4 /2010بالصور - انشر الموضوع فى :

-

-

-

-

المواضيع المتشابهه

مكان المقابلة الثانية للاسرة نيسان والدعوة عامة لكل الاقسام

تغطية مقابلة كيا موتورز...بالصور!

تغطية مقابلة شهر فبراير 2009

تغطية مقابلة شهر ديسمبر 2008

تغطية مقابلة عيد ميلاد المنتدي بالصور

الكلمات الدلالية لهذا الموضوع

المفضلات

المفضلات

ضوابط المشاركة